فیلیپیان 2:15 - کتاب مقدس به زبان مازندرانی - گویش غربی

¹⁵ تا بی عیب و سادِه دِل، و خِدایی بی عیبِ وَچیلِه ووئین، خطاکار و گِمراهِ نَسلی دِلِه گه شِمِه نور وِشونی میِن هِتی سِتارِه ایشونی تَرا هَین دِنیایی دِلِه تابِنِه،

گیله ماز

¹⁵ تا بی عیب و ساده دِل، و خُدایِ بی عیبِ وَچِه هان هَبین، خطاکار و گُمراهِ نَسلِ دِلِه که اوشانِ میَن سِتارِه شانِ مثان این دُنیایِ دِلِه سوسو زَنید،

کتاب مقدس به زبان مازندرانی - گویش شرقی

¹⁵ تا بی عیب و ساده دِل و خِدائه بی عیبِ وچون بوئین، خِطاکار و گمراهِ نَسلِ دِله، که شِمه نور وِشونِ میون، ستاره هائه واری، این دِنیائه دِله تابِنه،

فیلیپیان 2:15 Iomraidhean Croise

اِنجیلِ مَتّی 10:16

«گوش هادین، مِن شِمارِ گِسَنیشونی تَرا وِرگیشونی دِلِه رَسامِّه. شِما وِنِه ماری تَرا باهوش و کِتَری تَرا بی آزار ووئین.

اِنجیلِ مَتّی 17:17

عیسی بُتِه: «اِی مِنحَرِف و بی ایمونِ قوم، تا كِی وِنِه شِمِه هَمرا دَووئم و تا کِی شِمارِ تَحَمِل هاکِنَم؟ ریکارِه می وَر بیارین.»

اِنجیلِ مَتّی 5:45

تا شی آسِمونی پیری وَچِه بَووئین، چون وی شی آفتابِ بَدِ آدَمِن و خِبِ آدَمِنی سَر تابانِّه و شی وارِشِ عادِلِ آدَمِن و ظالِمِ آدَمِنی سَر وارانِّه.

اِنجیلِ مَتّی 5:48

پَس شِما وِنِه كامِل ووئین هَمونجور گه شِمِه آسِمونی پیر كامِل هَسِّه.

لوقا 1:6

هر دِتا خِدایی نَظر صالِح وِنِه و دِشتِه خِداوندی اَحکام و دستوراتِ بی عیب بِجا اُردِنِه.

لوقا 6:35

ولی شِما شی دِشمَنِنِ مِحَبَّت هاکِنین و وِشونِه خِبی هاکِنین و بِدون هَینگه پَس بَیتنی فِکر دَووئین وِشونِه قَرض هادین، چون شِمِه پاداش گَتِ و خِدای مِتعالی ریک ریکا وونِنی، چون وی ناشِکرِن و بَدکارِنی هَمرا مِهرَوونِه.

اِنجیلِ یوحنا 5:35

یَحیی یَتِه لَمپایی تَرا سوتِه و نور داوِه و شِما خوایسِنی یَه لَحظِه وی نوری دِلِه خِش ووئین.

اعمال رَسولان 2:40

پِطرُس خِیلی دییَر گَبایی هَمرا شهادَت هادا و وِشونِه تَشویق هاکِردِه بُتِه: «شِرِه هَین ناخَلَفِ نَسلی جا آزاد هاکِنین!»

اعمال رَسولان 20:30

حتّی شِه شِمِه میِن کَسایی اِرسِنِنِه گه حیقَتِ گِردانِنِه تا شاگِردِنِ شی دِمال بَکِشانَن و از راه به دَر هاکِنِن.

رومی ایشون 16:19

شِمِه اِطاعتی اَوازِه هَمه ای میِن دَپیتِه؛ شِمِه خاطری خِیلی خِشالمِه. ولی شِمِه جا خوایمِه اونچی ای پِش گه خِبِ، حکیم، و اونچی ای پِش گه بَدِ، سادِه ووئین.

اوّلین نامِه قُرنتیانی سِه 1:8

وی تا آخر شِمارِ پابرجا دارنِه، تا اَمِه خِداوند عیسی مَسیحی روزی دِلِه بی تقصیر ووئین.

دوّمین نامه قرنتیانِ وَسین 6:17

پَس، خِداوند گِنِه: «وِشونی میِنی جا دیرگا بیئین و سیوا بَووئین. هیچ نَجِسِ چی ای رِه دَس نَکِنین همون موقِه شِمارِ قبول کِمِّه.»

اِفِسُسیان 5:27

تا کلیسارِه هون شکوهی هَمرا گه دارنِه شی وَر بیارِه، بدون هیچ لک و چین و چروک یا هر چی دییَر، تا کلیسا مِقدّس و بی عیب ووئه.

فیلیپیان 1:10

تا بَتِنّین اونچی گه بِهتَرینِ قَبول هاکِنین، و مسیحی روزی دِلِه پاک و بی‌عیب ووئین.

فیلیپیان 3:6

طبقِ غیرت، کلیسایی آزاردهنده؛ طبقِ صالِح ووئن گه شریعتی جا اِنِه، بی عیب.

اوّل تِسالونیکیان 5:23

اِسا خِدای صِلح و سلامتی شِه شِمارِ کامِلاً تقدیس هاکِنِه، و شِمِه روح و جان و تَن، تا اَمِه خِداوند عیسی مَسیحی بیموئَنی موقِه بی‌عیب بَمونِّه.

اول تیموتائوس 3:10

و وِشون وِنِه اَوَّل آزمود بَوون، اَزما اگه ثابت هاکِردِنِه گه بی عیبِنِه، بِلین شَماسی ای کاری دِلِه خِدمَت هاکِنِن.

اول تیموتائوس 3:2

پس، یَتِه ناظر وِنِه هیچی وی زندگی ای دِلِه دَنیوو گه اونی خاطری سرکوفت بَخارِه، یَتِه زَن دارِه، هوشیار ووئه، شی دَمِ دارِه، با آبرو ووئه، مِهمون دوس ووئه و بَتِنِّه تعلیم هادِه؛

اول تیموتائوس 5:14

پَس می نَظَر هَینِه گه جَوونترِ بیوه‌ زَناکِنِن شی هاکِنِن، وَچِه بیارن و خِنِه داری هاکِنِن و دِشمَنِ فِرصَت نَدِن گه تِهمت بَزِنِه.

اول تیموتائوس 5:20

اونانیگه گِناهی دِلِه پافشاری کِنِنِه رِه، هَمه ای وَر سَراکو هاکِن تا بَقیِه بَتِرسِن.

اول تیموتائوس 5:7

هَین چیارِه هَم حِکم هاکِن، تا وِشونی زندگی ای دِلِه هیچی دَنیوو گه اونیسِه سرکوفت بَخارِن

تیتوس 1:6

نِنِه کلیسایی مشایخی زندگی ای دِلِه هیچی دَوو گه اونیسِه سَرکوفت بَخارِن، یَتِه زَنایی مَردی ووئَن، و با ایمونِ وَچیله دارِن گه نَوو وِشونِه هرزگی و نااِطاعتی ای سِه مِتهم هاکِردَن.

تیتوس 2:10

دِزِّی نَکِنِن، بَلگی شی خِبِ ایمونِ کاملاً هَم هادِن تا هر چی ای دِلِه اَمِه نِجات دهنده خِدایی تعلیمی قشنگی رِه، خِبی ای هَمرا هَم هادِن.

تیتوس 2:15

هَین چیارِه اعلام هاکِن، و دِشتِه اقتداری هَمرا تشویق و سَراکو هاکِن، و نِل هیچکس تِرِه کِچیک بِشمارِ.

نامِه مَسیحینی عبرانی نِژادی سِه 7:26

چون راساسی هَین بِجا وِه گه اَما هَینجور کاهنِ اعظم داریم، گه مِقدّس، بی گِناه، بی‌عیب، گِناهکارنی جا سیوا، و جلال بَئیت، آسِمونِنی جا لُوتَرِ.

اول پِطرُس 2:12

بی‌ایمونِنی میِن شِمِه کِرد و کار مِحترم ووئِه تا اونانیگه شِمِه علِیه گب زَنِنِه گه شِمِه اعمال بَدِ، شِمِه خِبِ کاری هارشینی هَمرا، خِدارِه هون روزی دِلِه گه ویمّی، پرسِش هاکِنَن.

اول پِطرُس 2:9

ولی شِما انتِخاب بَوِه نَسل و کاهنِنی هَسِّنی گه شاهانِه کاهنی کِنِنی، شِما مِقدَّس مِلَّت و مَردنی هَسنی گه خِدایی مِلکِنی، تا وی عالی صِفاتِ اعلام هاکِنین گه شِمارِ تاریکی ای جا شی عجیبِ نوری سِه بَخونِسِه.

پطرسی دِوّمین نامِه 3:14

پَس اِی عَزیزِن، اِسا گه هَین چیایی اِنتِظارِ کَشِنِنی، خِیلی تقلّا هاکِنین گه وی دید بی‌لکه و بی‌عیب ووئین، و صِلح و سلامتی ای دِلِه دَووئین.

یوحنایِ مکاشفه 2:5

پس شی یاد بیار گه کِجِه ای جا جِر کَتی، توبِه هاکِن و هون کارایی گه اَوَّل کِردی رِه بِجا بیار. اگه نَکِنی، تی وَر اِمِه و تی لَمپا پایِه رِه وی جایی سَر گیرمِه، مَگِه هَینگه توبه هاکِنی.

یوحنایِ مکاشفه 3:9

هارِش، مِن اونانیگه شیطانی عبادتگاهی جا هَسِّنِه و شِرِه یهودی دِنِنِه ولی نینِه، بلگی دِرو زَنِنِه، هارِش، مِن وِشونِه مجبور کِمِّه تا بیئِن و تی لینگ دَکِفَن تا دِنِّن گه مِن تِرِه دوس داشتِمِه.