دوم تیموتائوس 2:23 - کتاب مقدس به زبان مازندرانی - گویش غربی

²³ هون بحثایی گه نادونی و نِفهمی ای جا هَسِّه دوری هاکِن، چون دِنّی گه دعوا مرافِه ای باعِث وونِه.

گیله ماز

²³ اون بَحثایی که نادانی و نِفهمی یه جی هیسه دوری هَکُن، چون دانی که دعوا مرافِه یه باعِث بونه.

کتاب مقدس به زبان مازندرانی - گویش شرقی

²³ اون بحث هایی که نادونی و نِفَهمیِ جِم هَسه دوری هاکان، چوون دوندی که دَعوا مرافهِ باعث بونه.

دوم تیموتائوس 2:23 Iomraidhean Croise

اول تیموتائوس 1:4

و شِرِه آسنی و شجره‌نامه‌هایی گه تُوم نَوونِه ای سِه وقف نَکِنِن، هَین چیا، عوضِ هَینگه خِدایی کارِ گه ایمونی راهی دِلِه دَرِه پِش بَوِرِه، جَر و بحثی باعث وونِنِه گه هیچ ثمری نارنِه.

اول تیموتائوس 4:7

آسنی ای هَمرا گه کِفرآمیز و پوچِ شِرِه دور دار، بَلگی شِرِه دینداری ای سِه تربیت هاکِن.

دوم تیموتائوس 2:14

هَین چیارِه وِشونی یاد بیار و خِدایی پِش وِشونِه سِفارِش هاکِن گه کلماتی سَر دعوا مِرافِه نَکِنن، گه فایدِه نارنِه، بلگی فقط باعث وونِه اونانیگه اِشنُنِنِه از راه به بدر بَوون.

دوم تیموتائوس 2:16

ولی دِنیایی مِفتِ گَبایی جا دوری هاکِن، چون مردِنِ ویشتَر و ویشتَر بی‌دینی ای سمت کَشانِّه.

تیتوس 3:9

ولی جنگ و جِدالی گه نادونی ای جائه، شجره‌نامه‌ها و اختلافات و دعوا مِرافه هایی گه شریعتی خَوَریِه دوری هاکِن، چون هَینِن بی‌فایده و بی اِرزِشِنِه.

یعقوبِ نامه 4:1

چی باعث وونِه شِمِه میِن دَعوا دَکِفِه و چی باعث وونِه شِمِه میِن جنگ و جِدال دَکِفِه؟ مَگِه شِمِه هَوا و هَوَسی سِه نیِه گه شِمِه وجودی دِلِه دِ جَنگِنِنِه؟