دوم تیموتائوس 2:16 - کتاب مقدس به زبان مازندرانی - گویش غربی

¹⁶ ولی دِنیایی مِفتِ گَبایی جا دوری هاکِن، چون مردِنِ ویشتَر و ویشتَر بی‌دینی ای سمت کَشانِّه.

گیله ماز

¹⁶ ولی دُنیایِ مُفتِ گَبانِ جی دوری هَکُن، چون مردُمِ بیشتر و بیشتر بی‌دینی یه سمت کِشاندِنِه.

کتاب مقدس به زبان مازندرانی - گویش شرقی

¹⁶ ولی دِنیائه مِفت گَب هائه جِم دوری هاکان، چوون مَردِمِ ویشتر و ویشتر بی‌دینیِ سَمت کَشِنِنه.

دوم تیموتائوس 2:16 Iomraidhean Croise

اوّلین نامِه قُرنتیانی سِه 15:33

گول نَخارین: «بَدِ همنشین، خِبِ اخلاقِ خراب کِنِّه.»

اوّلین نامِه قُرنتیانی سِه 5:6

شِمِه افتخار هاکِردَن اَصلاََ دِرِس نیِه. مَگِه نَئونِنی گه اَقّدی خَمیرمایه بَتِنِّه دِشتِه خمیرِ وَر بیارِه؟

اول تیموتائوس 1:9

و دِمّی گه شریعت، صالِح آدمنی سِه نیِه، بلگی اونانیسِه گه قانون‌ِ اِشکِنِنِه و نافرمونِنِه، بی‌دینِن و گِناهکارِنی سِه، اونانیسِه گه مِقدّس نینِه و اونانیسِه گه کِفر گِنِنِه؛ اونانیسِه گه شی پیر و مارِ کِشِنِنِه؛ آدمکشِنی سِه،

اول تیموتائوس 4:7

آسنی ای هَمرا گه کِفرآمیز و پوچِ شِرِه دور دار، بَلگی شِرِه دینداری ای سِه تربیت هاکِن.

اول تیموتائوس 6:20

اِی تیموتائوس، هون امانتی گه تِرِه بِسپارِس بَوِه رِه حِفظ هاکِن. مِفتِ گَبایی جا و مخالفِ فِکرایی جا گه اشتباهاً، معرفت بَخونِس وونِه، دوری هاکِن؛

دوم تیموتائوس 2:14

هَین چیارِه وِشونی یاد بیار و خِدایی پِش وِشونِه سِفارِش هاکِن گه کلماتی سَر دعوا مِرافِه نَکِنن، گه فایدِه نارنِه، بلگی فقط باعث وونِه اونانیگه اِشنُنِنِه از راه به بدر بَوون.

دوم تیموتائوس 2:21

پَس اگه ینفر شِرِه هَین چیایی جا پاک هاکِنِه، ظرفیه گه مِهِمِ کارایی سِه استفاده وونِه، مِقَدَّس و مفیدِ ظَرف صابخِنه ای سِه و هر خِبِ کاری سِه آمادِئه.

دوم تیموتائوس 3:13

ولی شرورِ آدمن و شیّادِن بَدی ای دِلِه بَدتر وونِنِه، گول زَنِنِه و گول خارِنِه.

تیتوس 1:11

وِشونی دِهِنِ وِنِه دَوِسَن، چون وِشون دِشتِه خِنِوادِه ایشونِه تَباه کِنِنِه و ناحَقِّ سودی سِه هون چیایی رِه تعلیم دِنِنِه گه نِیسِه تعلیم هادِن

تیتوس 1:14

و یهودی آسنی ایشون و اونانی احکام، گه حَیقَتی جا دورِ رِه گوش نَدِن.

تیتوس 3:9

ولی جنگ و جِدالی گه نادونی ای جائه، شجره‌نامه‌ها و اختلافات و دعوا مِرافه هایی گه شریعتی خَوَریِه دوری هاکِن، چون هَینِن بی‌فایده و بی اِرزِشِنِه.

نامِه مَسیحینی عبرانی نِژادی سِه 12:15

مواظِب ووئین هیچکس خِدایی فِیضی بَیتَنی دِلِه شِکست نَخارِه، تا هیچ تَلِ ریشه ای رُشد نَکِنِه و دردسری باعث نَوو و خِیلیارِه نَجِس نَکِنِه.

پطرسی دِوّمین نامِه 2:18

چون بِلَنِ اَوازی هَمرا گَبایی زَنِنِه گه غِرور و نِفهمی ای جا پِرِ، اونانیگه سختی ای هَمرا بَدِ آدمنی چنگی جا دَربوردِنِه رِه، شی هوا و هوسی تَلِه ای دِلِه دیم دِنِنِه.

پطرسی دِوّمین نامِه 2:2

خِیلیا وِشونی بی عفتی ای دِمال شونِنِه، و وِشونی خاطری حَیقتِ راهِ، کِفر گِنِنِه.

یوحنایِ مکاشفه 13:14

و هون نِشونِه ها و معجزاتی خاطری گه اجازه داشتِه هون اوّلین وحشی جانِوَری عوض به کار بَیرِه، اونانیگه زَمینی سَر دَوِنِه رِه گول بَزو و وِشونِه بُتِه یَتِه مِجَسَمِه هون وحشی جانِوَری جا بَساجِن گه شمشیری هَمرا زخمی بَوِه، ولی با هَین وجود زینِّه بَمونِسِه.

یوحنایِ مکاشفه 13:3

یَتِه از هون وحشی جانِوَری کَلِّه ها، انگار یَتِه کِشنده زَخم بَئیت وِه، ولی هون کِشندِه زخم خِب بَوِه وِه و دِشتِه زمین بِهت هاکِردِنِه و هون وحشی جانِوَری جا پیروی هاکِردنِه.