اول تیموتائوس 3:2 - کتاب مقدس به زبان مازندرانی - گویش غربی

² پس، یَتِه ناظر وِنِه هیچی وی زندگی ای دِلِه دَنیوو گه اونی خاطری سرکوفت بَخارِه، یَتِه زَن دارِه، هوشیار ووئه، شی دَمِ دارِه، با آبرو ووئه، مِهمون دوس ووئه و بَتِنِّه تعلیم هادِه؛

گیله ماز

² پس، ایتا ناظر بایِسّی هر چیه جی که اونه سَرکوفتِ باعِث بونه دور هَبو، ایتا زِنایِ وَفادارِ شو هَبو، هوشیار هَبو، خودشه جُلوهِ بِدارِه، با آبرو هَبو، مِهمان دوس هَبو و بَتَّنِه تعلیم هَدِه؛

کتاب مقدس به زبان مازندرانی - گویش شرقی

² پَس، یِتا ناظِر وِنه هیچی وه زندگیِ دِله دَنی بوئه که اونِ خاطِری سَرکوفت بَخُره، یِتا زِنا داره، هوشیار بوئه شه دَمِ داره، با آبِرو بوئه، مِهمون‌ دوس بوئه و بَتونه تَعلیم هاده؛

اول تیموتائوس 3:2 Iomraidhean Croise

لوقا 1:6

هر دِتا خِدایی نَظر صالِح وِنِه و دِشتِه خِداوندی اَحکام و دستوراتِ بی عیب بِجا اُردِنِه.

لوقا 2:36

اوجِه یَتِه زَنا گه وی اِسم حَنّا وِه زندگی کِردِه. حَنّا فَنوئیلی کیجا اَشیری طایفِه ای جا وِه، و خِداوندی طرفی جا نَبِوَّت کِردِه. وی پیر زَنا وِه. حَنّا از کیجا وونی شی مَردی ای هَمرا هَف سال زندگی هاکِردِه و بعد از اون

رومی ایشون 12:13

مِقدَّسینی اِحتیاجاتی برطرف هاکِردَنی دِلِه شَریک بَووئین و مِهمون‌نِواز ووئین.

فیلیپیان 2:15

تا بی عیب و سادِه دِل، و خِدایی بی عیبِ وَچیلِه ووئین، خطاکار و گِمراهِ نَسلی دِلِه گه شِمِه نور وِشونی میِن هِتی سِتارِه ایشونی تَرا هَین دِنیایی دِلِه تابِنِه،

اول تیموتائوس 3:12

هر کدیم از شَماسِن وِنِه یَتّا زَنا دارِه و شی وچیلِه و خِنوادِه رِه خِب بَچرخانِه.

اول تیموتائوس 3:8

هَمینجور کلیسایی شَماسِن وِنِه باوقار ووئِن؛ دُو رو نَووئن، شرابی گرفتار نَووئن، نادِرِسِ سودی حِرصِ نَزِنِن.

اول تیموتائوس 4:3

وِشون، عروسی هاکِردَنِ مَنع کِنِنِه و دَستور دِنِنِه هون غذاهایی رِه نَخارِن گه خِدا خلق هاکِردِه تا اونانیگه حَیقَتِ ایمون دارِنِه و اونِه اِشناسِنِنِه، شِکر هاکردنی هَمرا غذاهایی جا بَخارِن.

اول تیموتائوس 5:10

و خِبِ کارایی اَنجام هادائنی دِلِه معروف وو، یَعنی شی وَچیلِه رِه گَت هاکِرد وو، غریب‌نواز وو، مِقدّسینی لینگِ بَشورد وو، دَردمَندِنی جا مِراقبت هاکِرد وو، و شِرِه هرجور خِبِ کاری سِه وَقف هاکِرد وو.

اول تیموتائوس 5:22

هینِسه گه یَنَفری خِدمتِ تعیین هاکِنی عجله نَکِن، بَقیِه ای گِناهِنی دِلِه شریک نَواش، شِخدِرِه پاک دار.

اول تیموتائوس 5:9

فقط هون بیوه‌ زناکنِنی اِسمِ بَنویس گه شَص سالی جا ویشترِنِه و یَکَش شی هاکِرد وون.

دوم تیموتائوس 2:24

خِداوندی نوکر نِنِه دعوا مِرافِه هاکِنِه، بَلگی وِنِه هَمه ای هَمرا مِهرَوون ووئِه، و بَتِنِّه تعلیم هاده و بدیهایی پِش صبری هَمرا طاقت بیارِه.

تیتوس 2:2

پیر مَرداکِنِن هوشیار ووئِن، باوقار ووئِن، شی دَمِ دارِن و ایمون و مِحبت و پایداری ای دِلِه، دِرِس رفتار هاکِنِن.

نامِه مَسیحینی عبرانی نِژادی سِه 13:2

از هَینگه نسب به غریبه ها مِهمون نِواز ووئین غافل نَووئین، چون هَین کاری هَمرا، بعضیا بی هَینگِه دِنِّن فِرِشتگونی جا پَذیرایی هاکِردِنِه.

نامِه مَسیحینی عبرانی نِژادی سِه 3:14

چون اَما مَسیحی دِلِه شریک بَوِمی، اگه راساسی اطمینانی گه از اَوّل داشتمی رِه تا آخر قائِم داریم.

اول پِطرُس 4:7

هَمه چی ای آخر نَزیکِ؛ پَس شی دِعاهایی خاطری هوشیار ووئین و شی دَمِ بَئیرین.

اول پِطرُس 4:9

بدون هَینگه غِر غِر هاکِنین هَمدیَرِ مِهمون هاکِنین.

اول پِطرُس 5:8

هوشیار ووئین، شِمِه حواس دَوو، شِمِه دِشمَن اِبلیس هِتی شیری تَرا غِرّش کِنِّه و هر طرف گِردِنِه، یَنَفَری دِمال دَرِه تا وِرِه بَل هادِه.