دوم تیموتائوس 3:8 - کتاب مقدس به زبان مازندرانی - گویش غربی

⁸ هَمونجور گه یَنّیس و یَمْبْریس موسایی هَمرا مِخالفت هاکِردِنِه، هَین مَرداکِنِن هَم گه وِشونی فِکرا خرابِ و وِشونی ایمون رَدِّ، حَیقتی هَمرا مِخالفت کِنِنِه.

گیله ماز

⁸ هَمونجور که یَنّیس و یَمْبْریس موسای هَمرَه مخالفت هَکُردَن، این مَرداکان هم که اوشانه فِکر خرابِ و اوشانه ایمان رَدِّ، حقیقتِ هَمرَه مُخالفت کانَن.

کتاب مقدس به زبان مازندرانی - گویش شرقی

⁸ هَمون‌ طی که یَنّیس و یَمْبْریس موسیِ هِمراه مخالفت هاکاردِنه، این مردها هم که وِشونِ فکر خِرابِ و وِشونِ ایمون رَدِّ، حَییقَتِ هِمراه مخالفت کاندِنه.

دوم تیموتائوس 3:8 Iomraidhean Croise

اعمال رَسولان 15:24

از اوجِه گه بِشنُسِمی کَسایی اَمِه میِنی جا، بی‌ هَینگه اَمِه جا دَستوری دارِن، بیمونِه و شِمارِ شی گَبی هَمرا نارحت هاکِردِنِه، و باعث بَوِنِه شِمِه فِکر پَریشون بَوو.

رومی ایشون 1:28

از اوجِه گه خِدایی بِشناسیَن وِشونی سِه اِرزِشی ناشتِه، خِدا هَم وِشونِه بَد بَدِ فکرهایی دِلِه وِل هاکِردِه تا هون کاری گه نِیسِه هاکِنِنِ، اَنجام هادِن.

رومی ایشون 16:18

چون هَینجور آدَمِن اَمِه خِداوند مَسیحِ خِدمَت نَکِنِنِه، بَلگی شی اِشکَمی سِئر هاکِردنی دِمال دَرِنِه و قَشنگِ گَبا و چاپلوسی ای هَمرا سادِّه آدَمِنِ گول زَنِنِه.

اِفِسُسیان 4:14

اَزما دِ هِتی کِچیک وَچیلِه ای تَرا نَوومی گه موجیشونی هَمرا هر طرف هِپرتانی بَووئیم و جورواجورِ تَعالیم و آدَمِنی دوز و کَلکی وا هون نَخشِه هایی دِلِه گه گِمراهی ای سِه کَشِنِنِه، اَمارِه هَین طرف و هون طرف بَوِرِه.

اول تیموتائوس 1:19

ایمون و خِبِ وِجدانِ بَچِسب. چون بَعضیا هَینِنی رَد هاکِردنی هَمرا وِشونی ایمونی کَشتی بِشکِسِه.

اول تیموتائوس 4:2

دِروزَنِن و دُرویِنی هَینجور تعالیمِ اُرِنِه گه وِشونی وِجدان بَمِردِه.

اول تیموتائوس 6:5

و همِش مَردنی میِن جنگ و جدالی باعث وونِه گه وِشونی فکر فاسد بَوِه و حَیقَتی جا بی نصیب بَوِنِه، خیال کِنِنِه دینداری یَتِه وَسیلِه منفعتی سِه هَسِّه.

دوم تیموتائوس 4:15

تو هَم ویجا دوری هاکِن، چون اَمِه پِیغِمی هَمرا بَدجور مخالِفت هاکِرده.

تیتوس 1:10

چون یاغیِن، مِفتِ گَب زَنِن و حِقِّه بازِن زیادِنِه، بخصوص اونانیگه خَتنِه بَووئنی سِه اِصرار دارِنِه.

تیتوس 1:16

وشون اِدِّعا کِنِنِه خِدارِه اِشناسِنِنِه، ولی شی کارایی هَمرا وِرِه هَشا کَشِنِنِه. وِشون منفور و نافرمونِنِه، و هر خِبِ کاری سِه ناجورِنِه.

پطرسی دِوّمین نامِه 2:14

وِشونی چِش زِنایی جا پِرِ گه گِناه هاکِردنی جا سِئر نَوونِه. وِشون جَوونِنی گه سِس هَسِّنِه رِه تَلِه دیم دِنِنِه، وِشونی دِل طمع‌ هاکِردَنی دِلِه ماهرِ! لعنتی وچیلِنِه!

اوّل یوحنا 2:18

وَچیلِه، هَین آخرین ساعَتِ و هَمونجور گه بِشنُسِنی ’ضِدِّمسیح‘ اِنِه، اَلَن هَم خِیلی ضِدِّ مَسیحِن بیمونِه، هَیجِه دَری فَهمِمی گه آخرین ساعتِ.

اوّل یوحنا 4:1

اِی عَزیزِن، هر روحِ باوَر نَکِنین، بَلگی روحیشونِه آزمود هاکنین گه خِدایی جانِه یا نا. چون دِنیایی دِلِه خِیلی دِردِرو پِیغَمبَرِن دَرِنِه.

یوحنایِ مکاشفه 2:20

ولی هَین شکایَتِ تیجا دارمِه، هون زَنا گه وی اِسم ایزابلِ و شِرِه نَبیِه دِنِّه رِه، آسون گیرنی. ویگه می نوکَرِنِ تَعلیم دِنِه و از راه به دَر کِنِّه تا بی عفتی هاکِنِن و هون غذاهایی جا گه بِتیشونی پیشکَش بَوِه بَخارِن.

یوحنایِ مکاشفه 2:6

ولی یَتِه خِبی دارنی گه نیکولاییانی دار و دَسِه ای کارایی جا بیزاری، گه مِنَم بیزارمِه.