اول تیموتائوس 5:3 - کتاب مقدس به زبان مازندرانی - گویش غربی

³ بیوِه‌زناکنِنِ اگه راساسی بی کَسِنِه، حِرمَت بِل.

گیله ماز

³ بیوِه‌ زناکان اگه راس راسی بی کَسِن رِه، حُرمَت بَنی.

کتاب مقدس به زبان مازندرانی - گویش شرقی

³ بیوه‌زَن ها ره اگه راس راسی بی‌کسِنه، حِرمت بییِل.

اول تیموتائوس 5:3 Iomraidhean Croise

اِنجیلِ مَتّی 15:6

در هَین صورَت، دِ وِرِه واجِب نیِه شی پیرِ کِمَک هاکِنِه. هَینجوری شِما خِدایی کَلامِ شی رَسم و رُسومی سِه نَدید بَیتِنی.

اِنجیلِ مَتّی 23:13

«وای بِحالِ شِما اِی توراتی مَلِّمِن و عِلَمای فَریسی دُرو! شِما آسِمونی پادشاهی ای دَرِ مَردِنی رو وَنِّنی، نا شِه دِلِه شونِنی نا اِلِنی اونِنی گه راهی دِلِه دَرِنِه هَم دِلِه بورِن. [

لوقا 2:37

تا هشتاد و چار سالِگی بیوِه بَمونِس وِه. وی هیچ وَخت مَعبَدی جا دیرگا نَشیوِه، بَلگی شُو و روز دِعا و روزِه ای هَمرا خِدارِه پَرَسِش کِردِه.

لوقا 7:12

وختی شَهری دَروازه ای نَزیکی بَرِسیِه، بَئیِه یَتِه مِیِّتِه وَرِنِه گه یَتِه بیوِه زَنایی تنیا ریکا وِه. شَهری مَردِنی جا خیلیا هَم هون زَنارِه هَمراهی کِردِنِه.

اِنجیلِ یوحنا 1:47

وختی عیسی بَئیِه نَتَنائیل وی سَمت اِنِه، وی خَوَری بُتِه: «هارشین، هَین مَردی اِسرائیلیِه واقعیِه گه وی دِلِه هیچ فَریبی دَنیِه!»

اعمال رَسولان 6:1

هون روزا گه شاگِردِن ویشتَر وونِسِنِه، یَهودیِنِ یونانی زِوون، یَهودیِنِ عبرانی زِوونی جا شکایت داشتِنِه گه وِشونی بیوِه زَناکِنِنِ سَرچِش نَیرنِه و وِشونی هر روزِ غذایی سهمِ دِرِس نَدِنِنِه.

اعمال رَسولان 9:39

پِطرُس پِرِسا و وِشونی هَمرا بوردِه. وختی اوجِه بَرِسیِه، وِرِه بالاخِنِه ای سِه بَوِردِنِه. بیوِه زَناکِنِن هَمه وی دور جَم بَوِنِه، بِرمِه ای هَمرا لیواسایی گه وختی دورکاس زینِّه وِه وِشونی سِه بَئوت وِه رِه، وِرِه هَم داوِنِه.

اعمال رَسولان 9:41

پِطرُس طابیتایی دَسِ بَیتِه و وِرِه پِرِسانیِه. اَزما بیوِه زَناکِنِن و اونانیگه عیسی رِه ایمون داشتِنِه رِه داد هاکِردِه و وِرِه زینِّه وِشونی تَحویل هادا.

اوّل تِسالونیکیان 2:6

اَما هَینی دِمال دَنیوِمی گه یَنَفَر اَمارِه لُو بَوِرِه، چی شِمِه جا و چی بَقیِه ای جا. هر چَن گه اَما مَسیحی رَسولِنی مقامی دِلِه هَین حَقِّ داشتمی گه هَینِه شِمِه جا بَخوایم

اول تیموتائوس 5:2

و پیر زَناکِنِنِ هِتی شی مارِنی تَرا، و جَوونِ زَناکِنِنِ هِتی شی خاخِرِنی تَرا، دِشتِه پاکی ای دِلِه

یعقوبِ نامه 1:27

پاک و بی‌لَکِّه دینداری اَمِه پیر خِدایی نَظر هَینِه گه یَتیمِن و بیوه‌زناکِنِنی دَسِ مِصیبتی موقِه بَیریم، و شِرِه هَین فاسِدِ دِنیایی جا دور داریم.

اول پِطرُس 2:17

هَمه رِه حِرمَت بِلین، بِرارِنِ مِحبت هاکِنین، خِداترس ووئین و پادشاهِ اِحتِرام بِلین.

اول پِطرُس 3:7

همینجور، شِما هَم اِی مرداکِنِن، شی زناکِنِنی هَمرا جوری زندِگی هاکِنین گه وِشونِه بِفَهمین و بِشناسین هینسِه گه شِمِه جا ظریفتر هَسِّنِه، وِشونی احترامِ دارین، چون شِمِه تَرا زندگی ای فیضی وارِثِنِه، تا نَکِنِه شِمِه دِعاها بی جِواب بَمونِّه.