فیلیپیان 2:8 - کتاب مقدس به زبان مازندرانی - گویش غربی

⁸ و چون آدَمِنی شکلی تَرا بَوِه شِرِه فروتَن هاکِردِه و تا بَمِردَنی سِه، حتّی صَلیبی سَر بَمِردنی سِه مِطیع بَوِه.

گیله ماز

⁸ وَ چون آدَمان شکلِ مِثان هَبا خودِش رِه فروتن هَکُردِه وَ تا بَمِردَنِ موقِه، حتّی صَلیبِ سَر بَمِردَن مُطیع هَبا.

کتاب مقدس به زبان مازندرانی - گویش شرقی

⁸ و چوون آدِمونِ شکلِ واری بَییه شه ره فروتن هاکارده و تا بَمِردِنِ وِسه، حَتّی صَلیبِ سَرِ بَمِردِنِ وِسه مطیع بَییه.

فیلیپیان 2:8 Iomraidhean Croise

اِنجیلِ مَتّی 17:2

اوجِه، وِشونی وَر، عیسایی دیم دِگَرگون بَوِه. وی دیم خِرشیدی تَرا نورانی و وی جِمِه نوری تَرا اِسبی بَوِه.

اِنجیلِ مَتّی 26:39

عیسی اَقَدّی پِشتَر بوردِه و بِنِه ای سَر دَمَر دیم بَخاردِه و دِعا هاکِردِه: «اِی پیر، اگه وونِه هَین پیالِه رِه میجا دور هاکِن، ولی نا می خواسِّه ای سِه، بَلگی تی خواسِّه بَوو.»

اِنجیلِ مَتّی 26:42

عیسی یَکَش دییَر بوردِه و دِعا هاکِردِه: «اِی پیر، اگه راهِ دییَری دَنیِه بِجِز هَینگه مِن پیالِه رِه بَنوشَم، پَس تی اِرادِه بَوو.»

لوقا 9:29

هَمون موقِه گه دِعا کِردِه، وی دیمی وَضع دَگِرِسِه و وی جِمِه اِسبی و نورانی بَوِه.

اِنجیلِ یوحنا 10:18

هیچکی اونِه میجا نَیرنِه، بَلگی مِن شی میلی هَمرا اونِه دِمِه. اختیار دارمِه اونِه هادَم و اختیار دارمِه اونِه اَی هَم پَس هایرِم. هَین حِکمِ شی پیری جا بَیتِمِه.»

اِنجیلِ یوحنا 14:31

ولی مِن کاری رِه کِمِّه گه پیر مِنِه دَستور هادا، تا دِنیا دِنِّه گه پیرِ دوس دارمِه. پِرِسین، هَیجِه ای جا بوریم.

اِنجیلِ یوحنا 15:10

اگه می اَحکامِ بِجا بیارین، می مِحَبَتی دِلِه مونِّنی؛ هَمونجوری گه مِن شی پیری اَحکامِ بِجا اُرمِه و وی مِحَبَتی دِلِه مومِّه.

اِنجیلِ یوحنا 4:34

عیسی وِشونِه بُتِه: «می غذا هَینِه گه شی بَرِسانی ای اِرادِه رِه بِجا بیارِم و وی کارِ اَنجام هادَم.

اعمال رَسولان 8:33

وی کِچیک بَووئَنی موقِه، هرجور بی عِدالَتی ای وی حَق هاکِردِنِه، کی بَتِنِّه بُئِه وی کِنی نَسلی جائِه؟ چون وی زندگی، زَمینی جا بَئیت بَوِه.»

رومی ایشون 5:19

چون هَمونجور گه یَتِه آدَمی گِناهی هَمرا، خِیلیا گِناهکار بَوِنِه، یَته آدمی اِطاعَتی هَمرا هَم خِیلیا صالِح وونِنِه.

دوّمین نامه قرنتیانِ وَسین 8:9

چون اَمِه خِداوند عیسی مسیحی فیضی جا خَور دارِنی گه هر چَن دولتمند وِه، شِمِه خاطری فقیر بَوِه تا شِما وی فَقیری ای دِلِه دولتمند بَووئین.

غَلاطیان 3:13

اَمِه عوض مسیح لعنت بَوِه و هَینجوری اَمارِه شریعَتی لعنتی بِن آزاد هاکِردِه، چون توراتی دِلِه بَنوِشت بَوِه گه: «هر‌ کی دار بَزِه بَوو، ملعونِ.»

تیتوس 2:14

گه شی جانِ اَمِسِه هادا تا اَمارِه هر شِرارَتی جا آزاد هاکِنِه، و پاکِ مَردِنی شِنِه دِرِس هاکِنِه گه فقط، شِه وِنِه ووئِن گه خِبِ کارایی سِه غیرت دارِنِه.

نامِه مَسیحینی عبرانی نِژادی سِه 12:2

و اَمِه چِش فقط عیسی رِه ووئه گه اَمِه ایمونی پِی هَسِّه و اَمِه ایمونِ کامِل کِنِّه، و هون خِشالی ای خاطری گه وی پِش دَوِه، صلیبِ تَحمِل هاکِردِه، وی ننگ و عاری رِه نَدید بَیتِه و خِدایی راسِ دَسی تختی وَر نیشتِه.

نامِه مَسیحینی عبرانی نِژادی سِه 12:4

شِما حَلا گِناهی علِیه هونجور مِقاومت نَکِردنی گه شِمِه خون بَریخت بَوو.

اول پِطرُس 2:24

مسیح شِه اَمِه گِناهنِ شی تَنی دِلِه صَلیبی سَر دوش بَکِشیِه، تا اَما گِناهی سِه بَمیریم و صالِحی ای سِه زندگی هاکِنیم، وی زَخمهایی هَمرا شَفا بَیتِنی.

اول پِطرُس 3:18

چون مَسیح هَم یَکش گِناهِنی سِه عذاب بَکِشیِه، یَعنی هون صالح، اونانیسِه گه صالح نینِه، تا اَمارِه خِدایی وَر بیارِه. وی جسمی دِلِه بَکوشت بَوِه، ولی روحی دِلِه زینِّه بَوِه،