Biblia Todo Logo
Bìoball air-loidhne

- Sanasan -




دوم تیموتائوس 3:16 - کتاب مقدس به زبان مازندرانی - گویش غربی

16 دِشتِه مِقَدّسِ نوشتِه ها خِدایی الهامِ، و تعلیم و سَراکو و اِصلاح و تربیتی سِه، صالحی ای دِلِه فایدِه دارنِه،

Faic an caibideil Dèan lethbhreac

گیله ماز

16 تمام مُقَدَّس نوشتِه ها خُدایِ الهامِ، و تعلیم و سرامکو و اِصلاح و تربیتِ وَسین، صالحی یه دِلِه فایدِه دارِه،

Faic an caibideil Dèan lethbhreac

کتاب مقدس به زبان مازندرانی - گویش شرقی

16 تِمومِ مقدّسِ نوشته ها خِدائه الهامِ، و تَعلیم و سَراکو و اِصلاح و تربیتِ وِسه، صالحیِ دِله فایده دارنه،

Faic an caibideil Dèan lethbhreac




دوم تیموتائوس 3:16
43 Iomraidhean Croise  

عیسی وِشونِه بُتِه: «پَس، هر شریعتی مَلِّمِ گه آسِمونی پادشاهی ای خَوَری تعلیم بَئیت وو، هِتی صاب خِنِه ای رِه مونِّه گه شی صِنِخی جا نُو و پیتِ چیا دیرگا اُرنِه.»


اَزما عیسی وِشونِه بُتِه: «مَگِه تا اَلَن مزامیری کیتابی دِلِه نَخونِسِنی گه: ”هَمون سَنگی گه بَنّائیشون وِرِه دیم بَدانِه، بَنایی اصلیترین سَنگ بَوِه. خِداوَندَم اَتی هاکِردِه و اَمِه نَظَر عَجیب اِنِه.“


عیسی وِشونِه بُتِه: «پَس چِتی داوود خِدایی وَحی هَمرا، مَسیحِ خِداوَند خُونِّه؟ چون داوود گِنِه:


ولی اگه اَتی هاکِنِم، اون وَخت مِقَدّسِ نِوِشتِه هایی پِشگویی چِتی حَیقَت رَسِنِه؟»


ولی هَین چیا اِتِّفاق دَکِتِه تا پِیغَمبَرِنی بَنوِشت اَنجام بَرِسِه.» اَزما دِشتِه شاگِردِن وِرِه سَرِشتِنِه و دَربوردِنِه.


عیسی وِشونِه بُتِه: «شِما چَنی گِمراهنی، چون نا مِقَدّسِ نِوِشتِه هایی جا چیزی دِنِّنی نا خِدایی قِوَّتی جا؟


شِه داوود روح القُدُسی وَحی هَمرا بُتِه: «‌”خِداوند می خِداوَندِ بُتِه: «می راسِ دَس هِنیش تا موقِه ای گه تی دِشمَنِنِ تی لینگی بِن دیم بَدِم.“»


اگه خِدا کَسایی گه وی کَلام وِشونِه بَرِسیِه رِه، ’خِدائن‘ بُتِه - و مِقَدّسِ نِوِشتِه باطِل نَوونِه -


چون هر کی بَدی رِه بِجا اُرنِه نوری جا بیزارِ و نوری وَر نیِنِه، نَکِنِه وی کارا بَرمَلا بَوو و رِسوا بَوو.


و بُتِه: «اِی بِرارِن، مِقَدّسِ نِوِشتِه هایی پِشگویی وِسِه حَیقَت بَرِسِه. هون نِوشته هایی گه روح القُدُس خِیلی وَخت پیشا داوودِ پادشاهی زِوونی جا یَهودایی خَوَری بُتِه. اونی خَوَری گه عیسایی هَماسیَنی رانِما وِه.


خِداوندی راهی دِلِه آموزش بَئیت وِه و روحی حرارتی هَمرا گَب زووِه و دِرِسی ای هَمرا عیسایی خَوَری تعلیم داوِه، هر چَن فقط یحیایی تَعمیدی جا خَوَر داشتِه.


دِنِنّی گه چِتی اونچی گه ممکن وِه شِمِسِه فایدِه دارِه رِه، هیچ دَریغ نَکِردِمِه، بَلگی پِیغِمِ شِمِسِه اعلام هاکِردِمِه، چی جَمعی دِلِه چی خِنِه خِنِه شِمارِ تَعلیم هادامِه.


چون مِن هیچکَسی حَق کِتاهی نَکِردِمِه، بَلگی خِدایی دِشتِه پِیغِمِ هَمه ای سِه بَرِسانیمِه.


پَس هَمونجور گه هَمدیَری هَمرا جَرّ و بَحث کِردِنِه، اوجِه ای جا بوردِنِه. ولی پِش از اونگه اوجِه ای جا بورِن، پولُس شی آخَرین گَبِ بَزو و بُتِه: «روح القُدُس چَنی خِب شِمِه پیرِنی هَمرا گَب بَزو، هون موقِه گه اِشعیای پِیغَمبَری طریق بُتِه:


چون هر چی گه قدیم قدیما بَنوِشت بَوِه، اَمِه تعلیمی سِه وِه تا پایداری و هون دلگرمی ای هَمرا گه مِقَدّسِ نِوشتِه ها دِنِه، اِمید داریم.


تو گه نادونِنی مِربی و وچیلِه ای مَلِّمی، تو گه شریعت، گه معرفت و حَیقتِ رِه دارنی-


خِیلی، هر نظری جا. اوَّل اونگه خِدایی کَلام یَهودینِ اَمانت بِسپارِس بَوِه.


ولی هَین گَبا گه «ویسِه بِشمارِس بَوِه»، فقط ویسِه بَنوِشت نَوِه


خِدایی روحی ظاهر بَووئن هر کَسی سِه، هَمه ای مَنفعتی سِه هادا وونِه.


و مِقدّسِ نِوِشتِه ها پِشتَر بَئیِه گه خِدا غیریهودیِنِ ایمونی خاطری صالح اِشمارنِه، هینِسِه، هون خَوَرِخِشِ ابراهیمِ اعلام هاکردِه و بُتِه «دِشتِه قومیشون تی طریقی جا بَرکَت گیرِنِه.»


وِنِه اونانیگه مِخالِفِنِ رِه نرمی ای هَمرا اصلاح هاکِنِه، شاید خِدا وِشونِه توبِه عَطا هاکِنِه تا حیقَتِ بِشناسِن


خِدایی کلامِ اعلام هاکِن و وخت و بی وخت آماده واش، و خِیلی صبر و کاملِ تعلیمی هَمرا، اصلاح و سراکو و تَشویق هاکِن.


اِسا ایمون، هون چیایی سَر اطمینان هاکِردنِ گه اونانِه اِمید دارمی و هون چیایی جا خاطر جَم ووئنِ گه چِشی هَمرا نِشِنِه بَئین.


پَس هَمونجور گه روح القدس گِنِه: «اَمرِز، اگه وی اَوازِ اِشنُنِنی،


چون خِدایی کلام، زینِّئه و کار کِنِّه، و هر دِ دَمِ شمشیری جا تیج تَرِ، جوری وِرینِّه گه نَفس و روح و مفاصل و مغز و هَسکارِه سیوا کِنِّه، فِکرا و دِلی نیّتارِه تشخیص دِنِه.


Lean sinn:

Sanasan


Sanasan