اول تیموتائوس 4:4 - کتاب مقدس به زبان مازندرانی - گویش غربی

⁴ چون هر چی گه خِدا خلق هاکردِه خِبِ، و هیچی رِه نِنِه رَد هاکِردن، اگه شِکر هاکردنی هَمرا قَبول بَوو،

گیله ماز

⁴ چون هر چه که خُدا خلق هَکُردِه خُجیرِ، و هیچی رِه نبایِسّی رَد هَکُردِن، هر وقت شُکر هکُردنِ هَمرَه قَبول هَبو،

کتاب مقدس به زبان مازندرانی - گویش شرقی

⁴ چوون هر چی که خِدا خَلق هاکارده، خوارِ و هیچی ره نَوِسه رَد هاکاردِن، اگه شِکر هاکاردِنِ هِمراه قبول بَووه،

اول تیموتائوس 4:4 Iomraidhean Croise

اعمال رَسولان 10:15

اَی هَم هون اَواز دِوّمین کَشی سِه بیمو گه «اونچی خِدا پاک هاکِردِه رِه تو نَجِس نِشمار!»

اعمال رَسولان 15:29

بِتیشونی قِروونی خِراک و خون و خَفِه بَوِه حیوونِنی گوشت و زِنایی جا دوری هاکِنین. اگه هَینِنی جا دوری هاکِنین، خِبِنی. سلامت ووئین.»

اعمال رَسولان 21:25

ولی غیریهودی ایموندارنی خَوَری، اَما شی حِکمِ یَتِه نامِه ای دِلِه وِشونی سِه بَرِسانیمی و بُتِمی گه وِنِه بِتیشونی تَقدیم بَوِه خِراکی جا، خونی جا، خَفِه بَوِه حیوونِنی گوشتی جا، و زِنایی جا دوری هاکِنِن.»

رومی ایشون 14:14

مِن خِداوند عیسایی دِلِه دِمِّه و قانعمِ گه هیچی خِد به خِد نَجِس نیِه. ولی اگه کَسی یَچی رِه نَجِس دِنِّه، ویسِه نَجِسِ.

رومی ایشون 14:20

غذا بَخاردنی خاطری خِدایی کارِ خَراب نَکِن! راساسی دِشتِه غذائیشون پاکِنِه، ولی هر غذایی گه یَنَفَر دییَری لغزشی باعث بَوو، کارِ دِرِسی نیِه.

رومی ایشون 14:6

اونیگه یَتِه خاصِ روزی احترامِ دارنِه، خِداوندی احترامی سِه هَین کارِ کِنِّه. اونیگه خارنِه، خِداوندی احترامی سِه خارنِه، چون خِدارِه شِکر کِنِّه. ولی اونی هَم گه نَخارنِه، وی هَم خِداوندی احترامی سِه هَین کارِ کِنِّه و خِدارِه شِکر کِنِّه.

اوّلین نامِه قُرنتیانی سِه 10:23

«هَمه چی جایزِ» - ولی هَمه چی فایدِه نارنِه. «هَمه چی جایزِ» - ولی هَمه چی بَنا نَکِنِّه.

اوّلین نامِه قُرنتیانی سِه 10:25

هر گوشتی گه قصابی ای دِلِه روشِنِنِه رِه، بدونِ هَینگه شی وِجدانی خاطری سوالی بَپرسین، بَخارین.

اوّلین نامِه قُرنتیانی سِه 10:26

چون «زمین و هر اونچی گه وی دِلِه دَرِه خِداوندی سِه هَسِّه.»

اوّلین نامِه قُرنتیانی سِه 10:30

اگه شِکر هاکِردنی هَمرا غذایی رِه خارمِه، چه وِنِه اونچی ای خاطری گه خِدارِه اونیسِه شِکر کِمِّه، مِنِه محکوم هاکِنِن؟

اول تیموتائوس 4:3

وِشون، عروسی هاکِردَنِ مَنع کِنِنِه و دَستور دِنِنِه هون غذاهایی رِه نَخارِن گه خِدا خلق هاکِردِه تا اونانیگه حَیقَتِ ایمون دارِنِه و اونِه اِشناسِنِنِه، شِکر هاکردنی هَمرا غذاهایی جا بَخارِن.