اول تیموتائوس 2:8 - کتاب مقدس به زبان مازندرانی - گویش غربی

⁸ پَس می آرِزو هَینِ گه مَرداکِنِن هَمه جا دِعا هاکِنِن، و مِقَدّسِ دَسِ بی غیظ و دعوا مِرافِه لُو بَوِرِن.

گیله ماز

⁸ پَس می آرِزو این که مَرداکان هَمِه جا بی غِیظ و دعوا مُرافِه خودِشانِ دَسِّ دُعا هَکوردَنِ وَسین جآر بَبِرَن.

کتاب مقدس به زبان مازندرانی - گویش شرقی

⁸ پَس مِ آرزو اینِ که مَردها همه جا دِعا هاکانِن، و مِقدَّسِ دَسا ره بی غیظ و دَعوا مرافعه بالا بَوِرِن.

اول تیموتائوس 2:8 Iomraidhean Croise

اِنجیلِ مَتّی 21:21

عیسی وِشونِه بُتِه: «حَیقَتاً شِمارِ گِمِه اگه ایمون دارین و شَک نَکِنین نا فقط هَین کار، بَلگی هَین کاری جا گَت تَرم بَتِنِّنی اَنجام هادین. حتّی بَتِنِّنی هَین کوهِ دَستور هادین شی جایی سَر بَکِّنی بَوو و دریایی دِلِه دیم بَخارِه و هَینجور وونِه.

اِنجیلِ مَتّی 5:44

ولی مِن شِمارِ گِمِه شی دِشمَنِنِ دوس دارین و اونانیگه شِمارِ ظِلم رَسانِنِه، وِشونی سِه دِعای خِیر هاکِنین.

اِنجیلِ مَتّی 6:12

اَمِه خَطاها رِه بِبَخش، هَمونجور گه اَما هَم تی تَرا اونانیگه اَمارِه خَطا هاکِردِنِه رِه بِبَخشیمی.

لوقا 23:34

عیسی بُتِه: «اِی پیر، هَینِنِه بِبَخش، چون نَئونِنِه چی کِنِنِه.» اَزما سَربازِن قِرعه دیم بَدانِه تا وی لیواسِ شی میِن رَسَد هاکِنِن.

لوقا 24:50

اَزما عیسی وِشونِه تا بیت عَنیایی نَزیکی شَهری جا دیرگا بَوِردِه و شی دَسِ آسِمونی سَمت بِلَن هاکِردِه و وِشونِه بَرکَت هادا.

اِنجیلِ یوحنا 4:21

عیسی بُتِه: «اِی زَن، باوَر هاکِن موقِه ای رَسِنِه گه آسِمونی پیرِ نا هَین کوهی دِلِه پَرَسِش کِنِنی نا اورشَلیمی دِلِه.

اعمال رَسولان 10:2

کُرنِلیوس یَتِه دیندارِ مَردی وِه و دِشتِه وی خِنِواده خِدایی جا تَرسینِه. کُرنِلیوس دَس و دِل بازی ای هَمرا فَقیرِنه صَدَقِه داوِه و هَمِش خِدایی پِش دِعا کِردِه.

اعمال رَسولان 10:31

و بُتِه: ”کُرنِلیوس، تی دِعا مِستَجاب بَوِه و صَدَقِه هایی گه داوِه ای رِه خِدا شی یاد بیاردِه.

اعمال رَسولان 10:4

کُرنِلیوس تَرسی هَمرا وِرِه هارشیِه و بُتِه: «چی خواینِه بُئی، آقا؟» فِرشته بُتِه: «تی دِعاها و صَدَقِه ها هِتی یَتِه ذِکری هَدیه ای تَرا خِدایی وَر بَرسیِه.

اعمال رَسولان 21:5

وختی اَمِه بَمونِسَنی فِرصَت تُوم بَوِه، سَفری سِه راهی بَوِمی. دِشتِه شاگِردِن شی زَناکِنِن و وَچیلِه ایشونی هَمرا تا شهری دیرگا وَر اَمارِه بَدرَقِه هاکِردِنِه. اوجِه دریالُو زِنی بَزومی و دِعا هاکِردِمی.

اعمال رَسولان 7:60

اَزما زِنی بَزو و بِلَنِ اَوازی هَمرا بُتِه گه «خِداوندا، هَین گِناهِ وِشونی حِساب نیار.» هَینِه بُتِه و جان هادا.

اوّلین نامِه قُرنتیانی سِه 1:2

خِدایی کلیسایی سِه گه قُرِنتُسی شهری دِلِه دَرِه، اونانیگه مسیحِ عیسایی دِلِه تقدیس بَوِنِه و بَخونِس بَوِنِه تا مِقَدَّس زندگی هاکِنَن، دِشتِه اونانی هَمرا گه هر جای دییَر اَمِه خِداوند عیسی مَسیحی اِسمِ خُونِّنِه، گه اَمِه خِداوند و وِشونی خِداوَندِ:

اوّلین نامِه قُرنتیانی سِه 7:7

کاش هَمه می تَرا وِنِه، ولی هر کی شی عطیِه رِه خِدایی جا بَیتِه؛ یَتِه یَجور عطیِه دارنِه و هون یَتّا یَجور دییَر.

دوّمین نامه قرنتیانِ وَسین 2:14

ولی خِدارِه شِکر گه هَمِش مَسیحی دِلِه، وی شی پیروزی ای دِلِه اَمارِه رانِمایی کِنِّه، و شی معرفتی عَطرِ اَمِه طریق هَمه جا پَخش کِنِّه.

فیلیپیان 1:12

اِی بِرارِن، خوایمِه دِنّین اونچی گه می سَر بیمو، در اَصل اِنجیلی تَرَقی ای باعث بَوِه،

اوّل تِسالونیکیان 1:8

چون نا فقط خِداوندی کَلام شِمِه طریق مقدونیه و اَخائیه ای مَنطقِه هایی دِلِه دَپیتِه، بَلگی شِمِه ایمون داشتَن خِدارِه، تِکِ سَر دَکِتِه، جوریگه دِ لازم نیِه اَما یَچی بُئیم.

اول تیموتائوس 5:14

پَس می نَظَر هَینِه گه جَوونترِ بیوه‌ زَناکِنِن شی هاکِنِن، وَچِه بیارن و خِنِه داری هاکِنِن و دِشمَنِ فِرصَت نَدِن گه تِهمت بَزِنِه.

تیتوس 3:8

هَین گَبِ بِشِنِه اطمینان هاکِردَن. و تیجا خوایمِه گه هَین چیایی سَر اصرار داری، تا اونانیگه خِداره ایمون بیاردنِه ای حَواس دَوو گه شِخدِرِه خِبِ کارایی سِه وقف هاکِنِن، هَین چیا مَردِنی سِه خِبِ و فایدِه دارنِه.

نامِه مَسیحینی عبرانی نِژادی سِه 10:22

بیئِین یَتِه راسِ دِل و کامِلِ ایمونی هَمرا خِدارِه نَزیک بَووئیم، و شی دِلیشونِه بَدِ وِجدانی جا پاک هاکِنیم و شی تَنیشونِه پاکِ اُوئی هَمرا بَشوریم.

یعقوبِ نامه 4:8

خِدارِه نَزیک بَووئین و وی هَم شِمارِ نَزیک وونِه. اِی شِما گِناهکارِن، شی دَسِ پاک هاکِنین، و اِی دِ دِلیشون، شی دِلِ پاک هاکِنین.

اول پِطرُس 3:7

همینجور، شِما هَم اِی مرداکِنِن، شی زناکِنِنی هَمرا جوری زندِگی هاکِنین گه وِشونِه بِفَهمین و بِشناسین هینسِه گه شِمِه جا ظریفتر هَسِّنِه، وِشونی احترامِ دارین، چون شِمِه تَرا زندگی ای فیضی وارِثِنِه، تا نَکِنِه شِمِه دِعاها بی جِواب بَمونِّه.