دوم تیموتائوس 1:16 - کتاب مقدس به زبان مازندرانی - گویش غربی

¹⁶ خِداوند اونیسیفوروسی خِنِوادِه رِه لِطف هاکِنِه، چون وی چن کَش می جانِ تازِه هاکِردِه و می زیندون دَکتنی جا عار ناشتِه.

گیله ماز

¹⁶ خُداوند اونیسیفوروسِ خانوادهِ رِه لُطف هَکونه، چون اون چن دفه می جان تازِه هَکُردِه و می زِندان دَکِتَنِ جی عار نِداشتَه.

کتاب مقدس به زبان مازندرانی - گویش شرقی

¹⁶ خِداوند اونیسیفوروسِ خانواده ره لطف هاکانه، چوون وه چَن کَش مِ جانِ تازه هاکارده و مِ زندون دَکِتِنِ جِم عار نِداشته.

دوم تیموتائوس 1:16 Iomraidhean Croise

اِنجیلِ مَتّی 25:17

هَمینجور اون مَردی گه شی چل سال دَسمِزی اَنّا بَیت وِه، شی اَربابی پولِ دِ برابر هاکِردِه.

اِنجیلِ مَتّی 5:7

«خِش بِحالِ رَحمینیشون، چون وِشون رَحم وینِنِه.

اعمال رَسولان 21:33

فَرموندِه پِش بیمو و پولُسِ هَماسیِه و دَستور هادا وِرِه دِتا زنجیلی هَمرا دَوِنِّن. اَزما بَپرسیِه گه وی کیِه و چی هاکِردِه.

اعمال رَسولان 28:20

هَینِسه بَخوایسِمِه شِمارِ بَوینَم و شِمِه هَمرا گَب بَزِنِم، چون هون اسرائیلی اِمیدی خاطریِه گه مِنِه هَین زنجیلی هَمرا دَوِسِنِه.»

اوّلین نامِه قُرنتیانی سِه 16:18

چون وِشون می روح و شِمِه روحِ هَم تازِه هاکِردِنِه. هَینجور آدَمارِه حِرمت بِلین.

اِفِسُسیان 6:20

هَون اِنجیل گه اونی سَفیرمِه، هر چَن زنجیلی دِلِه! دِعا هاکِنین گه اونِه جِرأتی هَمرا اونجور گه وی لایقِ، اعلام هاکِنِم.

دوم تیموتائوس 1:12

هینِسِئه گه هینجور عذاب کَشِمِه، ولی عار نارمِه، چون دِمِّه کِرِه ایمون بیاردِمِه، و قانع بَوِمِه گه وی بتِنِّه اونچی گه مِنِه بِسپارس بَوِه رِه تا هون روز مِحافظت هاکِنِه.

دوم تیموتائوس 1:17

بَلگی وختی رومی شهر بیمو، می دِمال بَگرسِه تا سَرآخر مِنِه بَنگیتِه-

دوم تیموتائوس 1:18

خِداوَند وِرِه عطا هاکِنِه گه اون روزی دِلِه، خِداوندی جا رحمت بَیرِه. و تو دِشتِه اون خدمتهایی گه اَفِسُسی شهری دِلِه هاکِردِه رِه، خِب دِنّی.

دوم تیموتائوس 1:8

پَس، هینِسِه گه اَمِه خِداوندی سِه شهادت هادی یا مِن گه وی خاطری زیندونی دِلِه دَکِتِمِه، عار نار، بَلگی تو هَم خِدایی قِوَّتی هَمرا اِنجیلی خاطری عذاب بَکِشینی دِلِه شریک واش.

دوم تیموتائوس 4:19

پْریسکیلا و آکیلا و اونیسیفوروسی خِنِوادِه ای سِه سلام بَرِسان.

فیلیمون 1:20

اَرِه، اِی بِرار، خوایمِه گه خِداوندی دِلِه تیجا یَتِه نَفع مِنِه بَرِسِه. می جانِ مسیحی دِلِه تازِه هاکِن.

فیلیمون 1:7

اِی بِرار، چون تی مِحبتی جا خِیلی خِشال بَوِمِه و تسلّی بَیتِمِه، چون مِقَدَّسینی دِل تی خاطری اَی هَم جان بَیتِه.

نامِه مَسیحینی عبرانی نِژادی سِه 10:34

چون شِما اونانی هَمرا گه زیندونی دِلِه دَوِنِه همدَردی هاکِردِنی، و هون موقِه گه شِمِه مال و مَنالِ غارت کِردِنِه، خِشالی ای هَمرا قَبول کِردِنی. چون شِما شِه دِنِسِنی یَتِه بهتَرِ مال و منالی صاحِبِنی گه تا اَبَد مونِّه.

نامِه مَسیحینی عبرانی نِژادی سِه 6:10

چون خِدا بی انصاف نیِه گه شِمِه کار و مِحبتی گه وی اِسمی خاطری مِقَدَّسینی خِدمتی دِله هَم هادانی رِه یاد هاکِنِه. هَمونجور گه حَلا هَم دِ کِنِنی.