فیلیپیان 2:1 - کتاب مقدس به زبان مازندرانی - گویش غربی

¹ پَس اگه مَسیحی دِلِه دِلگرمی دارِنی، اگه وی مِحبت شِمِه تَسلّی ای باعث وونِه، اگه خِدایی روحی دِلِه رفاقت دارِنی، و اگه مِهرَوونی و دِلسوجی دارِنی،

گیله ماز

¹ پَس اَگه مَسیح دِلِه دِلگَرمی دارین، اَگه اونه مُحبت شیمی تَسلی یه باعث بونه، اَگه خُدای روحِ دِلِه رفاقت دارِین، وَ اَگه مِهرَبانی و دِلسوزی دارِین،

کتاب مقدس به زبان مازندرانی - گویش شرقی

¹ پَس اگه مَسیح دِله دلگرمی دارنِنی، اگه وه مِحَبَّت شِمه تسلّیِ باعث بونه، اگه خِدائه روحْ دِله رفاقت دارنِنی، و اگه مِهروونی و دِلسوزی دارنِنی

فیلیپیان 2:1 Iomraidhean Croise

لوقا 2:25

هون وَختا، اورشلیمی دِلِه یَتِه مَردی گه وی اِسم شَمعون وِه زندگی کِردِه گه صالِح و خِدا تَرس وِه. و اِنتِظار کَشیِه تا مَسیحِ موعود ظهور هاکِنِه. شَمعون روح القُدُسِ داشتِه.

اِنجیلِ یوحنا 14:18

«شِمارِ یَتیم نِلمِه؛ شِمِه وَر اِمِه.

اِنجیلِ یوحنا 14:27

شِمِنِه آرامش و سَلامتی بِجا اِلمِه؛ شی آرامش و سَلامتی رِه شِمارِ دِمِه. اونچی مِن شِمارِ دِمِه، نا اونجوریِه گه دِنیا شِمارِ دِنِه. شِمِه دِل پَریشون نَووئِه و نِلین شِمِه دِل تَرس دَکِفِه.

اِنجیلِ یوحنا 17:13

ولی اِسا تی وَر اِمِه و هَین گَبارِه موقِه ای زَمِّه گه حَلا هَین دِنیایی دِلِه دَرمِه، تا می خِشالی رِه شی دِلی دِلِه کامِل دارِن.

اعمال رَسولان 2:46

وِشون هر روز مَعبَدی دِلِه جَم وونِسِنِه و هَمدیَری هَمرا شی خِنِه ای دِلِه نون گِلی کِردِنِه، و خِشی و سادِه دِلی هَمرا غَذا خاردِنِه.

اعمال رَسولان 4:32

دِشتِه ایموندارِن یَکدِل و یَک جان وِنِه و هیچکی شی اَموالِ شِنِه نَئونِسِه، بَلگی هَمه چی ای دِلِه هَمدیری هَمرا شَریک وِنِه.

رومی ایشون 5:5

و اِمید اَمِه شرمندگی ای باعث نَوونِه، چون خِدایی مِحبَت روح القدسی طریقی جا گه اَمارِه هادا بَوِه، اَمِه دِلی دِلِه بَریخت بَوِه.

رومی ایشون 8:26

هینجوری هَم، اَمِه ضَعفی دِلِه خِدا اَمِه کِمَک اِنِه، چون نَئومی گه چِتی وِنِه دِعا هاکِنیم. ولی خِدایی روح هون ناله‌هایی هَمرا گه عمیقِنِه و نِشِنِه بُتَن، اَمِسِه شفاعت کِنِّه.

اوّلین نامِه قُرنتیانی سِه 12:13

چون اَما هَمه، چی یهود و چی یونانی، چی نوکَر و چی آزاد، یَتِه روحی دِلِه غِسلِ تعمید بَیتِمی تا یَه تَن ووئیم، و اَما هَمه یَتِه روحی جا بَنوشانی بَوِمی.

اوّلین نامِه قُرنتیانی سِه 15:31

بِرارِن افتخاری گه اَمِه خِداوند مَسیحْ عیسایی دِلِه شِمِه خَوَری دارمِه رِه قَسَم گه مِن هر روز دِ میرمِه.

اوّلین نامِه قُرنتیانی سِه 3:16

مَگِه نَئونِنی گه خِدایی مَعبدنی و خِدایی روح شِمِه دِلِه دَرِه؟

دوّمین نامه قرنتیانِ وَسین 13:14

خِداوند عیسی مَسیحی فِیض، خِدایی مِحَبَّت و روح القُدُسی رفاقت شِمِه هَمرا دَوو.

دوّمین نامه قرنتیانِ وَسین 2:14

ولی خِدارِه شِکر گه هَمِش مَسیحی دِلِه، وی شی پیروزی ای دِلِه اَمارِه رانِمایی کِنِّه، و شی معرفتی عَطرِ اَمِه طریق هَمه جا پَخش کِنِّه.

غَلاطیان 4:6

پَس چونگه شِما وَچیلِنی، خِدا شی ریکائی روحِ اَمِه دِلی دِلِه بِشتِه گه داد زَنِّه «اَبّا، اِی پیر!»

غَلاطیان 5:22

ولی خِدایی روحی ثَمَرِه، مِحبت، خِشالی، صِلح و سلامتی، صَبر، مِهرَوونی، خِبی، وَفاداری،

اِفِسُسیان 4:4

هَمونجور گه یَتِه تَن و یَتِه روح دَرِه، خِدا هَم هون موقِه گه شمارِ بَخونِسه یَتِه اِمید شِمارِ هادا؛

فیلیپیان 1:8

چون خِدا می گِواهِ گه چِتی اون احساساتی هَمرا گه مَسیحْ عیسایی جا سرچشمِه گیرنِه، شِما هَمه ای مِشتاقمِه.

فیلیپیان 3:3

چون خَتنِه‌ بَوِه اَمامی، گه خِدایی روحی هَمرا پَرَسِش کِمّی، و مَسیحْ عیسایی دِلِه افتخار کِمّی، و اَمِه تَکیه جسمی سَر نیِه-

کولُسیان 2:2

تا دِلگرم بَووئین، و هَمونجور گه مِحبتی دِلِه همدیری هَمرا مِتحد هَسِّنی، و هون اِطمینانِ کامِل و بی حد و حِساب پِر ووئنی گه فهمی جا بِدَس اِنِه سود بَوِرین، و هَین راهی جا، خِدایی راز، یَعنی مَسیحِ بِشناسین،

کولُسیان 3:12

پَس هِتی خِدایی اِنتخاب بَوِه قومی تَرا گه مِقَدَّس و عَزیزِنِه، دِلسوجی، مِهرَوونی، فروتنی، مِلایمت و صَبری لیواسِ دَکِنین.

نامِه مَسیحینی عبرانی نِژادی سِه 6:18

تا دِ چی ای طریق گه عوض نَوونِه، و مَحالِ گه خِدا اونِنی خَوَری دِرو بَزنِه، اَما گه پناه بیاردنی سِه فِرار هاکِردمی، خِیلی دلگرمی داشتمی تا هون اِمیدی گه اَمِه پِش بِشتِنِه رِه، قائِم داریم.

اول پِطرُس 1:2

اونانیگه طبقِ خِدای پیری پیشدانی، و خِدایی روحی کاری طریق گه تقدیس کِنِّه، عیسی مسیحی اِطاعَت هاکِردَنی سِه و وی خون گه وِشونی سَر بَپاشی بَوِه، انتِخاب بَوِنِه: فیض و صِلح و سلامتی فَت و فِراوون شِمنِه بیِه.

اوّل یوحنا 3:24

هر کی وی اَحکامِ عمل هاکِنِه، خدایی دِلِه مُونِّه و خِدا هَم وی دِلِه مونِّه. ایجِه دَری دِمّی گه وی اَمِه دِلِه مونِّه، یَعنی هون روحی هَمرا گه اَمارِه هادا.

اوّل یوحنا 4:12

هیچکی هیچ وَخت خِدارِه نَئیِه؛ اگه هَمدیَرِ مِحبت هاکِنیم، خِدا اَمِه دِلِه مونِّه و وی مِحبت اَمِه دِلِه کامل بَوِه.

اوّل یوحنا 4:16

پَس اَما هون مِحبتی گه خِدا اَمِسِه دارنِه رِه بِشناسیمی و اونِه باوَر دارمی. خِدا مِحبتِ و اونیگه مِحبتی دِلِه مونِّه، خِدایی دِلِه مونِّه و خِدا وی دِلِه مونِّه.