دوم تیموتائوس 1:2 - کتاب مقدس به زبان مازندرانی - گویش غربی

² می عزیزِ ریکا تیموتائوسی سِه: فیض و رَحمَت و صِلح و سلامتی خِدای پیر و اَمِه خِداوند مَسیحْ عیسایی طرفی جا تیسِه بیِه.

گیله ماز

² می عزیزِ ریکا تیموتائوسِ وَسین: فیض و رَحمَت و صُلح و سلامتی خُدای پیَر و اَمی خُداوند مسیحْ عیسی یِه طرفِ جی تِرِه بییِه.

کتاب مقدس به زبان مازندرانی - گویش شرقی

² مِ عزیزِ ریکا، تیموتائوسِ وِسه: فِیض و رَحمِت و صِلح و سِلامتی خِدائه پییِر و اَمه خِداوند مَسیحْ عیسیِ طَرِفِ جِم تِ وِسه بِیّه.

دوم تیموتائوس 1:2 Iomraidhean Croise

اعمال رَسولان 16:1

پولُس اوَّل دِربِه و اَزما لِستْره ای شهری سِه بوردِه. اوجِه یَتِه شاگرد گه وی اِسم تیموتائوس وِه زندگی کِردِه گه وی مار یهودی و ایموندار وِه، ولی وی پیر یونانی وِه.

رومی ایشون 1:7

دِشتِه اونانیسِه گه رومی شهری دِلِه دَرِنِه، گه خِدا وِشونِه دوس دارنِه و بَخونِس بَوِنِه تا خِدایی مِقَدّسِ قوم ووئِن: فیض و صِلح و سلامتی اَمِه پیر، خِدا، و خِداوند عیسی مَسیحی طَرفی جا، شِمِسِه بیِه.

رومی ایشون 12:19

اِی عزیزِن، هیچ وخت شِه، تقاص نَئیرین، بَلگی اونِه خِدایی غضبی دَس واگِذار هاکِنین. چون توراتی دِلِه بَنوِشت بَوِه گه «خِداوند گِنِه: ”تقاص مِنیِه؛ مِنمِه گه سِزا دِمِه.»

اوّلین نامِه قُرنتیانی سِه 4:17

هَینِسه تیموتائوسِ گه می عزیزِ وَچِه و خِداوندی دِلِه وفادارِ رِه شِمِه وَر بَرِسانیمِه. تا می راهارِه مَسیحْ عیسایی دِلِه شِمِه یاد بیارِه، هَمونجور گه هون راهارِه دِشتِه کلیساهایی دِلِه و هَمه جا تعلیم دِمِه.

فیلیپیان 4:1

پَس، می بِرارِن گه شِمارِ دوس دارمِه و شِمِه بَئینی سِه مِشتاقمِه، اِی شِما گه می خِشالی و تاجِ سَرِنی، اِی عزیزِن، هَینجوری خِداوندی دِلِه قائِم هِرِسین.

اول تیموتائوس 1:2

تیموتائوسی سِه، می حَیقی ریکا ایمونی دِلِه: فیض و رَحمَت و صِلح و سلامتی خِدای پیر و اَمِه خِداوند مَسیحْ عیسایی طرفی جا شِمِنِه بیِه.

دوم تیموتائوس 2:1

پَس تو می وَچِه، هون فیضی هَمرا گه مَسیحْ عیسایی دِلِه دَرِه قوی بَواش،

تیتوس 1:4

تیتوسی سِه، گه طبقِ ایمونی گه اَما هَمه ای نصیب بَوِه، می حَیقی وَچِئه: فیض و صِلح و سلامتی خِدای پیر و اَمِه نِجات​دهنده مَسیح عیسایی طرفی جا تیسِه بیِه.

تیتوس 2:13

و شی هون مِوارَکِ اِمیدی چِش بِرا ووئیم، یَعنی اَمِه عظیمِ خِدا و اَمِه نِجات دَهَنِده عیسی مَسیحی جلالی آشکار بَووئن،

سوّم یوحنا 1:4

هیچی مِنِه هَینی جا ویشتَر خِشال نَکِنِّه گه بِشنُئَم می وَچیلِه ’حَیقَتی‘ دِلِه زندگی کِنِنِه.