دوم تیموتائوس 2:7 - کتاب مقدس به زبان مازندرانی - گویش غربی

⁷ اونچی گه گِمِه رِه فکر هاکِن، چون خِداوند هر چی ای دِلِه تِرِه فهم دِنِه.

گیله ماز

⁷ اونچه که گونَم رِه فکر هَکُن، چون خُداوند هر چی یه دِلهِ تِرِه فهم دَنه.

کتاب مقدس به زبان مازندرانی - گویش شرقی

⁷ اونچی که گامبه ره فکر هاکان، چوون خِداوند هر چیِ دِله تِ ره فَهم دِنه.

دوم تیموتائوس 2:7 Iomraidhean Croise

لوقا 21:15

چون مِن شِمارِ کَلام و حِکمَتی دِمِه گه هیچ کِدیم از شِمِه دِشمَنِن نَتِنِّن شِمِه جِوابِ هادِن و شِمِه پِش هِرِسِن.

لوقا 24:45

اَزما وِشونی فِکرِ باز هاکِردِه تا بَتِنِّن مِقَدّسِ نِوِشتِه ها رِه بِفَهمِن.

لوقا 9:44

«اونچی گه خوایمِه شِمارِ بُئَمِ خِب شی خاطِر بِسپارین: اِنسونی ریکارِه مَردِنی دَس تَسلیم کِنِنِه.»

اِنجیلِ یوحنا 14:26

ولی هون پِشتیبون یَعنی روح القُدُس گه پیر وِرِه می اِسمی هَمرا رَسانِّه، وی هَمه چیرِه شِمارِ یاد دِنِه و هر چی مِن شِمارِ بُتِمِه رِه شِمِه یاد اُرنِه.

اِنجیلِ یوحنا 16:13

ولی وختی حَیقَتی روح بیِه، شِمارِ دِشتِه حَیقَتی سِه رَهبری کِنِّه؛ چون وی شیجا گَب نَزِنِه، بَلگی اونچی اِشنُنِه رِه گِنِه و شِمارِ آیندِه ای جا خَوَردار کِنِّه.

اعمال رَسولان 7:10

و وِرِه دِشتِه وی عذابایی جا آزاد هاکِردِه و فِرعونی نَظر عزیز هاکِردِه و وِرِه حِکمت هادا، جوریگه یوسِفِ مِصری فرمونروا و شی دَرباری رئیس هاکِردِه.

اوّلین نامِه قُرنتیانی سِه 12:8

چون گه یَنفرِ خِدایی روحی طریقی جا، حکمتی کَلام هادا وونِه، یَت دییَرِ هَمون روحی طریقی جا، مَعرفتی کلام هادا وونِه،

فیلیپیان 4:8

سَرآخَر، اِی بِرارِن، هر اونچی گه راسِ، هر اونچی گه حِرمت دارنِه، هر اونچی گه دِرسِ، هر اونچی گه پاکِ، هر اونچی گه دوس داشتنی و هر اونچی گه قابلِ پَرَسشِ، اگه عالیِه، اگه پَرَسِش هاکردنی اِرزِشِ دارنِه، هَینِنی خَوَری فِکر هاکِنین.

کولُسیان 1:9

هَینسِه، اَما هَم هون روزی جا گه هَینِه بِشنُسِمی، شِمِه دِعا هاکِردَنی جا دَس نَکِشیمی، خِدایی جا خوایمی گه شِما وی اِراده ای بِشناسینی هَمرا، هر حکمت و روحانی فهمی دِلِه پِر بَووئین؛

اول تیموتائوس 4:15

هَین چیارِه اَنجام هادِه و شِرِه وی وقف هاکِن تا تی تَرَقی هَمه ای سِه معلوم بَوو.

دوم تیموتائوس 2:6

هون کِشاورز گه سخت کار کِنِّه، وِنِه اَوَّلین نفری ووئه گه شی مَحصولی جا بَهرِه بَوِرِه.

دوم تیموتائوس 2:8

عیسی مَسیحِ شی یاد بیار گه داوودی نَسلی جا وِه و مِردِگونی جا زینِّه بَوِه؛ اِنجیلی گه مِن موعظه کِمِّه هَینِه،

نامِه مَسیحینی عبرانی نِژادی سِه 12:3

وِرِه فکر هاکِنین گه چِتی گِناهکارِنی طرَفی جا دِشمنی ای گه وی علِیه وِه رِه تَحمِل هاکِردِه، تا شِما خَسِّه و دِلسَرد نَووئین.

نامِه مَسیحینی عبرانی نِژادی سِه 13:7

شی رَهبَرِنِ شی یاد دارین، وِشون گه خِدایی کلامِ شِمِنِه بُتِنِه. وِشونی آخر عاقبتی زِندگی ای رَوِشِ هارشین و وِشونی ایمونی جا سَرمَخش بَیرین.

نامِه مَسیحینی عبرانی نِژادی سِه 3:1

پَس اِی مِقَدّسِ بِرارِن، اِی شِما گه آسِمونی دَعوتی دِلِه شریکِنی، شِمِه چِش عیسی رِه ووئه، گه ویِه رسول و کاهنِ اعظم گه وِرِه ایمون دارمی و وِرِه اعتراف کِمّی.

نامِه مَسیحینی عبرانی نِژادی سِه 7:4

هارشین گه وی چَنی گَتِه آدم وِه گه ابراهیم، اسرائیلی قومی پیر، غنایمی جا وِرِه دَه یِک هادا!

یعقوبِ نامه 1:5

اگه کَسی شِمِه میِن حِکمت نارنِه، اونِه خِدایی جا بَخواد، هَمون خِدایی گه بدون سَراکو و دَس و دِلبازی ای هَمرا هَمِرِه بَخشِنِه، و وِرِه دِنِه.

یعقوبِ نامه 3:15

هَینجور حِکمتی آسِمونی جا نیِنِه، بَلگی زَمینی و نفسانی و شیطانیِه.

یعقوبِ نامه 3:17

ولی هون حِکمتی گه آسِمونی جائِه، اَوَّل پاکِ، اَزما صِلح‌آمیز و آروم و نَصیحت‌ِ اِشنُنِه، و خِبِ ثَمرات و رَحمتی جا پِرِ، و فَرق بِشتَن و ریایی جا دورِ!

اوّل یوحنا 5:20

هَمینجور هَم دِمّی گه خِدایی ریکا بیمو و اَمارِه فَهم هادا تا ویگِه حَیقیِه رِه بِشناسیم، و اَما وی دِلِه گه حَیقیِه دَرمی، یَعنی وی ریکا عیسی مَسیحی دِلِه. وی خِدای حَیقی و اَبَدی زندگیه.