فیلیپیان 2:19 - کتاب مقدس به زبان مازندرانی - گویش غربی

¹⁹ خِداوند عیسایی دِلِه اِمید دارمِه گه تیموتائوسِ خِیلی زود شِمِه وَر بَرِسانَم تا شِمِه حال و اَحوالی جا باخَوَر بَووم و می دِل خِشال بَوو.

گیله ماز

¹⁹ خُداوند عیسی یِه دِلهِ اُمید دارَم تیموتائوسِ خیلی زود شیمی وَرجه روانه هَکونَم تا شیمی حال و اَحوالِ جی باخَبَرِ هَبوُم و می دِل خوشحال هَبو.

کتاب مقدس به زبان مازندرانی - گویش شرقی

¹⁹ خِداوندْ عیسیِ دِله امید دارمه که تیموتائوسِ خله زود شِمه پَلی بَفرِسِم تا شِمه حال و اَحوالِ جِم با خَوِر بَووِم و مِ دِل خِشال بَووه.

فیلیپیان 2:19 Iomraidhean Croise

اِنجیلِ مَتّی 12:21

وی اِسم دِشتِه قومی سِه مایِه اِمیدِ.»

اعمال رَسولان 16:1

پولُس اوَّل دِربِه و اَزما لِستْره ای شهری سِه بوردِه. اوجِه یَتِه شاگرد گه وی اِسم تیموتائوس وِه زندگی کِردِه گه وی مار یهودی و ایموندار وِه، ولی وی پیر یونانی وِه.

رومی ایشون 15:12

و یَکَش دییَر اِشعیای پیغمبر هَم گِنِه: «یَسایی بِنِه اِنِه، اونیگه پِرِسا تا غیرِیهودیِنی سَر حِکمرونی هاکِنِه؛ غیرِیهودیِن وِرِه اِمید وَنِّنِه.»

رومی ایشون 16:21

می هَمکار تیموتائوس شِمِنِه سَلام رَسانِّه. می فامیلِن لوکیوس، یاسون و سوسیپاتِر هَم شِمِسِه سَلام رَسانِنِه.

اوّلین نامِه قُرنتیانی سِه 4:17

هَینِسه تیموتائوسِ گه می عزیزِ وَچِه و خِداوندی دِلِه وفادارِ رِه شِمِه وَر بَرِسانیمِه. تا می راهارِه مَسیحْ عیسایی دِلِه شِمِه یاد بیارِه، هَمونجور گه هون راهارِه دِشتِه کلیساهایی دِلِه و هَمه جا تعلیم دِمِه.

اِفِسُسیان 1:13

شِما هَم وی دِلِه، هون موقِه گه حَیقَتِ کلامِ، گه همون شِمِه نِجاتی اِنجیل هَسِّه رِه بِشنُسنی و اونِه ایمون بیاردنی، روح‌القدسِ موعودی هَمرا مِهر بَوِنی،

فیلیپیان 1:1

پولُس و تیموتائوسی طرفی جا، مَسیحْ عیسایی نوکَرِن، دِشتِه مِقَدَّسینی سِه گه مَسیحْ عیسایی دِلِه فیلیپی شهری دِلِه دَرِنِه، ناظِرِن و شَماسِن:

فیلیپیان 2:18

و شِما هَم وِنِه هَینجور خِشال ووئین و می هَمرا ذوق هاکِنین.

فیلیپیان 2:28

پَس مِن وی بَرسانینی سِه ویشتَر ذوق دارمِه، تا یَکَش دییَر وی بَئیَنی هَمرا خِشال بَووئین و می غِرصِه ای جا هَم کَم بَوو.

اوّل تِسالونیکیان 3:2

اَما تیموتائوسِ گه اَمِه بِرار و خِدایی همکار مسیحی اِنجیلی کاری دِلِه دَرِه رِه، شِمِه وَر بَرسانیمی تا شِمارِ شِمِه ایمونی دِلِه تَقویت و تشویق هاکِنِه،

اوّل تِسالونیکیان 3:5

هَینِسه، چون دِ نَتِنسمِه طاقت بیارِم، تیموتائوسِ راهی هاکِردِمِه تا شِمِه ایمونی جا باخَوَر بَووم، چون اونی تَرسِ داشتِمِه گه هون وَسوسِه گر یَعنی اِبلیس یَجوری شِمارِ وَسوسِه هاکِرد وو، و اَمِه زَحمت هَدر بُورد وو.

دوّم تِسالونیکیان 1:3

اِی بِرارِن، اَما همش وِنِه خِدارِه شِمِه خاطری شِکر هاکِنیم، دِرِس هَم هَینِه، چون شِمِه ایمون هینجور رشد کِنِّه و هر کِدیم از شِمِه ای مِحبَت همدیرِ ویشتَر وونِه.

دوم تیموتائوس 1:12

هینِسِئه گه هینجور عذاب کَشِمِه، ولی عار نارمِه، چون دِمِّه کِرِه ایمون بیاردِمِه، و قانع بَوِمِه گه وی بتِنِّه اونچی گه مِنِه بِسپارس بَوِه رِه تا هون روز مِحافظت هاکِنِه.

یعقوبِ نامه 4:15

پَس وِنِه هَینجور بُئین: «اگه خِداوَند بَخواد، زینِّه مُومّی و هَینجور و هُونجور کِمّی.»

اول پِطرُس 1:21

شِما گه وی طریق خِدارِه ایمون بیاردنی، هون خِدایی گه وِرِه مِردِگونی جا زینِّه هاکِردِه و جلال هادا، تا شِمِه ایمون و اِمید خِدارِه ووئه.