دوم تیموتائوس 4:12 - کتاب مقدس به زبان مازندرانی - گویش غربی

¹² تیخیکوسِ اَفِسُسی شهر راهی هاکِردِمِه.

گیله ماز

¹² تیخیکوسِ اَفِسُسِ شهر روانه هَکُردَم.

کتاب مقدس به زبان مازندرانی - گویش شرقی

¹² تیخیکوسِ، اِفِسُسِ شَهر راهی هاکاردِمه.

دوم تیموتائوس 4:12 Iomraidhean Croise

اعمال رَسولان 18:19

وختی اَفِسُسی شهری سِه بَرِسینِه، پولُس شی هَمسَفَرِنی جا سیوا بَوِه و شِه عبادتگاهی سِه بوردِه و یَهودیِنی هَمرا بَحث هاکِردِه.

اعمال رَسولان 18:21

و وِشونی هَمرا خِدافظی هاکِردِه، بُتِه: «اگه خِدا بَخواد اَی هَم شِمِه وَر اِمِه.» اَزما یَتِه کَشتی سِوار بَوِه و اَفِسُسی جا بوردِه.

اعمال رَسولان 19:1

ولی موقِه ای گه آپولُس قُرِنتُسی شهری دِلِه دَوِه، پولُس بعد از هَینگِه هون مَنطقِه ای خِشکی ای راهی جا بِگذِشتِه، اَفِسُسی شهری سِه بَرِسیِه. اوجِه چَن تا شاگِرد بَنگیتِه

اعمال رَسولان 20:25

«اِسا دِمِّه هیچکِدیم از شِما گه مِن شِمِه میِن بَگرِسِمِه و خِدایی پادشاهی رِه اعلام هاکِردِمِه، دِ مِنِه نَوینِّه.

اعمال رَسولان 20:4

پولُسی هَمراهِن هَینِن وِنِه: بیریه ای جا سوپاتِر پیروسی ریکا، تِسالونیکی ای جا آریستارخوس و سِکوندوس، دِربِه ای جا گایوس و تیموتائوس، آسیایی جا تیخیکوس و تْروفیموس.

اِفِسُسیان 6:21

هینسِه گه می حال و روزی جا خَوَردار ووئین و دِنّین چی کِمِّه، تیخیکوس، گه عزیزِ بِرار و خِداوندی دِلِه وفادارِ خادمِ، هَمه چیرِه شِمارِ گِنِه.

اِفِسُسیان 6:22

مِن وِرِه هَین منظوری سِه شِمِه وَر بَرِسانیمِه تا اَمِه حال و روزی جا خَوَردار بَووئین، و تا وی شِمارِ دِلگرم هاکِنِه.

کولُسیان 4:7

تیخیکوس شِمارِ می احوالی جا کامِلاً باخَور کِنِّه. وی یَتِه عَزیزِ بِرار و وفادارِ نوکر و خِداوندی دِلِه می هَمرا همخِدمتِ.

اول تیموتائوس 1:3

هَمونجور گه وختی مقدونیه ای مَنطقِه دِ شیوِمِه، تیجا خواهِش هاکِردِمِه، یَکَش دییَر اَی تیجا خوایمِه گه اَفِسُسی شهری دِلِه بَمونی تا بعضیارِه دَستور هادی گه هیچ جورواجورِ تعلیمی نَدِن.

تیتوس 3:12

وختی گه آرتِماس یا تیخیکوسِ تی وَر بَرِسانِم، تا بَتِنّی تقلّا هاکِن تا نیکوپولیسی شهر می وَر بیئی، چون تصمیم بَیتِمِه زِمِسِنِ اوجِه سَر هاکِنِم.