فیلیپیان 1:5 - کتاب مقدس به زبان مازندرانی - گویش غربی

⁵ هون همکاری ای سِه گه مسیحی اِنجیلی کاری دِلِه، از اوَّلین روز تا اَمرِز، شریک وِنی.

گیله ماز

⁵ چون از اوَّلین روز تا اِمروز، مسیحِ اِنجیلِ کارِ دِلِه شریک بِین.

کتاب مقدس به زبان مازندرانی - گویش شرقی

⁵ اون همکاریِ وِسه که مَسیحِ انجیلِ کارِ دِله، اَوِّلین روزِ جِم تا اَمروز، شَریک بینی.

فیلیپیان 1:5 Iomraidhean Croise

اعمال رَسولان 2:42

وِشون شِرِه وَقفِ تَعلیم بَیتَن رَسولِنی جا و دییَر ایموندارِنی هَمرا مِشارکت و نون گِلی هاکِردَن و دِعا هاکِردِنِه.

رومی ایشون 11:17

ولی اگه شاخه ایشونی جا بعضیا بَوری بَوِنِه و تو گه وَحشی زیتونی شاخِه وِه ای، و زیتون داری دییَر شاخِه هایی کَش پِیوَن بَخاردی و اَلَن وی بِنِه ای مِقوّی شیره ای جا خارنی،

رومی ایشون 12:13

مِقدَّسینی اِحتیاجاتی برطرف هاکِردَنی دِلِه شَریک بَووئین و مِهمون‌نِواز ووئین.

رومی ایشون 15:26

چون مقدونیه و اَخائیه ای کلیساها خواینِنِه اورشلیمی مِقدَّسینی فقیرِنی سِه کِمکِ مالی جَم هاکِنِن.

اوّلین نامِه قُرنتیانی سِه 1:9

خِدا وفادارِ،‌ هون خِدایی گه شِمارِ شی ریکا، اَمِه خِداوند عیسی مسیحی رفاقتی سِه بَخونِسِه.

دوّمین نامه قرنتیانِ وَسین 8:1

اِی بِرارِن، خوایمی شِمارِ هون فیضی جا گه خِدا مَقدونیه ای مَنطقِه ای کلیساها رِه هادا، باخَوَر هاکِنیم.

اِفِسُسیان 3:6

هون راز هَینِه گه غیرِیهودینَم مَسیحْ عیسایی دِلِه اِنجیلی طریق هَم اِرثنِه، و همون تَنی اعضانِه و خِدایی وعده ای دِلِه شَریکنِه.

فیلیپیان 1:12

اِی بِرارِن، خوایمِه دِنّین اونچی گه می سَر بیمو، در اَصل اِنجیلی تَرَقی ای باعث بَوِه،

فیلیپیان 1:16

هون دِوّمی دَسِه مِحبتی جا هَینجور کِنِنِه، چون دِنِنِه گه مِن اِنجیلی دِفاع هاکردنی سِه مِنِه ایجِه بِشتِنِه.

فیلیپیان 1:27

فقط بِلین شِمِه زندگی ای رَوش، مسیحی اِنجیلی لایق ووئه، اونجور گه چی بیئِم و شِمارِ بَوینِم و چی نیئِم، شِمِه جا بِشنُئِم گه یَتِه روحی دِلِه پابرجانی و یَتِه فِکری هَمرا اِنجیلی ایمونی سِه، دوش به دوش هَم تَقَّلا کِنِنی،

فیلیپیان 1:7

مِن هَین حقِّ دارمِه گه شِما هَمه ای خَوَری هَینجور حِسّی دارِم، چونگه می دِلی دِلِه جا دارِنی، چون شِما هَمه می هَمرا خِدایی فیضی دِلِه شریکِنی، هَم می زیندون دَکِتنی دِلِه، هَم اِنجیلی دِفاع هاکِردَنی جا، و هَم اونی حَیقتِ ثابت هاکِردن.

فیلیپیان 2:12

پَس اِی عَزیزِن، هَمونجور گه هَمِش مِطیع وِنی، اَلَن نا فقط می پِش، بَلگی خِیلی ویشتَر، وختی مِن دَنیمِه، شی نِجاتی سِه وِنِه ترس و لَرزی هَمرا عمل هاکِنین؛

فیلیپیان 2:22

ولی شِما دِنِنی گه تیموتائوس شی آزمودِ پَس هادا، گه چِتی می هَمرا، هِتی یَتِه ریکائی تَرا شی پیری هَمرا، اِنجیلی کاری دِلِه خِدمَت هاکِردِه.

فیلیپیان 4:3

اَرِه، وَفادارِ همکار، تیجا هَم خوایمِه گه هَین دِتا زَنارِه کِمَک هاکِنی، چون وِشون، اَکْلیمِنتُس و بقیِه همکارانی هَمرا گه وِشونی اِسم حیاتی دَفتری دِلِه بَنوِشت بَوِه، می دوشادوش اِنجیلی کاری سِه زحمت بَکِشینِه.

فیلیمون 1:17

پَس اگه مِنِه شی رَفِق دِنّی، وِرِه هَمونجور قَبول هاکِن گه مِنِه قَبول هاکِردی.

نامِه مَسیحینی عبرانی نِژادی سِه 3:14

چون اَما مَسیحی دِلِه شریک بَوِمی، اگه راساسی اطمینانی گه از اَوّل داشتمی رِه تا آخر قائِم داریم.

پطرسی دِوّمین نامِه 1:1

شَمعونِ پِطرُسی طرفی جا، عیسی مَسیحی نوکر و رَسول، اونانیگه خِدایی عدالتی طریق و اَمِه نِجات دَهَنده عیسی مَسیح، ایمونی هِتی اَمِه ایمونی تَرا وِشونی نصیب بَوِه:

اوّل یوحنا 1:3

هون کَلام گه اَما بَئیمی و بِشنُسِمی رِه شِمِارِ اِعلام کِمّی تا شِما هَم اَمِه هَمرا رِفاقت دارین؛ حَیقَتاً هَم گه اَمِه رِفاقت پیری هَمرا و وی ریکا عیسی مَسیحی هَمرائِه.

اوّل یوحنا 1:7

ولی اگه نوری دِلِه زندگی هاکِنیم، هَمونجور گه وی نوری دِلِه دَرِه، هَمدیَری هَمرا رِفاقت دارمی و وی ریکا عیسایی خون اَمارِه دِشتِه گِناهی جا پاک کِنِّه.