فیلیپیان 1:27 - کتاب مقدس به زبان مازندرانی - گویش غربی

²⁷ فقط بِلین شِمِه زندگی ای رَوش، مسیحی اِنجیلی لایق ووئه، اونجور گه چی بیئِم و شِمارِ بَوینِم و چی نیئِم، شِمِه جا بِشنُئِم گه یَتِه روحی دِلِه پابرجانی و یَتِه فِکری هَمرا اِنجیلی ایمونی سِه، دوش به دوش هَم تَقَّلا کِنِنی،

گیله ماز

²⁷ فقط شیمی جی خَنَم که شِیمی رفتار مسیحِ اِنجیلِ لایق هَبو.، اونجور که چه بییَم و شِمِرِه بَینَم و چه نییَم، شیمی جی بِشنُئَم که ایتا روحِ دِلِه پابرجا هیسین و ایتا فِکرِ همره اِنجیلِ ایمانِ وَسین، دوش به دوش ِهَم تَقَّلا کانید،

کتاب مقدس به زبان مازندرانی - گویش شرقی

²⁷ فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

فیلیپیان 1:27 Iomraidhean Croise

اِنجیلِ مَتّی 12:25

عیسی وِشونی خیالی جا باخَوَر بَوِه و وِشونِه بُتِه: «هر مَملِکَتی شی علِیه رَسَد بَوو، از بِین شونِه، و هر شَهر یا خِنِه ای شی علِیه رَسَد بَوو، دَووم نیارنِه.

اعمال رَسولان 2:46

وِشون هر روز مَعبَدی دِلِه جَم وونِسِنِه و هَمدیَری هَمرا شی خِنِه ای دِلِه نون گِلی کِردِنِه، و خِشی و سادِه دِلی هَمرا غَذا خاردِنِه.

اعمال رَسولان 24:24

چَن روز دییَر، فِلیکْس شی زَنا دْروسیلایی هَمرا گه یَهودی وِه، بیمو و پولُسی دِمال بَرِسانیِه، وی پولُسی گَبِ گه عیسای مسیحی ایمونی خَوَری وِه رِه گوش هادا.

اعمال رَسولان 4:32

دِشتِه ایموندارِن یَکدِل و یَک جان وِنِه و هیچکی شی اَموالِ شِنِه نَئونِسِه، بَلگی هَمه چی ای دِلِه هَمدیری هَمرا شَریک وِنِه.

رومی ایشون 1:16

چون مِن اِنجیلی جا خِجالتی نارمِه، چونگه اِنجیل خِدایی قوّتِ هر کَسی نِجاتی سِه گه ایمون بیارِه، اَوَّل یهود و اَزما غیرِیهود.

رومی ایشون 1:5

خِدا مسیحی طریق اَمارِه فیض هادا تا وی رسولِن ووئیم و دِشتِه قومیشونِه رانِمایی هاکِنیم گه مسیحی اِسمِ ایمون بیارِن و ویجا اطاعت هاکِنِن.

رومی ایشون 1:9

چون خِدایی گه وِرِه دِشتِه شی دِل و جانی هَمرا، وی ریکائی اِنجیلی کاری دِلِه دِ خِدمت کِمِّه میسِه گِواهی دِنِه گه چِتی یَکسرِه شی دِعاهایی دِلِه شِمارِ یاد اُرمِه

رومی ایشون 10:8

ولی وی چی گِنِه؟ هَینگه «هَین کَلام تی نَزیکی، تی دِهنی دِلِه، و تی دِلی دِلِه دَرِه.» هَین هَمون ایمونی کَلامِ گه اَما اعلام کِمّی،

رومی ایشون 15:16

گه غیریَهودینی سِه، مَسیحْ عیسایی نوکر ووئِم و خِدایی اِنجیلی خِدمت هاکِردنی سِه کاهِنی هاکِنِم، تا غیریهودیِن یَتِه قابِلِ قَبولِ هَدیِه خِدایی پِش ووئِن گه روح القُدُسی طَریقی جا تَقدیس بَوِه.

رومی ایشون 15:29

دِمِّه وختی گه شِمِه وَر بیئِم، مسیحی برکتی هَمرا گه فِراوونِ اِمِه.

اوّلین نامِه قُرنتیانی سِه 1:10

اِی بِرارِن، اَمِه خِداوند عیسی مَسیحی اِسمی هَمرا شِمِه جا خواهِش کِمِّه گه همدیری هَمرا یَکدل ووئین و شِمِه میِن جِدایی دَنیوو، بَلگی هَم فِکری دِلِه و هَم نظری دِلِه یَتّا ووئین.

اوّلین نامِه قُرنتیانی سِه 15:58

پَس، می عزیزِ بِرارِن، پابرجا و پایدار ووئین، هَمِش خِداوندی کارِ ویشتَر و ویشتَر اَنجام هادین، چون دِنِّنی شِمِه زحمت خِداوندی دِلِه بیخِدی نیِه.

دوّمین نامه قرنتیانِ وَسین 13:11

سَرآخر، اِی بِرارِن، خِشال ووئین. شِمِه فِکر هَین ووئه گه اَی هَم جان بَیرین؛ و همدیرِ تسلّی هادین، همدیری هَمرا هَم نظر ووئین، صِلح و سلامتی ای دِلِه زندگی هاکِنین؛ گه خِدایی مِحبت و صِلح و سلامتی شِمِه هَمرا مونِّه.

دوّمین نامه قرنتیانِ وَسین 4:4

هَین دِنیایی خِدا، بی ایمونِنی فِکرارِ کور هاکِردِه تا مسیحی جَلالی اِنجیلی نور گه خِدایی دیمِ رِه، نَوینِن.

دوّمین نامه قرنتیانِ وَسین 9:13

هَین خِدمتی خاطری مَردِن خِدارِه جلال دِنِنِه، چونگه شِما نا فقط اعتراف کِنِنی مسیحی اِنجیلِ ایمون دارِنی بلگی وِشون و بقیِه رِه اونچی گه دارِنی ای دِلِه شریک کِنِنی.

غَلاطیان 1:7

البَته گه یَت دییَر اِنجیل دَنیِه، ولی کَسایی دَرِنِه گه شِمارِ پریشون کِنِنِه و خواینِنِه مَسیحی اِنجیلِ دَسکاری هاکِنِن.

اِفِسُسیان 1:13

شِما هَم وی دِلِه، هون موقِه گه حَیقَتِ کلامِ، گه همون شِمِه نِجاتی اِنجیل هَسِّه رِه بِشنُسنی و اونِه ایمون بیاردنی، روح‌القدسِ موعودی هَمرا مِهر بَوِنی،

اِفِسُسیان 1:15

هَینِسه، هَمونجور گه مِنَم شِمِه ایمونی تعریفِ عیسای خِداوندِ و شِمِه مِحبتِ دِشتِه مِقَدَسینی سِه بِشنُسِمِه،

اِفِسُسیان 4:1

پَس مِن گه خِداوندی خاطری زیندونی دِلِه دَرمِه، خواهِش کِمِّه گه شِمِه رَفتار هون دعوتی گه شِما اونیسِه بَخونِس بَوِنِه ای لایق ووئه

فیلیپیان 1:5

هون همکاری ای سِه گه مسیحی اِنجیلی کاری دِلِه، از اوَّلین روز تا اَمرِز، شریک وِنی.

فیلیپیان 2:12

پَس اِی عَزیزِن، هَمونجور گه هَمِش مِطیع وِنی، اَلَن نا فقط می پِش، بَلگی خِیلی ویشتَر، وختی مِن دَنیمِه، شی نِجاتی سِه وِنِه ترس و لَرزی هَمرا عمل هاکِنین؛

فیلیپیان 2:24

و خِداوندی دِلِه مِطمَئنمِه گه مِنَم خِیلی زود اِمِه.

فیلیپیان 3:18

چونگه مِن وشونی خَوَری چَن کَش شِمارِ بُتمِه و حتّی اَلَن هَم شی اَسری ای هَمرا گِمِه، خِیلیا، هِتی مسیحی صلیبی دِشمَنِنی تَرا رفتار کِنِنِه.

فیلیپیان 3:20

اِسا اونگه اَما آسِمونی سِه هسمی و خِداوند عیسی مَسیحی اِنتِظار کَشِمی گه یَتِه نِجات‌دهندئه.

فیلیپیان 4:1

پَس، می بِرارِن گه شِمارِ دوس دارمِه و شِمِه بَئینی سِه مِشتاقمِه، اِی شِما گه می خِشالی و تاجِ سَرِنی، اِی عزیزِن، هَینجوری خِداوندی دِلِه قائِم هِرِسین.

کولُسیان 1:10

تا شِمِه رفتار خِداوندی لایق ووئِه، و بَتِنّین وِرِه کامِلاً خِشال هاکِنین: هر خِبِ کاری دِلِه ثمر بیارین و خِدایی بِشناسیِنی دِلِه رشد هاکِنین؛

کولُسیان 1:4

چون اَما شِمِه ایمونی خَوَری مَسیحْ عیسایی دِلِه و مِحبتی گه دِشتِه مِقَدَّسینِ دارِنی رِه بِشنُسِمی،

اوّل تِسالونیکیان 3:6

ولی اِسا گه تیموتائوس شِمِه وَری جا اَمِه وَر دَگِرسِه و شِمِه ایمون و مِحبتی جا اَمِنِه خِبِ خَوَر بیاردِه، و خَوَر هادا گه شِما هَمِش اَمِه جا خِبی ای هَمرا یاد کِنِنی و اَمِه بَئیَنی سِه ذوق دارِنی، هَمونجور گه اَما هَم شِمِه بَئیَنی سِه ذوق دارمی.

اوّل تِسالونیکیان 4:1

سَرآخر پس، اِی بِرارِن، اَما خِداوند عیسایی دِلِه شِمِه جا خوایمی و اِلتماس کِمّی هَمونجور گه اَمِه جا شِمارِ بَرسیِه گه چِتی وِنِه زندگی هاکِنین و خِدارِه راضی هاکِنین، هَمینجورم گه اَنجام دِنِنی، هَین کارِ ویشتَر و ویشتَر هاکِنین.

اول تیموتائوس 1:11

هون تعلیمی گه طِبقِ، مِوارکِ خِدایی پِرجلالِ اِنجیل گه مِنِه بِسپارِس بَوِه.

اول تیموتائوس 1:19

ایمون و خِبِ وِجدانِ بَچِسب. چون بَعضیا هَینِنی رَد هاکِردنی هَمرا وِشونی ایمونی کَشتی بِشکِسِه.

دوم تیموتائوس 4:7

مِن خِبِ جَنگی دِلِه بَجِنگِسِمِه، شی مِسابِقه رِه تُوم هاکِردمِه و شی ایمونِ حفظ هاکِردمِه.

تیتوس 2:10

دِزِّی نَکِنِن، بَلگی شی خِبِ ایمونِ کاملاً هَم هادِن تا هر چی ای دِلِه اَمِه نِجات دهنده خِدایی تعلیمی قشنگی رِه، خِبی ای هَمرا هَم هادِن.

فیلیمون 1:5

چون مِن تی مِحبت و ایمونی خَوَری گه خِداوندْ عیسی و دِشتِه مِقَدَّسینی سِه دارنی رِه اِشنُمِّه،

یعقوبِ نامه 3:18

صالحی، مَحصولیِه گه صِلح و صفایی دِلِه، و اونانیگه صِلحی دِمال دَرنِه ای دَسی هَمرا دَکاشت وونِه.

پطرسی دِوّمین نامِه 3:11

اِسا گه دِشتِه هَین چیا دِ نابود وونِنِه، شِما وِنِه چیجور مَردِنی ووئین؟ شِما وِنِه یَتِه مِقدَّس و دیندارِ زندگی دارین

پطرسی دِوّمین نامِه 3:14

پَس اِی عَزیزِن، اِسا گه هَین چیایی اِنتِظارِ کَشِنِنی، خِیلی تقلّا هاکِنین گه وی دید بی‌لکه و بی‌عیب ووئین، و صِلح و سلامتی ای دِلِه دَووئین.

یهودائه نامه 1:3

اِی عَزیزِن، با هَینگه خِیلی ذوق داشتِمِه تا هون نِجاتی خَوَری گه اَما هَمه اونی دِلِه سهم دارمی شِمِنِه بَنویسَم، ولی لازِم بَئیمِه هَین چَن خط بَنوشتَنی هَمرا، شِمِه جا بَخوام گه هون ایمونی دِلِه گه یَکَش هَمیشه ای سِه مِقَدَّسینِ بِسپارِس بَوِه، تقلّا هاکِنین.