فیلیپیان 3:8 - کتاب مقدس به زبان مازندرانی - گویش غربی

⁸ راساسی، مِن هَمه چیرِه هَینسِه گه می خِداوند مَسیحْ عیسایی بِشناسیَن هَمه چی ای جا بالاتر هَسِّه، ضرر دِمِّه، و وی خاطری هَمه چیرِه از دَس هادامِه و اونانِه هِتی آشغالی تَرا دِمِّه تا می نفع مَسیح ووئه

گیله ماز

⁸ راس راسی، مَن هَمِه چیرِه اینه وَسین که می خداوند مسیحْ عیسی بِشناختَن همه چی یه جی بالاتر هیسِه، ضرر دانَم، و اونه خاطِری هَمِه چیرِه اَز دَس هَدَم و اوشانِه ایتا آشغالِ مِثان دانَم تا مَسیح رِه بِدَس بیارَم

کتاب مقدس به زبان مازندرانی - گویش شرقی

⁸ راس راسی، مِن همه چی ره اینِ وِسه که مِ خِداوند مَسیحْ عیسیِ بِشناسییَن همه چیِ جِم بالاتر هَسه، ضرر دومبه، وه خاطِری همه چی ره از دَس هِدامه. و اونا ره آشغالِ واری دومبه تا مِ نفع، مَسیح بوئه

فیلیپیان 3:8 Iomraidhean Croise

لوقا 1:43

مِن کیمِه گه می سَروری مار می بَئیَنی سِه بیِه؟

لوقا 11:20

ولی اگه مِن خِدایی قِوَّتی هَمرا دِویشونِه دیرگا کِمِّه، پس هَین نِشون دِنِه خِدایی پادشاهی شِمارِ بَرِسیِه.

اِنجیلِ یوحنا 14:20

هون روز فَهمِنِنی گه مِن پیری دِلِه دَرمِه و شِما می دِلِه دَرِنی و مِن شِمِه دِلِه دَرمِه.

اِنجیلِ یوحنا 14:7

اگه مِنِه اِشناسیوِنی، می پیرِ هَم اِشناسینی؛ بعد اَزین وِرِه اِشناسِنِنی و وِرِه بَئینی.»

اِنجیلِ یوحنا 16:3

هَین کارارِ کِنِنِه، چون نا آسِمونی پیرِ بِشناسینِه، نا مِنِه!

اِنجیلِ یوحنا 17:3

و اَبَدی زندِگی هَینِه گه تِرِه تَنیا حَیقی خِدا و عیسی مَسیح گه تو بَرِسانی رِه بِشناسَن.

اِنجیلِ یوحنا 17:8

چون کَلامی رِه گه مِنِه هادایی، وِشونِه هادامِه، و وِشون اونِه قَبول هاکِردِنِه و حَیقَتاً بِفَهمِسِنِه تی طَرفی جا بیمومِه، و باوَر هاکِردِنِه گه تو مِنِه بَرِسانی ای.

اِنجیلِ یوحنا 20:13

وِشون وِرِه بُتِنِه: «اِی زَنا، چه بِرمِه کِنّی؟» مریم جِواب هادا: «می سَروَرِ بَوِردِنِه و نَئومِّه وِرِه کِجِه بِشتِنِه.»

اِنجیلِ یوحنا 20:28

توما وِرِه بُتِه: «می خِداوَند و می خِدا!»

اعمال رَسولان 20:24

ولی مِن هَم جانِ هَم زِندگی رِه شیسِه بی اِرزِش دِمِّه، فقط اگه بَتِنِّم شی دورِه رِه تُوم هاکِنِم و خِدمَتی گه عیسای خِداوندی جا بَیتِمِه رِه، سَراَنجام بَرِسانِم، و خِدایی فیضی خَوِرخِشِ شهادَت هادِم.

رومی ایشون 8:18

می نَظَر هَینِه، هَین دِنیایی عذابا، هون جلالی گه اَمِه دِلِه آشکار وونِه ای هَمرا، نِشنِه قیاس هاکِردن.

رومی ایشون 8:39

و نا بِلَّنی و نا پَستی، و نا دِشتِه خلقتی دِلِه هیچ‌ چی دییَر، نَتِنِّه اَمارِه خِدایی مِحبتی جا گه اَمِه خِداوند مَسیحْ عیسی هَسِّه، سیوا هاکِنِه.

اوّلین نامِه قُرنتیانی سِه 2:2

چون تصمیم بَیت وِمِه شِمِه میِنی هیچی رِه نَئُنِم اِلّا عیسی مَسیح، هون هَم مَصلوب بَوِه عیسی.

اوّلین نامِه قُرنتیانی سِه 9:10

مَگِه راساسی هَینِه اَمِه خَوَری نُنِه؟ اَرِه، هَین کَلام اَمِسِه بَنوِشت بَوِه، چون موقِه ای گه یَنَفر زَمی رِه شِخم زَنِّه، و یا خَرمَن کِنِّه، وِنِه اِمید دارِه گه مَحصولی جا سهمی وَرنِه.

دوّمین نامه قرنتیانِ وَسین 4:4

هَین دِنیایی خِدا، بی ایمونِنی فِکرارِ کور هاکِردِه تا مسیحی جَلالی اِنجیلی نور گه خِدایی دیمِ رِه، نَوینِن.

دوّمین نامه قرنتیانِ وَسین 4:6

چون هَمون خِدا گه بُتِه: «نور، تاریکی ای جا بَتابِه،» شی نورِ اَمِه دِلی دِلِه بَتابانیِه تا خِدایی جَلالی بِشناسیَنی هَمرا، مسیحی دیمی دِلِه، اَمارِه نورانی هاکِنِه.

غَلاطیان 1:16

گه شی ریکارِه می دِلِه ظاهر هاکِنِه تا اونِه غیریهودیِنی میِن اعلام هاکِنِم، هون موقِه جسم و خونی هَمرا مَشوِرَت نَکِردِمِه؛

اِفِسُسیان 4:13

تا وختی گه اَما هَمه اَمِه ایمون یَتّا ووئه و اَما هَمه ای بِشناسیَن خِدایی ریکائی جا یَتّا ووئه تا هینجوری یَتِه کامِلِ آدمی قَد گَت بَووئیم، تا مسیحی قامتی پِری ای اَنّا بَرسیم

فیلیپیان 1:1

پولُس و تیموتائوسی طرفی جا، مَسیحْ عیسایی نوکَرِن، دِشتِه مِقَدَّسینی سِه گه مَسیحْ عیسایی دِلِه فیلیپی شهری دِلِه دَرِنِه، ناظِرِن و شَماسِن:

فیلیپیان 3:10

تا مَسیح و وی زینِّه بَووئَنی قِوَّتِ بِشناسَم و وی عذابایی دِلِه شَریک بَووم، و وی مرگی دِلِه وی تَرا بَووم،

فیلیپیان 3:12

نا هَینگه تا اَلَن هَینِنِه بدس بیارد ووم یا کامل بَوِمِه، بَلگی شِه پِشتر حرکت کِمِّه تا اونِه بِدَس بیارِم، چونگه مَسیحْ عیسی مِنِه شیسِه بِدَس بیاردِه.

فیلیپیان 3:7

ولی هر چی گه میسِه نَفع داشتِه، اونِه مَسیحی خاطری ضرر دِنِسِمِه

دوم تیموتائوس 4:6

چون اَلَنم می خون هِتی پیشکَش بَوِه شرابی تَرا دِ بَشِنی وونِه و می بوردنی موقِه هَین دِنیایی جا بَرِسیِه.

نامِه مَسیحینی عبرانی نِژادی سِه 3:14

چون اَما مَسیحی دِلِه شریک بَوِمی، اگه راساسی اطمینانی گه از اَوّل داشتمی رِه تا آخر قائِم داریم.

اول پِطرُس 2:7

پس هَین، شِمِنِه گه ایمون بیاردنی حِرمتِ؛ ولی اونانیگه ایمون نیاردِنِه ای سِه، «هون سَنگیِه گه بَنّائیشون دیم بَدانِه بَنایی اَصلی ترین سَنگ بَوِه،»

پطرسی دِوّمین نامِه 1:2

فیض و صِلح و سلامتی، خِدا و اَمِه خِداوند عیسایی بشناسیَنی طریق، فَت و فِراوون شِمِنِه بیِه.

پطرسی دِوّمین نامِه 1:3

وی الهی قِوّت دِشتِه اونچی گه زندگی و دینداری ای سِه لازِمِ رِه اَمارِه هادا. وی بِشناسینی خاطریِه گه اَمارِه شی جلال و خِبی ای سِه بَخونِسِه.

پطرسی دِوّمین نامِه 1:8

چون اگه هَین صِفات شِمِه دِلِه بَمونِّه و ویشتَر بَوو، نِلنِه گه اَمِه خِداوند عیسی مَسیحی بِشناسینی دِلِه، بی‌فایده و بی‌ثمر ووئین.

پطرسی دِوّمین نامِه 3:18

بَلگی اَمِه خِداوند و نِجات دَهَنده عیسی مَسیحی فیض و بِشناسینی دِلِه رشد هاکِنین، گه وِرِه از اَلَن تا اَبَد جلال ووئه! آمین.

اوّل یوحنا 1:3

هون کَلام گه اَما بَئیمی و بِشنُسِمی رِه شِمِارِ اِعلام کِمّی تا شِما هَم اَمِه هَمرا رِفاقت دارین؛ حَیقَتاً هَم گه اَمِه رِفاقت پیری هَمرا و وی ریکا عیسی مَسیحی هَمرائِه.

اوّل یوحنا 2:19

وِشون اَمِه میِنی جا دیرگا بوردِنِه، ولی اَمِه جا نَوِنِه؛ چون اگه اَمِه جا وِنِه، اَمِه هَمرا مونِسِنِه. ولی وِشونی بوردَن نِشون هادا گه وِشون هیچکِدیم اَمِه جا نَوِنِه.

اوّل یوحنا 5:20

هَمینجور هَم دِمّی گه خِدایی ریکا بیمو و اَمارِه فَهم هادا تا ویگِه حَیقیِه رِه بِشناسیم، و اَما وی دِلِه گه حَیقیِه دَرمی، یَعنی وی ریکا عیسی مَسیحی دِلِه. وی خِدای حَیقی و اَبَدی زندگیه.