فیلیپیان 1:11 - کتاب مقدس به زبان مازندرانی - گویش غربی

¹¹ صالِحی ای ثمره ای جا پِر بَووئین گه عیسی مَسیحی طریقی جا، خِدایی جلال و حمد و ثنا هاکِردنی سِه ختم وونِه.

گیله ماز

¹¹ صالِحی یه ثمره یه جی پُرهَبین که عیسی مَسیحِ طریقِ جی به بار هَنِه، و خُدایِ جلال و حمد و ثنا هَکُردن رِه ختم بونِه.

کتاب مقدس به زبان مازندرانی - گویش شرقی

¹¹ صالحیِ ثمراتِ جِم پِر بوئین که عیسی مَسیحِ طَریقِ جِم، خِدائه جِلال و حَمد و ثناء هاکاردِنِ خَتم بونه.

فیلیپیان 1:11 Iomraidhean Croise

اِنجیلِ مَتّی 5:16

هَمینجور، بِلین شِمِه نور مَردِنی پِش بَتابِه تا شِمِه خِبِ کارارِ بَوینِن و شِمِه پیرِ گه آسِمونی دِلِه دَرِه رِه پَرَسِش هاکِنن.

اِنجیلِ یوحنا 15:16

شِما مِنِه اِنتِخاب نَکِردِنی، بَلگی مِن شِمارِ اِنتِخاب هاکِردِمِه و بَرِسانیمِه تا بورین و میوِه بیارین و شِمِه میوِه بَمونِّه، تا هر چی پیری جا می اِسمی هَمرا بَخواین شِمارِ هادِه.

اِنجیلِ یوحنا 15:2

هر اَنگور رَزی گه میوِه نیارِه می پیر وِرِه وِرینِّه، و هر اَنگور رَزی گه میوِه بیارِه، وِرِه هَرَس کِنِّه تا ویشتَر میوِه بیارِه.

اِنجیلِ یوحنا 15:8

می پیری جَلال هَینجور آشکار وونِه گه شِما خِیلی میوِه بیارین. و هینجوری ثابِت کِنِنی گه می شاگِردِنِنی.

رومی ایشون 15:28

پس، وختی هَین کارِ تُوم هاکِردِمِه و اونچی گه جَم بَوِه وِه رِه، وِشونی دَس بَرِسانیمِه، شِمِه راهی جا اِسپانیایی سِه شومِه.

رومی ایشون 6:22

ولی اِسا گه گِناهی جا آزاد و خِدایی نوکَرِن بَوِنی، وی ثَمرِه شِمِسِه تقدیس بَووئنِ گه سرآخر اَبَدی زندگی ای سِه ختم وونِه.

اوّلین نامِه قُرنتیانی سِه 10:31

پَس هر چی خارِنی و هر چی نوشِنِنی، یا هر کاری کِنِنی، دِشتِ خِدایی جَلالی سِه هاکِنین.

دوّمین نامه قرنتیانِ وَسین 9:10

اونیگه تیمِ کشاورزی سِه و نونِ بَخاردنی سِه دِنِه، شِمِه تیمِ کِشت و کاری سه آمادِه هاکردِه، برکت دِنِه و شِمِه صالحی ای محصولِ زیاد کِنِّه.

اِفِسُسیان 1:12

تا اَما گه اوَّلین کَسایی وِمی گه مَسیحِ اِمید داشتمی، وی جَلالِ حمد و ثنا هاکِنیم.

اِفِسُسیان 1:14

گه اَمِه اِرثی بِیانِه هَسِّه، تا هون موقِه گه اونِه کامِلاً بِدس بیاریم، تا خِدایی جلال حمد و ثنا بَوو.

اِفِسُسیان 2:10

چون اَما خِدایی دَسی کارمی، و مَسیحْ عیسایی دِلِه خَلق بَوِمی تا خِبِ کارا هاکِنیم، هون کارایی گه خِدا پِشتر آمادِه هاکِردِه تا اونانی دِلِه قَدم بِلیم.

اِفِسُسیان 5:9

چون نوری ثَمَره، هر جور خِبی، راسی و دِرِسی ای دِلِه بَنگیت وونِه.

فیلیپیان 4:17

نا هَینگه هَدیه ای دِمال دَووم، بَلگی یَتِه ثمری دِمال دَرمِه گه شِمِه اعتبارِ خِدایی وَر زیاد کِنِّه.

کولُسیان 1:10

تا شِمِه رفتار خِداوندی لایق ووئِه، و بَتِنّین وِرِه کامِلاً خِشال هاکِنین: هر خِبِ کاری دِلِه ثمر بیارین و خِدایی بِشناسیِنی دِلِه رشد هاکِنین؛

کولُسیان 1:6

اِنجیلی گه شِمارِ بَرِسیِه، هَمونجور گه دِشتِه دِنیایی دِلِه هَم بَرسیِه ثمر اُرنِه و زیاد وونِه، جوریگه شِمِه مین هَم، هون روزی جا گه اونِه بِشنُسِنی و خِدایی فیضِ حَیقتی دِلِه بِفهمِسنی، کار هاکِردِه.

دوّم تِسالونیکیان 1:12

تا اَمِه خِداوند عیسایی اِسم شِمِه دِلِه جلال بَیرِه، و شِما هَم طبقِ اَمِه خِدا و خِداوندْ عیسی مسیحی فیض، وی دِلِه جلال بیرین.

تیتوس 3:14

بِل اَمِه مَردِن یاد بَیرِن احتیاجاتی برطرف هاکِردنی سِه شِخدِرِه خِبِ کارایی وقف هاکِنِن و بی ثمر نَووئِن.

نامِه مَسیحینی عبرانی نِژادی سِه 12:11

چون هون موقِه گه دِ تربیت وومی، عوضِ هَینگه اَمارِه خِش بیِه، اَمارِه دَرد گیرنِه. ولی اَزماتر اونانیسِه گه وی طریق تربیت بَوِنِه، صالِح ووئنِ بار اُرنِه گه صِلح و سلامتی ای جا پِرِ.

اول پِطرُس 2:12

بی‌ایمونِنی میِن شِمِه کِرد و کار مِحترم ووئِه تا اونانیگه شِمِه علِیه گب زَنِنِه گه شِمِه اعمال بَدِ، شِمِه خِبِ کاری هارشینی هَمرا، خِدارِه هون روزی دِلِه گه ویمّی، پرسِش هاکِنَن.

اول پِطرُس 2:5

شِما شِه هَم هِتی زینِّه سَنگهایی تَرانی، گه یَتِه روحانی عمارَت شِمِه جا بَسات وونِه تا مقدَّسِ کاهِنِنی تَرا ووئین تا عیسی مَسیحی طریقی جا، روحانی قِروونی ها گه خِدا هونِنِه قَبول کِنِّه پیشکش هاکِنین.

اول پِطرُس 2:9

ولی شِما انتِخاب بَوِه نَسل و کاهنِنی هَسِّنی گه شاهانِه کاهنی کِنِنی، شِما مِقدَّس مِلَّت و مَردنی هَسنی گه خِدایی مِلکِنی، تا وی عالی صِفاتِ اعلام هاکِنین گه شِمارِ تاریکی ای جا شی عجیبِ نوری سِه بَخونِسِه.

اول پِطرُس 4:14

اگه مسیحی اِسمی خاطری شِمارِ فاش هادِن، خِشا بِحالِ شِما، چون جلالی روح و خِدایی روح، شِمِه سَر قرار گیرنِه.