فیلیپیان 4:14 - کتاب مقدس به زبان مازندرانی - گویش غربی

¹⁴ با هَین وجود، لِطف هاکِردِنی گه می زَحمتایی دِلِه شریک بَوِنی.

گیله ماز

¹⁴ با این وجود، لُطف هَکُردین که می زَحماتِ دِلِه شریک هَبِین.

کتاب مقدس به زبان مازندرانی - گویش شرقی

¹⁴ با این وجود، لطف هاکاردینی که مِ زحمِت هائه دِله شَریک بَینی.

فیلیپیان 4:14 Iomraidhean Croise

اِنجیلِ مَتّی 25:21

وی اَرباب بُتِه: ”آفَرین، اِی باوَفا و خِبِ نوکر! اِسا گه هَین کَمِ پولی دِلِه اَمین وِه ای، پولِ ویشتری تی اختیار اِلمِه. بِرِه شی اَربابی خِشالی ای دِلِه شَریک بَواش!“

رومی ایشون 15:27

وِشون شِه خوایسِنِه هَین کارِ هاکِنِن؛ و راساسی هَم وِشون، اورشلیمی ایموندارِنی مَدیون وِنِه. چون اگه غیریهودیِن، یَهودیِنی روحانی برکاتی دِلِه شریک بَوِنِه، یَهودیِن هَم وِنِه برکاتِ مالی ای دِلِه وِشونِه خِدمت هاکِنِن.

غَلاطیان 6:6

اونیگه خِدایی کَلامی جا تعلیم گیرنِه، وِنِه دِشتِه خِبِ چیارِه اونی هَمرا گه وِرِه تعلیم دِنِه شَریک بَوو.

فیلیپیان 1:7

مِن هَین حقِّ دارمِه گه شِما هَمه ای خَوَری هَینجور حِسّی دارِم، چونگه می دِلی دِلِه جا دارِنی، چون شِما هَمه می هَمرا خِدایی فیضی دِلِه شریکِنی، هَم می زیندون دَکِتنی دِلِه، هَم اِنجیلی دِفاع هاکِردَنی جا، و هَم اونی حَیقتِ ثابت هاکِردن.

فیلیپیان 4:18

شِمِه کِمکیشون کامِل می دَس بَرِسیِه و شی احتیاجی جا ویشتَر دارمِه. اِسا گه شِمِه کِمکِ اِپافْرودیتوسی طریقی جا گه میسِه بَرِسانینی رِه، بَیتِمِه، هَمه چی ای جا فِراوونی دارمِه. شِمِه هَدیِه خِش بی عطر و قابِلِ قَبولِ قِروونی ایِه گه خِدارِه راضی کِنِّه.

اول تیموتائوس 6:18

وِشونِه دستور هادِه گه خِبی هاکِنِن، خِبِ کارایی دِلِه دولتمند بَوون، بخشنده و دَس دلباز ووئِن.

نامِه مَسیحینی عبرانی نِژادی سِه 10:33

بَعضی وَختا هَمه ای چِشی وَر فاش خاردنی و عذاب کَشینی، و بَعضی وَختا کَسایی دوش به دوش اِسّاوِنی گه وِشونی هَمرا هَینجور رفتار وونِسِه.

نامِه مَسیحینی عبرانی نِژادی سِه 10:34

چون شِما اونانی هَمرا گه زیندونی دِلِه دَوِنِه همدَردی هاکِردِنی، و هون موقِه گه شِمِه مال و مَنالِ غارت کِردِنِه، خِشالی ای هَمرا قَبول کِردِنی. چون شِما شِه دِنِسِنی یَتِه بهتَرِ مال و منالی صاحِبِنی گه تا اَبَد مونِّه.

نامِه مَسیحینی عبرانی نِژادی سِه 13:16

خِبی هاکِردَنی جا و بَقیِه رِه شَریک هاکِردَن اونچی ای دِلِه گه دارِنی ای جا کِتاهی نَکِنین، چون خِدا هَینجور قِروونیایی جا راضیه.

یوحنایِ مکاشفه 1:9

مِن یوحنا، شِمِه بِرار، گه عذابی دِلِه و پادشاهی و صبر و تَحَمِلی گه عیسایی دِلِئه، شِمِه هَمرا شَریکمِ، خِدایی کَلام و عیسایی شَهادَتی خاطری، یَتِه جزیره ای دِلِه دَوِمِه گه اونِه پاتموس گِتِنِه.