فیلیپیان 3:15 - کتاب مقدس به زبان مازندرانی - گویش غربی

¹⁵ اونانیگه اَمِه میِن بالِغِ آدمِنِ، وِنِه هَینجور فکر هاکِنِن؛ و اگه هر چی ای دِلِه یَجور دییَر فِکر کِنِنی، خِدا شِمِسِه هَینِه هَم معلوم کِنِّه.

گیله ماز

¹⁵ همه اَما که بالِغ هیسیم، بایسّی اینجور فکر هَکُنیم؛ و اَگِه هر چی یه دِلِه یِجور دیگه فِکر کانید، خُدا این رِه هم شِمِره معلوم کانه.

کتاب مقدس به زبان مازندرانی - گویش شرقی

¹⁵ اونایی که اَمه میون بالِغِنه، وِنه این طی فکر هاکانِن؛ و اگه هر چیِ دِله، یه جور دییه فکر کاندینی، خِدا شِمه وِسه اینِ هم دیار کانده.

فیلیپیان 3:15 Iomraidhean Croise

اِنجیلِ مَتّی 5:48

پَس شِما وِنِه كامِل ووئین هَمونجور گه شِمِه آسِمونی پیر كامِل هَسِّه.

لوقا 11:13

پس اگه شِما گه اَنّی بَد ذاتِنی دِنِّنی گه وِنِه شی وَچیلِه رِه خِبِ چی هادین، چَنّی ویشتَر شِمِه آسِمونی پیر روح القُدُسِ هر کی گه ویجا بَخواد، بَخشِنِه.»

اِنجیلِ یوحنا 6:45

پِیغَمبَرِنی بَنوِشتی دِلِه بیمو گه ”هَمه خِدایی جا تَعلیم گیرِنِه.“ پَس هر کی خِدایی جا بِشنُس وو و ویجا تَعلیم بَئیت وو، می وَر اِنِه.

اِنجیلِ یوحنا 7:17

اگه کَسی بَخواد خِدایی خواسِّه رِه اَنجام هادِه، فَهمِنِه گه هَین تعالیم خِدایی جائِه یا مِن شیجا گِمِه.

رومی ایشون 15:1

اَما گه قَویمی، وِنِه اونانیگه ضعیفِنِ رِه تَحمِل هاکِنیم و شی خِشال هاکِردنی دِمال دَنیوئیم.

اوّلین نامِه قُرنتیانی سِه 14:20

اِی بِرارِن، فکر هاکِردنی دِلِه هِتی وَچیلِه ای تَرا نَووئین، بَلگی بَدی هاکِردَنی دِلِه هِتی وَچیله ای تَرا ووئین. ولی، فکر هاکِردنی دِلِه گَتِ آدم ووئین.

اوّلین نامِه قُرنتیانی سِه 2:6

با هَین وِجود، اَما گَتِه آدمنی میِن حکمتِ گِمی، هر چَن نا حکمتی گه هَین زَمونِه ای جا ووئه یا اونانیگه هَین زَمونِه ای حاکِمِنی جانِه، گه بَمِردَنی سِه مَحکومِنِه،

غَلاطیان 5:10

مِن خِداوندی دِلِه شِمِه جا مِطمئنمِه گه شِما یَت دییَر نظری رِه قَبول نَکِنِنی، و اونیگه شِمارِ پریشون کِنِّه، هر کی ووئِه، شی سِزا رِه وینِّه.

اِفِسُسیان 1:17

تا اَمِه خِداوند عیسی مَسیحی خِدا، هون پِر جلالِ پیر، حِکمت و مکاشفه ای روحِ شِمارِ هادِه، تا وِرِه بِشناسین،

کولُسیان 1:28

اَما وِرِه اعلام کِمّی، و هَمه رِه هِشدار دِمی، و هَمه کَسِ دِشتِه حکمتی هَمرا تعلیم دِمی، تا هَمه رِه مسیحی دِلِه بالغِ آدمِنی تَرا خِدایی وَر بیاریم.

کولُسیان 4:12

اِپافْراس، گه یَتِه از شِما و مَسیحْ عیسایی نوکرِ، شِمِنِه سلام دارنِه. وی هَمِش دِعایی دِلِه خِدایی جا خواینِه گه شِما هون آدمنی تَرا گه بالغ و خاطرجَم هَسِّنِه، پابرجا بَمونین، و خِدایی اِراده ای جا کامِلاً اطاعت هاکِنین

اوّل تِسالونیکیان 4:9

اِسا بِرارانِه مِحبتی خَوَری شِما نیاز نارِنی گه یَنَفَر یَچی شِمِنِه بَنویسِه، چون شِما شِه خِدایی جا یاد بَیتِنی گه هَمدیَرِ دوس دارین،

دوم تیموتائوس 3:17

تا مَردِ خِدا کامِل بَوو، و هر خِبِ کاری سِه آمادِه.

نامِه مَسیحینی عبرانی نِژادی سِه 5:14

ولی سنگینِ غذا گَتِه آدمنی سِئه، وِشونی سِه گه شی قِوه ی تشخیصِ زیادی تمرینی هَمرا، جوری تربیت هاکِردِنِه گه بَتِنِّن بَد و خِبِ تَشخیص هادِن.

اوّل یوحنا 2:5

ولی هر کی گه وی کَلامِ بِجا اُرنِه، حَیقَتاً خِدایی مِحبت وی دِلِه کامِل بَوِه. هَینجوری اَما دِمّی گه وی دِلِه دَرِمی: