فیلیپیان 2:16 - کتاب مقدس به زبان مازندرانی - گویش غربی

¹⁶ زندگی ای کَلامِ قائِم دارین، تا مسیحی دَگِرسنی روزی دِلِه، افتخار هاکنِم گه بیخِدی دُو نَزومِه و بیخِدی زحمت نَکِشیمِه.

گیله ماز

¹⁶ زندگی یه کَلامِ قائم بِدارین، تا مسیحِ وَگَرِسَّنِ روزِ دِلِه، افتخار هَکونَم که بیخُدی دُو نَکوردَم و بیخُدی زحمت نَکِشییَم.

کتاب مقدس به زبان مازندرانی - گویش شرقی

¹⁶ زندگی کِلامِ قایم دارین، تا مَسیحِ بَردَگِردِسِنِ روزِ دِله اِفتخار هاکانِم که بیخودی دوو نَییتِمه و بیخودی زحمِت نَکِشیمه.

فیلیپیان 2:16 Iomraidhean Croise

اِنجیلِ مَتّی 10:27

اونچی رِه مِن زِلِمادی دِلِه شِمارِ گِمِه، وِنِه روشِنایی دِلِه اِعلام هاکِنین و اونچی رِه یَواشکی اِشنُنِنی، وِنِه خِنِه ای بومی سَر جار بَزِنین.

لوقا 12:8

«شِمارِ گِمِه، هر کی مَردِنی وَر اِقرار هاکِنِه می دِمالروئِه، اِنسونی ریکا هَم وِرِه خِدایی فِرِشتِگونی وَر اِقرار کِنِّه.

اِنجیلِ یوحنا 6:63

خِدایی روحِ گه زینِّه کِنِّه؛ تَن فایدِه ای نارنِه. گَبایی گه مِن شِمارِ بَزومِه، روح و زندِگیِه.

اِنجیلِ یوحنا 6:68

شَمعونِ پِطرُس جِواب هادا: «آقا، کِنی وَر بوریم؟ اَبَدی زندگی ای کَلام تی وَر دَرِه.

اعمال رَسولان 13:26

«اِی بِرارِن، اِی ابراهیمی وَچیلِه ای نَسل، و اِی خِداتَرسِنی گه شِمِه میِن دَرِنِه! هَین نِجاتی پِیغِم اَمِسِه بَرِسانی بَوِه.

اوّلین نامِه قُرنتیانی سِه 1:8

وی تا آخر شِمارِ پابرجا دارنِه، تا اَمِه خِداوند عیسی مَسیحی روزی دِلِه بی تقصیر ووئین.

اوّلین نامِه قُرنتیانی سِه 9:26

پَس مِن بی هدف دُو نَکِمِّه؛ مِن هِتی هون آدمی تَرا گه هَوارِ میس زَنِّه؛ میس نَزِمِّه؛

دوّمین نامه قرنتیانِ وَسین 1:14

هَمونجور گه شِما اَمارِه تا حَدّی بِشناسینی، تا اَمِه خِداوند عیسایی روزی دِلِه شِما اَمارِه افتخار هاکِنین، هَمونجور گه اَما شِمارِ افتخار کِمّی.

غَلاطیان 2:2

مِن یَتِه مکاشفه ای خاطری وِه گه بوردِمِه. و اِنجیلی گه غیرِیَهودیِنی دِلِه موعِظِه کِرد وِمِه رِه وِشونی سِه توضی داوِمِه. البتِه خَلوتی دِلِه، و فقط وِشونی گه می نظر با نفوذ وِنِه رِه بُتِمِه، چون نِگرون وِمِه گه نَکِنِه بیخدی دُو هاکِرد ووم.

غَلاطیان 4:11

تَرسِمِه نَکِنِه زَحمتی گه شِمِنِه بَکِشیمِه بیخدی ووئه.

فیلیپیان 1:10

تا بَتِنّین اونچی گه بِهتَرینِ قَبول هاکِنین، و مسیحی روزی دِلِه پاک و بی‌عیب ووئین.

فیلیپیان 1:6

و مِن مِطمئنمِه اونیگه شِمِه دِلِه خِبِ کارِ شِرو هاکِردِه، اونِه تا مَسیحْ عیسایی دَگِرسنی روز به آخر رَسانِّه.

اوّل تِسالونیکیان 2:19

چون اَمِه اِمید و خِشالی و اِفتخاری تاج، اَمِه خِداوند عیسایی پِش وختی گه بیِه چیِه؟ مَگِه شِما نینی؟

اوّل تِسالونیکیان 3:5

هَینِسه، چون دِ نَتِنسمِه طاقت بیارِم، تیموتائوسِ راهی هاکِردِمِه تا شِمِه ایمونی جا باخَوَر بَووم، چون اونی تَرسِ داشتِمِه گه هون وَسوسِه گر یَعنی اِبلیس یَجوری شِمارِ وَسوسِه هاکِرد وو، و اَمِه زَحمت هَدر بُورد وو.

نامِه مَسیحینی عبرانی نِژادی سِه 4:12

چون خِدایی کلام، زینِّئه و کار کِنِّه، و هر دِ دَمِ شمشیری جا تیج تَرِ، جوری وِرینِّه گه نَفس و روح و مفاصل و مغز و هَسکارِه سیوا کِنِّه، فِکرا و دِلی نیّتارِه تشخیص دِنِه.

اول پِطرُس 1:23

چون شِما یَکش دییَر دِنیا بیمونی، نا هون تِخمی جا گه از بِین شونِه بَلگی هون تِخمی جا گه از بِین نَشونِه، یَعنی خِدایی کلامی طریق گه زینِّه هَسِّه و تا اَبَد بِجا مونِّه.

اوّل یوحنا 1:1

اونچی گه از اوَّل دَوِه، اونچی گه بِشنُسِمی و شی چِشی هَمرا بَئیمی، اونچی گه وِرِه هارشیمی و شی دَسی هَمرا لَمس هاکِردِمی، یَعنی زندگی ای کَلام گه اونِه شِمِار اعلام کِمِّی.

یوحنایِ مکاشفه 22:17

خِدایی روح و عروس گِنِنِه: «بِرِه!» هر کی هَینِه اِشنُنِه بُئه: «بِرِه!» هر کی تَشنیئه بیِه؛ و هر کی خواینِه، زندگی ای اُوئی جا مَجانی بَیرِه.