فیلیپیان 2:29 - کتاب مقدس به زبان مازندرانی - گویش غربی

²⁹ پس خِداوندی دِلِه، وِرِه دِشتِه خِشالی ای هَمرا قَبول هاکِنین و هَینجور آدَمِنِ حِرمت بِلین،

گیله ماز

²⁹ پس خُداوَندِ دِلِه، اونه تمام خُشحالی یه هَمرَه قبول هَکُنید و اینجور آدَمانِ حُرمت بَنین،

کتاب مقدس به زبان مازندرانی - گویش شرقی

²⁹ پَس خِداوندِ دِله، وه ره، تِمومِ خِشالیِ هِمراه قَبول هاکانین و این طی آدِمونِ حِرمت بییِلین،

فیلیپیان 2:29 Iomraidhean Croise

لوقا 9:5

اگه مَردِن شِمارِ قَبول نَکِردِنِه، وختی وِشونی شَهری جا شونِنی، شی لینگی گَرد و خاک هِلاکِنین تا وِشونی سِه گِواهی ای ووئِه گه خِدا نِسبَت به وِشون غَضَب دارنِه.»

اِنجیلِ یوحنا 13:20

حَیقَتاً شِمارِ گِمِه، هر کی می بَرِسانی رِه قَبول هاکِنِه مِنِه قَبول هاکِردِه، و هر کی مِنِه قَبول هاکِنِه می بَرِسانی رِه قَبول هاکِردِه.»

اعمال رَسولان 2:46

وِشون هر روز مَعبَدی دِلِه جَم وونِسِنِه و هَمدیَری هَمرا شی خِنِه ای دِلِه نون گِلی کِردِنِه، و خِشی و سادِه دِلی هَمرا غَذا خاردِنِه.

اعمال رَسولان 28:10

وِشون اَمارِه خِیلی احترام بِشتِنِه، و وختی خوایسِمی اوجِه ای جا بوریم، هر چی گه لازم داشتِمی رِه کَشتی ای دِلِه اَمِسِه بِشتِنِه.

اعمال رَسولان 8:8

هَینِسه هون شهر خِشالی ای جا پِر بَوِه.

رومی ایشون 10:15

اگه بَرِسانی نَوون، چِتی موعظه هاکِنِن؟ هَمونجور گه اِشعیای پِیغمبری کیتابی دِلِه بَنوِشت بَوِه: «هون آدَمِنی لینگ گه اِنجیلی خَوَرِخِشِ موعظه کِنِنِه، چَنّی قَشَنگِ.»

رومی ایشون 16:2

وِرِه خِداوندی دِلِه، اونجور گه مِقدّسینی لایِقِ قَبول هاکِنین، و هر کِمکی گه شِمِه جا بَخوادِ کِتاهی نَکِنین، چون وی خِیلیا، حتّی شِه مِنِه، خِیلی کِمَک هاکِردِه.

اوّلین نامِه قُرنتیانی سِه 16:10

وختی تیموتائوس بیمو، وی هَمرا جوری رَفتار هاکِنین گه شِمِه وَر هیچ نِگرونی ای نارِه. چون وی هَم هِتی می تَرا خِداوندی کارِ اَنجام دِنِه؛

اوّلین نامِه قُرنتیانی سِه 16:18

چون وِشون می روح و شِمِه روحِ هَم تازِه هاکِردِنِه. هَینجور آدَمارِه حِرمت بِلین.

دوّمین نامه قرنتیانِ وَسین 10:18

چون اونیگه شیجا تعریف هاکِنِه قَبول نَوونِه، بَلگی هون آدمی قَبول وونِنِه گه خِدا ویجا تعریف هاکِنِه.

دوّمین نامه قرنتیانِ وَسین 7:2

اَمارِه شی دِلی دِلِه، جا هادین. اَما هیچکی ای حَق بَدی نَکِردِمی، هیچکَسِ فاسِد نَکِردمی و هیچکَسی جا سو استفاده نَکِردِمی.

فیلیپیان 2:28

پَس مِن وی بَرسانینی سِه ویشتَر ذوق دارمِه، تا یَکَش دییَر وی بَئیَنی هَمرا خِشال بَووئین و می غِرصِه ای جا هَم کَم بَوو.

کولُسیان 4:10

آریستارخوس گه می هَمرا زیندونی دِلِه دَرِه، شِمِنِه سلام رَسانِّه؛ هَمینجور هَم مَرقُس، بَرنابایی عمو پِسر، شِمِنِه سلام دارنِه. گه پِشتَر وی خَوَری شِمارِ سِفارِش هاکِردِمِه گه هر وخت شِمِه وَر بیِه، گرمی ای هَمرا وِرِه قَبول هاکِنین.

اوّل تِسالونیکیان 5:12

اِسا اِی بِرارِن، شِمِه جا خوایمی اونانیگه شِمِه میِن زَحمَت کَشِنِنِه و خِداوندی دِلِه شِمِه رَهبَر هَسِّنِه و شِمارِ نَصیحت کِنِنِه رِه، احترام بِلین،

اول تیموتائوس 5:17

مشایخی گه خِب رهبری هاکِرد وون، دِ برابر حِرمتی لیاقتِ دارِنِه، بخصوص اونانیگه موعظه و تعلیمی سِه زَحمَت کَشِنِنِه.

نامِه مَسیحینی عبرانی نِژادی سِه 13:17

شی رَهبَرِنی جا اِطاعَت هاکِنین و وِشونی تسلیم ووئین؛ چون وِشون شِمِه جانی جا مِحافظت کِنِنِه، و وِنِه حِساب پس هادِن. بِلین هَین کارِ خِشالی ای هَمرا هاکِنِن نا آه و ناله ای هَمرا، چون هَین شِمِه نفع نیِه.

سوّم یوحنا 1:10

پَس اگه مِن بیئِم، کارایی گه وی کِنِّه رِه رسیدگی کِمِّه، چون غَرَضی هَمرا اَمِه علِیه گِنِه، هَینِ هَم قانع نَوِه، بِرارِنِ هَم قَبول نَکِنِّه؛ و وی بِرارِنی هَم گه خواینِنِه وِشونِه قَبول هاکِنِنی دَمِ گیرنِه و کلیسایی جا دیرگا کِنِّه.