فیلیپیان 4:19 - کتاب مقدس به زبان مازندرانی - گویش غربی

¹⁹ و می خِدا، دِشتِه شِمِه اِحتیاجاتِ، طبقِ شی پِر جلالِ دولت، مَسیحْ عیسایی دِلِه برطرف کِنِّه.

گیله ماز

¹⁹ وَ می خُدا، تمام شیمی اِحتیاجان رِه، خودِشِه پُر جلالِ دولت طَریقِ جی، مسیحْ عیسی دِلِه برطرف کانه.

کتاب مقدس به زبان مازندرانی - گویش شرقی

¹⁹ و مِ خِدا، تِمومِ شِمه احتیاجاتِ، طبقِ شه پِرجلالِ دولت، مَسیحْ عیسیِ دِله برطَرِف کانده.

فیلیپیان 4:19 Iomraidhean Croise

اِنجیلِ مَتّی 6:32

چون هَین دِنیایی دِشتِه قوم هَین چیایی دِمال دَرِنِه، ولی شِمِه آسِمونی پیر دِنِّه گه شِما دِشتِه هَین چیارِه اِحتیاج دارِنی.

اِنجیلِ یوحنا 20:17

عیسی وِرِه بُتِه: «می کَش نَخار، چون حَلا پیری وَر لُو نَشیمِه. ولی می بِرارِنی وَر بور و وِشونِه بُو گه مِن شی پیر و شِمِه پیر و شی خِدا و شِمِه خِدایی وَر لُو شومِه.»

اِنجیلِ یوحنا 20:27

اَزما تومارِه بُتِه: «شی اَنگیسِ هَیجِه بِل و می دَسِ بَوین، شی دَسِ پِش بیار و می پَلی ای وِهری دِلِه بِل. بی ایمون نَواش، بَلگی ایمون دار.»

رومی ایشون 1:8

اَوّلَاً گه، شی خِدارِه عیسی مَسیحی طریق، شِما هَمه ای خاطری شِکر کِمِّه، چون شِمِه ایمونی اَوازِه دِشتِه دِنیایی دِلِه دَپیتِه.

رومی ایشون 11:33

آه، چَنّی خِدایی دولتمندی و حکمت و معرفت جَلِ! وی داوری ها رِه نِشِنِه دَکلاش وَکلاش هاکِردَن. و وی راهها رِه نِشِنِه بِفَهمِسَن.

رومی ایشون 2:4

یا هَینگه خِدایی مِهروونی و تَحمِل و وی گَتِه صبوری رِه کِچیک اِشمارنی، و نَئُونی گه خِدایی مِهروونی هَینسِئِه گه تِرِه توبِه ای سَمت وَرنِه؟

رومی ایشون 8:18

می نَظَر هَینِه، هَین دِنیایی عذابا، هون جلالی گه اَمِه دِلِه آشکار وونِه ای هَمرا، نِشنِه قیاس هاکِردن.

رومی ایشون 9:23

تا شی گَتِ جلالِ هون ظرفایی سَر گه اونِنِه رحم هاکِردِه معلوم هاکِنِه، ظرفایی گه اونانِ پِشتر جلالی سِه آمادِه هاکِردِه.

دوّمین نامه قرنتیانِ وَسین 12:21

و اونی تَرسِ هَم دارمِه گه وختی شِمِه وَر بیئِم، می خِدا شِمِه پِش مِنِه فروتَن هاکِنِه، و مِن مجبور بَووم بعضیایی خاطری گه قَبلاََ گِناه هاکِردِنِه و شی ناپاکی و بی‌عفتی و عیاشی ای جا توبِه نَکِردِنِه، عزاداری هاکِنَم.

دوّمین نامه قرنتیانِ وَسین 4:17

چونگه اَمِه کِچیک و زود گِذَرِ رَنجیشون، اَبَدی جَلال اَمِسِه اُرنِه گه نِشِنِه هون رنجیشونی هَمرا قیاس هاکِردن.

اِفِسُسیان 1:18

تا شِمِه دِلی چِش رووشِن بَوو، تا هون اِمیدی گه خِدا شِمارِ اونیسِه بَخونِسِه بِشناسین، و خِدایی هون بی حد و حِساب و پِرجلالِ میراثِ، مِقَدَّسینی دِلِه بِفهمین،

اِفِسُسیان 1:7

اَما مسیحی دِلِه، وی خونی طریق، آزادی دارمی؛ گه هَین هَمون خطاهایی بَخشِشِه، گه اونِه شی بی حَد و حسابِ فیضی اَنّا،

اِفِسُسیان 2:7

تا هون زمونهایی دِلِه گه خواینِه بیِه، وی شی بی حد و حسابِ فیضِ، شی مِهرَوونی ای طریق نسبت به اَما، مَسیحْ عیسایی دِلِه هَم هادِه،

اِفِسُسیان 3:16

گه طبقِ شی جَلالی دولتمندی شِمارِ هادِه، تا خِدایی روحی طریق، شی باطِنی دِلِه قوی و قِدّار بَووئین،

اِفِسُسیان 3:8

هر چَن گه مِن دِشتِه مِقَدَّسینی میِن هَمه ای جا کمترینمِه، هَین فیض مِنِه هادا بَوِه تا مَسیحی بی حد و حسابِ گنجیشونِه غیریهودیِنی سِه اعلام هاکِنِم،

فیلیپیان 4:7

خِدای صِلح و سلامتی گه هر فهمی جا بالاترِ، شِمِه دِلیشون و فِکریشونِه مَسیحْ عیسایی دِلِه مِحافظت کِنِّه.

کولُسیان 1:27

خِدا هَینجور بَخوایسِه گه وِشونِه بِشناسانِه گه هَین راز، غیریهودیِنی مین چی گَتِه جلالیِه. هَین راز هَینِگه، مَسیح شِمِه میِن، جَلالی اِمیدِ.

کولُسیان 3:16

مسیحی کلام شِمِه دِلِه فِراوونی ای هَمرا بَمونِّه؛ دِشتِه حکمتی هَمرا هَمدیَرِ نصحیت هاکِنین و تعلیم هادین، مزامیر، سرودها و آوازهایی هَمرا گه خِدایی روحی جائه، شِکر هاکِردنی هَمرا، شی دِلی دِلِه خِدایی سه بَخونین.

اوّل تِسالونیکیان 2:12

اَما هر کدیم از شِمارِ یَت یَتّا تشویق هاکِردمی و تَسلّی هادامی و سِفارِش هاکِردِمی تا اونجور گه خِدایی لایقِ زندگی هاکِنین گه شِمارِ شی پادشاهی و جلالی سِه خُونِّه.

اول تیموتائوس 6:17

هَین دِنیایی پولدارِنِ بُو گه مغرور نَووئَن، و شی اِمیدِ هَین دِنیایی مالی سَر نِلِن گه نَمونِّه. بَلگی وِشونی اِمید خِدایی رِه ووئه گه هَمه چیره فَت و فِراوون اَمسِه فِراهَم کِنِّه تا اونانی جا کیف هاکِنیم.

فیلیمون 1:4

مِن شی دِعاهایی دِلِه تِرِه یاد اُرمِه، هَمِش شی خِدارِه شِکر کِمِّه،

اول پِطرُس 5:1

مِن گُو شِه یَتِه مشایخمِه و مسیحی رنجهایی شاهد وِمِه و هون جلالی دِلِه گه ظاهِر وونِه شریکمِه، مشایخی گه شِمِه میِن دَرِه رِه سِفارش کِمِّه:

اول پِطرُس 5:10

و اَزما گه یَکَم سختی و عذاب بَئینی، خِدایی گه فیضی جا پِرِ، گه شِمارِ مَسیحی دِلِه بَخونِسِه، تا وی اَبَدی جلالی دِلِه شریک ووئین، شِمارِ از نو بَنا کِنِّه و پایدار و پِر قدرت و پابرجا کِنِّه.