فیلیپیان 4:18 - کتاب مقدس به زبان مازندرانی - گویش غربی

¹⁸ شِمِه کِمکیشون کامِل می دَس بَرِسیِه و شی احتیاجی جا ویشتَر دارمِه. اِسا گه شِمِه کِمکِ اِپافْرودیتوسی طریقی جا گه میسِه بَرِسانینی رِه، بَیتِمِه، هَمه چی ای جا فِراوونی دارمِه. شِمِه هَدیِه خِش بی عطر و قابِلِ قَبولِ قِروونی ایِه گه خِدارِه راضی کِنِّه.

گیله ماز

¹⁸ شیمی کُمکِشان کامِل می دَس بَرِسییَه و می احتیاجِ جی بیشتر دارمِ. اَسه که شیمی کُمکِ، که اِپافْرودیتوسِ طریقِ جی می وَسین روانه هَکوردِه بِین رِه، بِیتَم، هَمِه چی یه جی فَراوان دارم. شیمی هَدیِه خوش بو عطر و قابِلِ قَبولِ قُربانی ایِه که خُدا رِه راضی کانه.

کتاب مقدس به زبان مازندرانی - گویش شرقی

¹⁸ شِمه کُمِک ها مِ دَس بَرِسیه و شه احتیاجِ جِم ویشتر دارمه. اِسا که شِمه کُمِک اِپافْرودیتوسِ طریق که مِ وِسه بَفرِسینه ره، بَییتِمه، همه چیِ جِم فِراوون دارمه. شِمه هَدیه، خِشبو عطر و قابلِ قبولِ قِروونی ای هَسه که خِدا ره راضی کانده.

فیلیپیان 4:18 Iomraidhean Croise

اعمال رَسولان 10:4

کُرنِلیوس تَرسی هَمرا وِرِه هارشیِه و بُتِه: «چی خواینِه بُئی، آقا؟» فِرشته بُتِه: «تی دِعاها و صَدَقِه ها هِتی یَتِه ذِکری هَدیه ای تَرا خِدایی وَر بَرسیِه.

رومی ایشون 12:1

پَس اِی بِرارِن، خِدایی رَحمتایی خاطری، شِمِه جا خواهِش کِمِّه گه شی تَنِ هِتی زینِّه قِروونی ای تَرا، مِقَدَّس و خِدایی بابِ دِل، پیشکَش هاکِنین گه شِمِه روحانی عبادَت همینِه.

دوّمین نامه قرنتیانِ وَسین 11:8

مِن دییَر کلیساهارِه غارت هاکِردِمِه و وِشونی جا کِمکِ مالی بَیتِمِه، تا شِمارِ خِدمَت هاکِنِم.

دوّمین نامه قرنتیانِ وَسین 9:12

چون هَین خِدمَت، نا فقط مِقَدَّسینی احتیاجاتِ برطرف کِنِّه، بَلگی باعث وونِه خِیلیا خِدارِه بی حد و اندازه شِکر هاکنِن.

اِفِسُسیان 5:2

و مِحبتی دِلِه رَفتار هاکِنین، هَمونجور گه مَسیح هَم اَمارِه مِحبت هاکِردِه و شی جانِ اَمِسِه هِتی قِروونی و خِش عَطرِ هَدیِه ای تَرا خِدارِه پیشکَش هاکِردِه.

فیلیپیان 4:12

مِن هَم دِمِّه محتاج بَووئن چِتیِه، و دِمِّه هَم فِراوونِ نعمتی دِلِه زندگی هاکِردن چتیِه. هر وَضع و حالی دِلِه، زندگی ای راز، سِئری و وَشنایی، احتیاج و محتاج ووئَنِ یاد بَیتِمِه.

دوّم تِسالونیکیان 1:3

اِی بِرارِن، اَما همش وِنِه خِدارِه شِمِه خاطری شِکر هاکِنیم، دِرِس هَم هَینِه، چون شِمِه ایمون هینجور رشد کِنِّه و هر کِدیم از شِمِه ای مِحبَت همدیرِ ویشتَر وونِه.

نامِه مَسیحینی عبرانی نِژادی سِه 13:16

خِبی هاکِردَنی جا و بَقیِه رِه شَریک هاکِردَن اونچی ای دِلِه گه دارِنی ای جا کِتاهی نَکِنین، چون خِدا هَینجور قِروونیایی جا راضیه.

اول پِطرُس 2:5

شِما شِه هَم هِتی زینِّه سَنگهایی تَرانی، گه یَتِه روحانی عمارَت شِمِه جا بَسات وونِه تا مقدَّسِ کاهِنِنی تَرا ووئین تا عیسی مَسیحی طریقی جا، روحانی قِروونی ها گه خِدا هونِنِه قَبول کِنِّه پیشکش هاکِنین.