فیلیپیان 4:21 - کتاب مقدس به زبان مازندرانی - گویش غربی

²¹ دِشتِه مِقَدَّسینی سِه مَسیحْ عیسایی دِلِه سَلام بَرِسانین. بِرارِنی گه می هَمرا دَرِنِه، شِمِسِه سَلام رَسانِنِه.

گیله ماز

²¹ تمام مُقَدَّسین وَسین عیسی یِه مسیحِ دِلهِ سَلام بَرِسانین. اَداشانی که می هَمرَه دَرِن، شِمِره سَلام رِساندِنِن.

کتاب مقدس به زبان مازندرانی - گویش شرقی

²¹ تِمومِ مقدّسینِ مَسیحْ عیسیِ دِله سِلام بَرِسونین. برارونی که مِ هِمراه دَرِنه، شِمه وِسه سِلام رِسِندِنِنه.

فیلیپیان 4:21 Iomraidhean Croise

اِنجیلِ مَتّی 5:47

اگه فقط شی رَفِقِنِ سَلام هاکِنین، بَقیِه ای جا چی كارِ ویشتَری اَنجام هادانی؟ مَگِه حتّی بی دینِن هَم هَین كارِ نَکِنِنِه؟

اوّلین نامِه قُرنتیانی سِه 1:2

خِدایی کلیسایی سِه گه قُرِنتُسی شهری دِلِه دَرِه، اونانیگه مسیحِ عیسایی دِلِه تقدیس بَوِنِه و بَخونِس بَوِنِه تا مِقَدَّس زندگی هاکِنَن، دِشتِه اونانی هَمرا گه هر جای دییَر اَمِه خِداوند عیسی مَسیحی اِسمِ خُونِّنِه، گه اَمِه خِداوند و وِشونی خِداوَندِ:

غَلاطیان 1:2

و همینجور دِشتِه بِرارِنی گه می هَمرا دَرِنِه، غَلاطیه ای کلیساها رِه:

غَلاطیان 2:3

ولی حتّی تیتوس گه می هَمرا دَوِه، با هَینگه یونانی وِه، وِرِه مَجبور نَکِردِنِه گه خَتنِه بَوو.

اِفِسُسیان 1:1

پولُسی طرفی جا گه خِدایی خواسی هَمرا مَسیحْ عیسایی رَسولِ، مِقدّسینی سِه گه اَفِسُسی شهری دِلِه دَرِنِه، اونانیگه مَسیحْ عیسایی دِلِه وَفادارِنِه:

فیلیپیان 1:1

پولُس و تیموتائوسی طرفی جا، مَسیحْ عیسایی نوکَرِن، دِشتِه مِقَدَّسینی سِه گه مَسیحْ عیسایی دِلِه فیلیپی شهری دِلِه دَرِنِه، ناظِرِن و شَماسِن:

فیلیپیان 4:7

خِدای صِلح و سلامتی گه هر فهمی جا بالاترِ، شِمِه دِلیشون و فِکریشونِه مَسیحْ عیسایی دِلِه مِحافظت کِنِّه.