اول تیموتائوس 2:7 - کتاب مقدس به زبان مازندرانی - گویش غربی

⁷ چون مِن هَینِسه تعیین بَوِمِه تا غیریَهودیِنی سِه یَتِه تعلیم دَهندِه و یَتِه رسول و یَتِه مَلِّم ایمون و حَیقتی دِلِه ووئِم - حَیقَتِ دِ گِمِه و دِرو نَزِمِه.

گیله ماز

⁷ چون مَن اینِه خاطِری تعیین هَبام تا غیرِ یَهودیِانِ وَسین ایتا تعلیم دَهندِه و ایتا رسول و ایتا مُعلِم ایمان حقیقتِ دِلهِ هَبوم - حَقیقَتِ دَرَم گونَم و دُرو نَزَنَم.

کتاب مقدس به زبان مازندرانی - گویش شرقی

⁷ چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

اول تیموتائوس 2:7 Iomraidhean Croise

اِنجیلِ یوحنا 7:35

پَس یَهودیِن هَمدِیَرِ گِتِنِه: «هَین مَردی کِجِه خواینِه بورِه گه اَما نَتِّمی وِرِه بَنگیریم؟ خواینِه یَهودیِنی وَر گه یونانی دِلِه پَخش و پَلانِه بورِه و یونانی ایشونِه تَعلیم هادِه؟

اعمال رَسولان 14:27

وختی پولُس و بَرنابا اوجِه بَرِسینِه کلیسایی آدَمِنِ جَم هاکِردِنِه، اَی وِشونی سِه بُتِنِه گه خِدا وِشونی هَمرا چیها هاکِردِه و چِتی ایمونی دَرِ غیرِیَهودیِنی سِه پِه هاکِردِه.

اعمال رَسولان 22:21

«خِداوند مِنِه بُتِه: ”بور؛ چون مِن تِرِه دیرِشِرِ جاهایی سِه، غیرِیهودیِنی وَر رَسامِّه.“‌»

اعمال رَسولان 26:20

بَلگی اَوَل دَمشقیِنی میِن، اَزما اورشلیم و دِشتِه یَهودیِه ای مَنطقِه ای دِلِه، و غیرِیهودیِنی میِن هَم هَین پِیغِمِ اعلام هاکِردِمِه گه وِنِه توبِه هاکِنِن و خِدایی سَمت دَگِردِن و شی عَملی هَمرا نِشون هادِن گه واقِعاََ توبِه هاکِردِنِه.

اعمال رَسولان 9:15

ولی خِداوَند حَنانیارِه بُتِه: «بور، چون هَین مَردی وسیله ایِه گه مِن اِنتخاب هاکِردِمِه تا می اِسمِ غیر یَهودیِن و پادِشاهِن و یَهودی مَردِنِ بَرِسانِّه.

رومی ایشون 1:9

چون خِدایی گه وِرِه دِشتِه شی دِل و جانی هَمرا، وی ریکائی اِنجیلی کاری دِلِه دِ خِدمت کِمِّه میسِه گِواهی دِنِه گه چِتی یَکسرِه شی دِعاهایی دِلِه شِمارِ یاد اُرمِه

رومی ایشون 10:14

پس چِتی کَسی گه وِرِه ایمون نیاردِنِه رِه، بَخونِن؟ و چِتی کَسی گه اَصلاً ویجا نِشنُسِنِه رِه ایمون بیارِن؟ و چِتی بِشنُئَن، اگه کَسی وِشونی سِه موعظه نَکِنِه؟

رومی ایشون 11:13

اِسا، شِما غیرِیهودیِنی هَمرا گَب زَمِّه. از اوجِه گه مِن غیرِیَهودِینی رَسولمِه، شی خِدمَتی سَر خِیلی افتخار کِمّه،

رومی ایشون 15:16

گه غیریَهودینی سِه، مَسیحْ عیسایی نوکر ووئِم و خِدایی اِنجیلی خِدمت هاکِردنی سِه کاهِنی هاکِنِم، تا غیریهودیِن یَتِه قابِلِ قَبولِ هَدیِه خِدایی پِش ووئِن گه روح القُدُسی طَریقی جا تَقدیس بَوِه.

رومی ایشون 9:1

مِن مَسیحی دِلِه راس گِمِه، دِرو نَزِمِّه، و می وِجدان روح القدُسی طریقی جا میسِه گِواهی دِنِه

اوّلین نامِه قُرنتیانی سِه 9:1

مَگِه آزاد نیمِه؟مَگِه رَسول نیمِه؟ مَگِه اَمِه خِداوند عیسی رِه نَئیمِه؟ مَگِه خِداوندی دِلِه شِما می کاری ثَمر نینی؟

دوّمین نامه قرنتیانِ وَسین 11:31

خِداوند عیسایی پیر، خِدا، گه وِرِه تا اَبَد شِکر کِمِّه، دِنِّه گه دِرو نَزِمِّه.

غَلاطیان 1:16

گه شی ریکارِه می دِلِه ظاهر هاکِنِه تا اونِه غیریهودیِنی میِن اعلام هاکِنِم، هون موقِه جسم و خونی هَمرا مَشوِرَت نَکِردِمِه؛

غَلاطیان 1:20

خِدایی حِضور شِمارِ اطمینان دِمِه اونچی گه نِویسِمِه دِرو نیِه.

غَلاطیان 2:16

اَما دِمّی گه هیچکی شَریعَتی اعمالی هَمرا، صالح بِشمارس نَوونِه، بَلگی عیسی مسیحی ایمونی طریق صالح بِشمارس وونِه. پس اَما هَم مَسیحْ عیسی رِه ایمون بیاردِمی تا مسیحی ایمونی هَمرا صالح بِشمارِس بَووئیم، و نا شریعتی اعمالی هَمرا، چون هیچ آدمی شریعَتی اعمالی هَمرا صالح بِشمارِس نَوونِه.

غَلاطیان 2:9

وختی گه یعقوب و کیفا و یوحنا گه به نظر ایمو کلیسایی سِتون وِنِه، هون فیضی گه می نَصیب بَوِه وِه رِه بَئینِه، و مِن و بَرنابایی هَمرا دَسِ رِفاقت هادانِه تا اَما غیریَهودیِنی وَر بوریم و وِشون یَهودیِنی وَر بورِن.

غَلاطیان 3:9

پَس اونانیگه ایمونِ تکیِه دارِنِه، ابراهیمی هَمرا، هون مَردِ ایمون، بَرکَت گیرِنِه.

دوم تیموتائوس 1:11

گه مِن اونیسِه انتخاب بَوِمِه تا هَین اِنجیلی رَسول و مَلِّم بَووم و موعظه هاکِنِم.

پطرسی دِوّمین نامِه 2:5

و اگه قدیمی دِنیارِه رَحم نَکِردِه، بلگی نوحِ گه عدالتی پیغِمِ بیاردِه هفت نفر دییَری هَمرا حِفظ هاکِردِه، اَزما هون طوفانِ بی دینِنی دِنیایی سَر بیاردِه