اول تیموتائوس 4:7 - کتاب مقدس به زبان مازندرانی - گویش غربی

⁷ آسنی ای هَمرا گه کِفرآمیز و پوچِ شِرِه دور دار، بَلگی شِرِه دینداری ای سِه تربیت هاکِن.

گیله ماز

⁷ تِرِه اَفسانه هانِ جی که کفرآمیز و پوچِ دور بِدار، بلکه تِرِه دینداری یه هَمرَه تربیت هَکُن.

کتاب مقدس به زبان مازندرانی - گویش شرقی

⁷ داستان هائه جِم که کفر آمیز و پوچِ شه ره دور دار، بلکه شه ره دینداریِ وِسه تربیت هاکان.

اول تیموتائوس 4:7 Iomraidhean Croise

اعمال رَسولان 24:16

هَینِسه، خِیلی تَقَلّا کِمِّه تا خِدا و مَردِنی وَر پاکِ وِجدانی هَمرا زندگی هاکِنِم.

اول تیموتائوس 1:4

و شِرِه آسنی و شجره‌نامه‌هایی گه تُوم نَوونِه ای سِه وقف نَکِنِن، هَین چیا، عوضِ هَینگه خِدایی کارِ گه ایمونی راهی دِلِه دَرِه پِش بَوِرِه، جَر و بحثی باعث وونِنِه گه هیچ ثمری نارنِه.

اول تیموتائوس 1:9

و دِمّی گه شریعت، صالِح آدمنی سِه نیِه، بلگی اونانیسِه گه قانون‌ِ اِشکِنِنِه و نافرمونِنِه، بی‌دینِن و گِناهکارِنی سِه، اونانیسِه گه مِقدّس نینِه و اونانیسِه گه کِفر گِنِنِه؛ اونانیسِه گه شی پیر و مارِ کِشِنِنِه؛ آدمکشِنی سِه،

اول تیموتائوس 2:10

بَلگی خِبِ کارایی هَمرا، هَمونجور گه هون زَناکِنِنی لایقِ گه دینداری ای اِدّعا رِه دارِنِه.

اول تیموتائوس 3:16

راساسی گه دینداری ای راز خِیلی گَتِه: ویگه جسمی دِلِه ظاهر بَوِه، خِدایی روحی طریقی جا تأیید بَوِه، فرشتگون وِرِه بَئینِه، قومیشونی میِن اعلام بَوِه، دِنیایی دِلِه وِرِه ایمون بیاردِنِه، جلالی هَمرا، لُو، بَوِرد بَوِه.

اول تیموتائوس 4:8

چون هر چَن تربیت هاکِردن اَقدّی تَنی سِه فایده دارنِه، ولی دینداری هَمه چی ای سِه فایده دارنِه، چون هَم، هَین زندگی رِه وَعده دِنِه، هَم زندگی ای گه اِنِه رِه.

اول تیموتائوس 6:11

ولی تو گه مَردِ خِدایی، هَین چیایی جا فِرار هاکِن، و صالحی، دینداری، ایمون، مِحبت، پایداری و مِلایمتی دِمال دَواش.

اول تیموتائوس 6:20

اِی تیموتائوس، هون امانتی گه تِرِه بِسپارِس بَوِه رِه حِفظ هاکِن. مِفتِ گَبایی جا و مخالفِ فِکرایی جا گه اشتباهاً، معرفت بَخونِس وونِه، دوری هاکِن؛

اول تیموتائوس 6:3

اگه ینفر یَجور دییَر تعلیم هادِه و اَمِه خِداوند عیسی مَسیحی دِرِسِ کلام و هون تعلیمی هَمرا گه دینداری ای راهی دِلِئه جور نَووئه،

اول تیموتائوس 6:5

و همِش مَردنی میِن جنگ و جدالی باعث وونِه گه وِشونی فکر فاسد بَوِه و حَیقَتی جا بی نصیب بَوِنِه، خیال کِنِنِه دینداری یَتِه وَسیلِه منفعتی سِه هَسِّه.

دوم تیموتائوس 2:16

ولی دِنیایی مِفتِ گَبایی جا دوری هاکِن، چون مردِنِ ویشتَر و ویشتَر بی‌دینی ای سمت کَشانِّه.

دوم تیموتائوس 2:23

هون بحثایی گه نادونی و نِفهمی ای جا هَسِّه دوری هاکِن، چون دِنّی گه دعوا مرافِه ای باعِث وونِه.

دوم تیموتائوس 3:12

راساسی، دِشتِه اونانیگه بَخوان مَسیحْ عیسایی دِلِه دینداری ای هَمرا زندگی هاکِنن، عذاب کَشِنِنِه؛

دوم تیموتائوس 3:5

ظاهراً دیندارِنِه، ولی اونی قِوّتِ هَشا کِنِنِه. هینجور آدمایی جا دوری هاکِنین.

دوم تیموتائوس 4:4

و وِشون شی دیمِ حَیقَتی گوش هادائنی جا دَگِردانینِه و آسنی هایی سمت گِمراه وونِنِه.

تیتوس 1:14

و یهودی آسنی ایشون و اونانی احکام، گه حَیقَتی جا دورِ رِه گوش نَدِن.

تیتوس 2:12

و اَمارِه یاد دِنِه گه بی‌ دینی و دِنیایی هوا و هوسی جا دَس بَکِشیم، شی دَمِ داریم، و صالحی و دینداری ای هَمرا هَین دِنیایی دِلِه زندگی هاکِنیم.

تیتوس 3:9

ولی جنگ و جِدالی گه نادونی ای جائه، شجره‌نامه‌ها و اختلافات و دعوا مِرافه هایی گه شریعتی خَوَریِه دوری هاکِن، چون هَینِن بی‌فایده و بی اِرزِشِنِه.

نامِه مَسیحینی عبرانی نِژادی سِه 5:14

ولی سنگینِ غذا گَتِه آدمنی سِئه، وِشونی سِه گه شی قِوه ی تشخیصِ زیادی تمرینی هَمرا، جوری تربیت هاکِردِنِه گه بَتِنِّن بَد و خِبِ تَشخیص هادِن.