دوم تیموتائوس 1:13 - کتاب مقدس به زبان مازندرانی - گویش غربی

¹³ هون ایمون و مِحبتی هَمرا گه مَسیحْ عیسایی دِلِه دَرِه، و اونچی گه میجا بِشنُسی رِه یَتِه دِرِسِ نِمونه ای تَرا دِ دَسی بَچِسب.

گیله ماز

¹³ اون ایمان و مُحبتِ هَمرَه که مسیحْ عیسی یِه دِلهِ دَرِه، و اونچه که می جی بِشنَوِسّی رِه ایتا دُرسِّ نِمونه یه مِثانِ دو دَسّی بَچِسب.

کتاب مقدس به زبان مازندرانی - گویش شرقی

¹³ اون ایمون و مِحبّتی هِمراه که مَسیحْ عیسیِ دِله دَره، و اونچی که مِ جِم بِشنُسی ره یِتا دِرِسِ نمونهِ واری دِ دَسی بَچِسب.

دوم تیموتائوس 1:13 Iomraidhean Croise

رومی ایشون 2:20

تو گه نادونِنی مِربی و وچیلِه ای مَلِّمی، تو گه شریعت، گه معرفت و حَیقتِ رِه دارنی-

رومی ایشون 6:17

ولی خِدارِه شِکر، شِما گه یه وختی گِناهی نوکرِن وِنی، اِسا دِشتِه شی دِلی هَمرا هون تَعلیمی جا اطاعت کِنِنی گه خِدا شِمارِ هادا.

فیلیپیان 1:27

فقط بِلین شِمِه زندگی ای رَوش، مسیحی اِنجیلی لایق ووئه، اونجور گه چی بیئِم و شِمارِ بَوینِم و چی نیئِم، شِمِه جا بِشنُئِم گه یَتِه روحی دِلِه پابرجانی و یَتِه فِکری هَمرا اِنجیلی ایمونی سِه، دوش به دوش هَم تَقَّلا کِنِنی،

فیلیپیان 4:9

اونچی گه میجا یاد بَیتِنی و بِدس بیاردنی، میجا بِشنُسِنی و می دِلِه بَئینی رِه، هَینِنِه بِجا بیارین، گه خِدای صِلح و سلامتی شِمِه هَمرا دَرِه.

کولُسیان 1:4

چون اَما شِمِه ایمونی خَوَری مَسیحْ عیسایی دِلِه و مِحبتی گه دِشتِه مِقَدَّسینِ دارِنی رِه بِشنُسِمی،

اوّل تِسالونیکیان 5:21

بَلگی هَمه چیرِه آزمود هاکِنین؛ و اونچی گه خِبِ رِه، قائِم بَچسبین.

اول تیموتائوس 1:10

زِناکارِن و لواط گَرِنی سِه؛ اونانیگه بَردِه خرید و فِروش کِنِنِه، دِروزَنِن، اونانیگه دردِرو قسم خارِنِه، و هر چی گه دِرِسِ تعلیمی علِیه هَسِّه،

اول تیموتائوس 1:14

و اَمِه خِداوندی فیض، هون ایمون و مِحبتی هَمرا گه مَسیحْ عیسایی دِلِه دَرِه، فِراوونی ای هَمرا می سَر بَشِنی بَوِه.

اول تیموتائوس 6:3

اگه ینفر یَجور دییَر تعلیم هادِه و اَمِه خِداوند عیسی مَسیحی دِرِسِ کلام و هون تعلیمی هَمرا گه دینداری ای راهی دِلِئه جور نَووئه،

دوم تیموتائوس 1:1

پولُسی طرفی جا، گه خِدایی خواستی هَمرا، و طبقِ هون زندگی ای وعدِه گه مَسیحْ عیسایی دِلِئه، مَسیحْ عیسایی رسولِ،

دوم تیموتائوس 1:14

روح القدسی طریق گه اَمِه دِلِه دَرِه، هون خِبِ امانتی جا گه تِرِه بِسپارِس بَوِه، مِحافظت هاکِن.

دوم تیموتائوس 2:2

و هون چیایی گه خِیلی شاهِدنی وَر میجا بِشنُسی رِه، وفادارِ آدمنِ بسپار گه بَتِنِّنی بَقیِه رِه هَم یاد هادین.

دوم تیموتائوس 3:14

ولی تو، اونچی ای دِلِه گه یاد بَیتی و اونِه ایمون بیاردی پابرجا واش، چون دِنّی اونانِه کِنیشونی جا یاد بَیتی،

دوم تیموتائوس 4:3

چون موقِه ای رَسِنِه گه مَردِن درِسِ تعلیمِ تَحمِل نَکِنِنِه، بَلگی مَلِّمِنی رِه شی دُور و وَر جَم کِنِنِه تا اونچی رِه بِشنُئن گه وِشونی گوش دوس دارنِه بِشنُئِه، و وشونی هوا و هوسی هَمرا جور دَر اِنِه؛

تیتوس 1:9

وی وِنِه هون مطمئنِ کلام گه یاد بَیتِه رِه قائِم بَچِسبِه، تا بَتِنِّه دِرِسِ تعلیمِ یاد هادِه و اونانیگه هَین تعلیمی علِیهنِه رِه، سَراکو هاکِنِه.

تیتوس 2:1

ولی تو، اونچی گه طِبقِ دِرِسِ تعلیمِ رِه یاد هادِه.

تیتوس 2:8

و جوری دِرِس گَب بَزِن گه نَوو عیبی اونی سَر بِلِن، تا وختی گه مِخالِفِن نَتِنِّن اَمِه جا بَدی ای بَنگیرِن، شرمنده بَوون.

نامِه مَسیحینی عبرانی نِژادی سِه 10:23

بیئین بدونِ هَینگه شَک هاکِنیم، هون اِمیدی گه اونِه اعتراف هاکردمی رِه قائِم بَچِسبیم، چون اونیگه وَعدِه هادا وفادارِ.

نامِه مَسیحینی عبرانی نِژادی سِه 3:6

ولی مَسیح، هِتی یَتِه ریکائی تَرا خِدایی خِنِه ای سَر وفادارِ، و اَما وی خِنِمی، اگه راساسی شی اطمینان و افتخارِ شی اِمیدی دِلِه قائِم داریم.

نامِه مَسیحینی عبرانی نِژادی سِه 4:14

از اوجِه گه اَما یَتِه گَتِه کاهنِ اعظم دارمی گه آسِمونِنی سِه لُو بوردِه، یَعنی عیسی خِدایی ریکا، بیئین شی ایمونی اعترافِ قائِم داریم.

یهودائه نامه 1:3

اِی عَزیزِن، با هَینگه خِیلی ذوق داشتِمِه تا هون نِجاتی خَوَری گه اَما هَمه اونی دِلِه سهم دارمی شِمِنِه بَنویسَم، ولی لازِم بَئیمِه هَین چَن خط بَنوشتَنی هَمرا، شِمِه جا بَخوام گه هون ایمونی دِلِه گه یَکَش هَمیشه ای سِه مِقَدَّسینِ بِسپارِس بَوِه، تقلّا هاکِنین.

یوحنایِ مکاشفه 2:25

فقط هَینگه اونچی گه دارِنی رِه قائِم بَچِسبین تا مِن بیئِم.

یوحنایِ مکاشفه 3:11

«مِن زود اِمِه. اونچی گه دارنی رِه، قائِم دار تا کَسی تی تاجِ تیجا نَئیرِه.

یوحنایِ مکاشفه 3:3

پَس اونچی گه بَیتی و بِشنُسی رِه، شی یاد بیار؛ اونِه دار و توبِه هاکِن. اگه ویشار نَووئی، دِزّی تَرا اِمِه و تو خَوَردار نَوونی گه چی ساعتی تی علِیه اِمِه.