فیلیپیان 1:13 - کتاب مقدس به زبان مازندرانی - گویش غربی

¹³ هون جوریگه دِشتِه سلطنتی کاخی نِگَهوونِن و هَمه ای سِه معلوم بَوِه گه مِن مَسیحی خاطری زیندونی دِلِه دَرمِه؛

گیله ماز

¹³ اون جوریکه تمام سلطنتی کاخِ نِگَهبانان و همه وَسین معلوم هَبا که مَن مَسیح خاطِری زندانِ دِلهِ دَرَم؛

کتاب مقدس به زبان مازندرانی - گویش شرقی

¹³ اون طی که تِمومِ سلطنتِ کاخِ نگهوونون و همهِ وِسه مَعلوم بَییه که مِن مَسیحِ خاطِری زِندونِ دِله دَرِمبه؛

فیلیپیان 1:13 Iomraidhean Croise

اعمال رَسولان 26:29

پولُس وی جِواب بُتِه: «خِدایی جا خوایمِه گه دیر یا زود، نا فقط شِما، بَلگی دِشتِه کَسایی گه اَمرِز می گَبِ اِشنُنِنِه، می تَرا بَوون، البته نا زنجیلی دِلِه!»

اعمال رَسولان 26:31

و وختی دِ گَب زووِنِه دیرگا بوردِنِه، هَمدیَرِ گِتِنِه: «هَین مَردی کاری گه بَمِردَن یا زیندونی مِستَحق ووئِه نَکِردِه.»

اعمال رَسولان 28:17

سِه روز دییَر، پولُس یهودی گَت گَتِه رِه شی کَفا بَخونِسِه. وختی جَم بَوِنِه، وِشونِه بُتِه: «اِی بِرارِن، با اونگه مِن کاری شی قوم یا شی پیرِنی رَسم و رُسومی علِیه نَکِرد وِمِه، مِنِه اورشلیمی دِلِه هَماسینِه و رومیِنی تَحویل هادانِه.

اعمال رَسولان 28:20

هَینِسه بَخوایسِمِه شِمارِ بَوینَم و شِمِه هَمرا گَب بَزِنِم، چون هون اسرائیلی اِمیدی خاطریِه گه مِنِه هَین زنجیلی هَمرا دَوِسِنِه.»

اعمال رَسولان 28:30

هَینجوری پولُس دِ سال تِموم شی خِنِه ای دِلِه گه اِجارِه هاکِرد وِه دَوِه و هر کی گه وی وَر ایمو رِه، قَبول کِردِه.

اِفِسُسیان 3:1

هَینِسه مِن، پولُس، گه شِما غیریَهودینی خاطری مَسیحْ عیسایی زیندونیمِه -

اِفِسُسیان 4:1

پَس مِن گه خِداوندی خاطری زیندونی دِلِه دَرمِه، خواهِش کِمِّه گه شِمِه رَفتار هون دعوتی گه شِما اونیسِه بَخونِس بَوِنِه ای لایق ووئه

اِفِسُسیان 6:20

هَون اِنجیل گه اونی سَفیرمِه، هر چَن زنجیلی دِلِه! دِعا هاکِنین گه اونِه جِرأتی هَمرا اونجور گه وی لایقِ، اعلام هاکِنِم.

فیلیپیان 1:30

شِمِنِه هَم هَمون جنگیِه گه مِنِه اونی دِلِه بَئینی و اَلَنَم اِشنُنِنی گه حَلا هَم اونی هَمرا سَر و کَلِّه زَمِّه.

فیلیپیان 1:7

مِن هَین حقِّ دارمِه گه شِما هَمه ای خَوَری هَینجور حِسّی دارِم، چونگه می دِلی دِلِه جا دارِنی، چون شِما هَمه می هَمرا خِدایی فیضی دِلِه شریکِنی، هَم می زیندون دَکِتنی دِلِه، هَم اِنجیلی دِفاع هاکِردَنی جا، و هَم اونی حَیقتِ ثابت هاکِردن.

فیلیپیان 4:22

هَیجِه ای دِشتِه مِقَدَّسین شمِسِه سَلام رَسانِنِه، بخصوص اونانیگه قیصری اَهلِ خِنِه هَسِنِه.

دوم تیموتائوس 2:9

هینِسِئه گه هِتی یَتِه جِنایتکاری تَرا زنجیلی دِلِه دَرمِه و دِ عذاب کَشِمِه، ولی خِدایی کلام زنجیلی دِلِه دَنیِه.