فیلیپیان 2:30 - کتاب مقدس به زبان مازندرانی - گویش غربی

³⁰ چونگه وی، مَسیحی کاری سِه دِ مِردِه، و شی جانِ خطر اِنگِتِه تا شِمِه خِدمتی کم و کَسری مِنِه جِبران بَوو.

گیله ماز

³⁰ چونکه اون، مَسیحِ کارِ وَسین دَبا بَمیره، و شِیمی خِدمتِ کَم و کاسّی یه جُبرانِ وَسین می خاطِری، خودشه جان خطر میَن توُوادَه.

کتاب مقدس به زبان مازندرانی - گویش شرقی

³⁰ چوون که وه مَسیحِ کارِ وِسه دَییه مِردهِ و شه جانِ خَطِر دِم هِدا تا شِمه خِدمِتِ کم و کاستی مِ ره جبران بَووه.

فیلیپیان 2:30 Iomraidhean Croise

اعمال رَسولان 20:24

ولی مِن هَم جانِ هَم زِندگی رِه شیسِه بی اِرزِش دِمِّه، فقط اگه بَتِنِّم شی دورِه رِه تُوم هاکِنِم و خِدمَتی گه عیسای خِداوندی جا بَیتِمِه رِه، سَراَنجام بَرِسانِم، و خِدایی فیضی خَوِرخِشِ شهادَت هادِم.

رومی ایشون 16:4

وِشون شی جانِ می خاطری خطری دِلِه دیم بَدانِه، و نا فقط مِن، بَلگی دِشتِه غیریهودیِنی کلیساها وِشونی جا مَمنون دارِنِه.

اوّلین نامِه قُرنتیانی سِه 15:53

چون هَین تَن گه از بِین شونِه وِنِه هون تَنی گه از بِین نَشونِه رِه دَکِنِه و هَین تَنی گه فانیِه وِنِه هون تَنی گه فانی نیِه رِه دَکِنِه.

اوّلین نامِه قُرنتیانی سِه 16:10

وختی تیموتائوس بیمو، وی هَمرا جوری رَفتار هاکِنین گه شِمِه وَر هیچ نِگرونی ای نارِه. چون وی هَم هِتی می تَرا خِداوندی کارِ اَنجام دِنِه؛

اوّلین نامِه قُرنتیانی سِه 16:17

اِستِفاناس، فورتوناتوس و اَخائیکوسی بیموئَنی جا خِشالمِه، چون شِمِه جای خالی رِه پِر هاکِردِنِه.

دوّمین نامه قرنتیانِ وَسین 12:15

مِن خِشالی ای هَمرا شِمِه جانی سِه خَرج کِمِّه و شی جانِ هَم اِلمِه. اگه مِن شِمارِ ویشتَر دوس دارمِه، مگِه شِما وِنِه مِنِه کمتر دوس دارین؟

دوّمین نامه قرنتیانِ وَسین 4:12

پَس، مَرگ اَمِه دِلِه کار کِنِّه، ولی زندگی شِمِه دِلِه.

فیلیپیان 2:17

حتّی اگه لازم بَوو گه می خون هِتی یَتِه پیشکشی تَرا شِمِه ایمونی قِروونی ای سِه بَشنی بَوو، ذوق دارمِه و شِما هَمه ای هَمرا خشالی کِمِّه.

فیلیپیان 2:27

راساسی گه ناخِش وِه و دِ مِردِه. ولی خِدا وِرِه رَحم هاکِردِه، و نا فقط وِرِه، بَلگی مِنِه هَم رحم هاکِردِه، تا یَتِه غِرصِه می غِرصِه ایشونی سَر زیاد نَوو.

فیلیپیان 4:10

خِداوندی دِلِه خِیلی خِشالمِه گه اِسا یَکَش دییَر میسِه دِلواپس بَوِنی، راساسی شِما می فِکر دَوِنی، ولی فِرصَت ناشتِنی.

فیلیپیان 4:18

شِمِه کِمکیشون کامِل می دَس بَرِسیِه و شی احتیاجی جا ویشتَر دارمِه. اِسا گه شِمِه کِمکِ اِپافْرودیتوسی طریقی جا گه میسِه بَرِسانینی رِه، بَیتِمِه، هَمه چی ای جا فِراوونی دارمِه. شِمِه هَدیِه خِش بی عطر و قابِلِ قَبولِ قِروونی ایِه گه خِدارِه راضی کِنِّه.

فیلیمون 1:13

مِن خِشال وونِسِمِه گه وِرِه شی وَر داشتِمِه تا هَین مِدّتی گه اِنجیلی خاطری زیندونی دِلِه دَرمِه، وی تی عوض مِنِه خِدمت هاکِنِه.

یوحنایِ مکاشفه 12:11

و وِشون، وَرکایی خونی هَمرا و شی شهادتی کلامی هَمرا وی سَر هاجِرا بَوِنِه. چونگه وِشون شی جانِ دوس ناشتِنِه، حتّی تا مرگی موقِه.