فیلیپیان 4:1 - کتاب مقدس به زبان مازندرانی - گویش غربی

¹ پَس، می بِرارِن گه شِمارِ دوس دارمِه و شِمِه بَئینی سِه مِشتاقمِه، اِی شِما گه می خِشالی و تاجِ سَرِنی، اِی عزیزِن، هَینجوری خِداوندی دِلِه قائِم هِرِسین.

گیله ماز

¹ پَس، می اَداشان که شِمِرِه دوس دارِم و شیمی بَدییَنِ وَسین مُشتاقِم، اِی شُما که می خُشحالی و تاجِ سَرین، اِی عزیزان، اینجوری خُداوَندِ دِلِه قایم بییَسید.

کتاب مقدس به زبان مازندرانی - گویش شرقی

¹ پَس، مِ بِرارون که شِما ره دوس دارمه و شِمه بَدیئِنِ وِسه مشتاقِمه، ای شِما که مِ خِشالی و مِ سَرِ تاجِنی، ای عزیزون، این طی خِداوندِ دِله قایم ایست هاکانین.

فیلیپیان 4:1 Iomraidhean Croise

اِنجیلِ مَتّی 10:22

دِشتِه مَردِن می اِسمی خاطری شِمِه جا بیزار وونِنِه. ولی هر کی تا آخَر دَووم بیارِه و بَمونِّه، نِجات گیرنِه.

اِنجیلِ یوحنا 8:31

اَزما عیسی یَهودیِنی گه وِرِه ایمون بیارد وِنِه رِه بُتِه: «اگه می کَلامی دِلِه بَمونین، حَیقَتاً می شاگِردِنی.

اعمال رَسولان 11:23

وختی بَرنابا اوجِه بَرِسیِه و خِدایی فیضِ بَئیِه، خِشال بَوِه و هَمه رِه تَشویق هاکِردِه تا دِشتِه دِلی هَمرا خِداوَندِ وفادار ووئِن،

اعمال رَسولان 14:22

هون شَهرایی دِلِه شاگِردِنی جانِ قِوَّت هادانِه، وِشونِه تشویق کِردِنِه شی ایمونی دِلِه بَمونِن و نَصیحَت کِردِنِه گه «وِنِه خِیلی مِصیبَتارِه تَحمِل هاکِنیم تا خِدایی پادشاهی ای دِلِه بوریم.»

اعمال رَسولان 2:42

وِشون شِرِه وَقفِ تَعلیم بَیتَن رَسولِنی جا و دییَر ایموندارِنی هَمرا مِشارکت و نون گِلی هاکِردَن و دِعا هاکِردِنِه.

رومی ایشون 2:7

خِدا اَبَدی زندگی رِه اونانی رِه دِنِه گه صبری هَمرا خِبِ کارایی اَنجام هادائَنی دِلِه، جَلال و حرمت و اَبَدی زِندگی ای دِمال دَرِنِه؛

اوّلین نامِه قُرنتیانی سِه 15:58

پَس، می عزیزِ بِرارِن، پابرجا و پایدار ووئین، هَمِش خِداوندی کارِ ویشتَر و ویشتَر اَنجام هادین، چون دِنِّنی شِمِه زحمت خِداوندی دِلِه بیخِدی نیِه.

اوّلین نامِه قُرنتیانی سِه 16:13

هوشیار ووئین؛ ایمونی دِلِه پایدار بَمونین؛ مَرد ووئین و قَوی بَووئین.

دوّمین نامه قرنتیانِ وَسین 1:14

هَمونجور گه شِما اَمارِه تا حَدّی بِشناسینی، تا اَمِه خِداوند عیسایی روزی دِلِه شِما اَمارِه افتخار هاکِنین، هَمونجور گه اَما شِمارِ افتخار کِمّی.

غَلاطیان 5:1

آزادی ای سِه وِه گه مَسیح اَمارِه آزاد هاکِردِه؛ پَس قائِم هِرِسین و یَکَش دییَر نوکری ای جِدِ شی گِردَن نِلین.

فیلیپیان 1:27

فقط بِلین شِمِه زندگی ای رَوش، مسیحی اِنجیلی لایق ووئه، اونجور گه چی بیئِم و شِمارِ بَوینِم و چی نیئِم، شِمِه جا بِشنُئِم گه یَتِه روحی دِلِه پابرجانی و یَتِه فِکری هَمرا اِنجیلی ایمونی سِه، دوش به دوش هَم تَقَّلا کِنِنی،

فیلیپیان 1:8

چون خِدا می گِواهِ گه چِتی اون احساساتی هَمرا گه مَسیحْ عیسایی جا سرچشمِه گیرنِه، شِما هَمه ای مِشتاقمِه.

فیلیپیان 2:16

زندگی ای کَلامِ قائِم دارین، تا مسیحی دَگِرسنی روزی دِلِه، افتخار هاکنِم گه بیخِدی دُو نَزومِه و بیخِدی زحمت نَکِشیمِه.

فیلیپیان 2:26

چونگه وی مِشتاقِ شِما هَمه رِه بَوینِه و هینی خاطری گه بِشنُس وِنی ناخِشِ، پریشونِ.

کولُسیان 4:12

اِپافْراس، گه یَتِه از شِما و مَسیحْ عیسایی نوکرِ، شِمِنِه سلام دارنِه. وی هَمِش دِعایی دِلِه خِدایی جا خواینِه گه شِما هون آدمنی تَرا گه بالغ و خاطرجَم هَسِّنِه، پابرجا بَمونین، و خِدایی اِراده ای جا کامِلاً اطاعت هاکِنین

اوّل تِسالونیکیان 3:13

و شِمِه دِلِ پایدار هاکِنِه، تا هون موقِه گه اَمِه خِداوند عیسی شی دِشتِه مِقدَّسینی هَمرا اِنِه، اَمِه خِدا، آسمونی پیری حِضور بی عیب و مِقدّس ووئین.

دوّم تِسالونیکیان 2:15

پَس، اِی بِرارِن، قائِم هِرِسین و هون تعلیمایی گه اَمِه جا یاد بَیتِنی رِه بَچِسبین، چی اَمِه گَبایی جا چی اَمِه نامِه هایی هَمرا.

دوم تیموتائوس 2:1

پَس تو می وَچِه، هون فیضی هَمرا گه مَسیحْ عیسایی دِلِه دَرِه قوی بَواش،

نامِه مَسیحینی عبرانی نِژادی سِه 10:23

بیئین بدونِ هَینگه شَک هاکِنیم، هون اِمیدی گه اونِه اعتراف هاکردمی رِه قائِم بَچِسبیم، چون اونیگه وَعدِه هادا وفادارِ.

نامِه مَسیحینی عبرانی نِژادی سِه 3:14

چون اَما مَسیحی دِلِه شریک بَوِمی، اگه راساسی اطمینانی گه از اَوّل داشتمی رِه تا آخر قائِم داریم.

نامِه مَسیحینی عبرانی نِژادی سِه 4:14

از اوجِه گه اَما یَتِه گَتِه کاهنِ اعظم دارمی گه آسِمونِنی سِه لُو بوردِه، یَعنی عیسی خِدایی ریکا، بیئین شی ایمونی اعترافِ قائِم داریم.

پطرسی دِوّمین نامِه 3:17

پَس شِما اِی عَزیزِن، اِسا گه هَینِه دِنِّنی، مِواظب ووئین نَکِنِه بی‌دینِنی نادِرِسِ راهی دِلِه گِمراه بَووئین، و شی پایداری رِه از دَس هادین،