اول تیموتائوس 1:5 - کتاب مقدس به زبان مازندرانی - گویش غربی

⁵ اَمِه منظور هَین دستوری جا مِحبَتِ، مِحبتی گه پاکِ دِل و خِبِ وجدان و خالِصِ ایمونی جا اِنِه.

گیله ماز

⁵ اَمیِ منظور این دستورِ جی محبَتِ، مُحبتی که پاکِ دِل و خُجیرِ وجدان و خالِصِ ایمان جی هَنه.

کتاب مقدس به زبان مازندرانی - گویش شرقی

⁵ اَمه منظور این دستورِ جِم مِحبَّتِ، مِحبَّتی که پاکِ دِل، خوارِ وجدان و خالِصِ ایمونِ جِم اِنه.

اول تیموتائوس 1:5 Iomraidhean Croise

اِنجیلِ مَتّی 12:35

خارِ مَردی شی دِلی خِبِ اَمباری جا خِبی بار اُرنِه و بَدِ مَردی شی دِلی بَدِ اَمباری جا بَدی بار اُرنِه.

اِنجیلِ مَتّی 5:8

«خِش بِحالِ اونانیگه وِشونی دِل پاکِ، چون وِشون خِدارِه وینِنِه.

اعمال رَسولان 15:9

خِدا وِشونی میِن و اَمِه میِن هیچ فرقی نِشتِه، بَلگی ایمونی خاطری، وِشونی دِلِ پاک هاکِردِه.

اعمال رَسولان 23:1

پولُس شورایی اعضارِه هارشیِه و بُتِه: «بِرارِن، مِن تا اَمرِز پاکِ وِجدانی هَمرا خِدایی حِضور زندگی هاکِردِمِه.»

اعمال رَسولان 24:16

هَینِسه، خِیلی تَقَلّا کِمِّه تا خِدا و مَردِنی وَر پاکِ وِجدانی هَمرا زندگی هاکِنِم.

رومی ایشون 10:4

چون مسیح، آخَرِ شریعتِ، تا هر کی گه وِرِه ایمون بیارِه، صالِح بِشمارِس بَوو.

رومی ایشون 12:9

مِحبت وِنِه بی‌ریا ووئِه. بَدی ای جا دوری هاکِنین و اونچی گه خِبِ رِه، دِ دَسی بَچِسبین.

رومی ایشون 14:15

اگه شی بِرارِ هون غذایی هَمرا گه خارنی اَذیت هاکِنی، دِ مِحبتی هَمرا رفتار نَکِنّی. شی غذایی هَمرا، شی بِرار گه مَسیح وی خاطری بَمِردِه رِه، هَلاک نَکِن.

رومی ایشون 9:1

مِن مَسیحی دِلِه راس گِمِه، دِرو نَزِمِّه، و می وِجدان روح القدُسی طریقی جا میسِه گِواهی دِنِه

اوّلین نامِه قُرنتیانی سِه 13:1

اگه آدمِن و فِرشتِگونی زِوونا گَب بَزِنم، ولی مِحبت نارِم، هِتی یَتِه سِنجی گه خِیلی سَر و صِدا کِنِّه، و یَتِه تو خالی طبلی تَرامِه.

دوّمین نامه قرنتیانِ وَسین 1:12

چونگه اَمِه افتخار، اَمِه وِجدانِ گه گِواهی دِنِه گه هَین دِنیایی دِلِه راسی و صاف و صادقی ای هَمرا گه خِدایی جائه رفتار هاکِردمی، نا آدَمی ای حِکمتی هَمرا، بَلگی خِدایی فیضی هَمرا رفتار هاکِردِمی، علَل خِصوص شِمِه هَمرا.

غَلاطیان 5:22

ولی خِدایی روحی ثَمَرِه، مِحبت، خِشالی، صِلح و سلامتی، صَبر، مِهرَوونی، خِبی، وَفاداری،

غَلاطیان 5:6

چون مَسیحْ عیسایی دِلِه نا خَتنِه بَووئَن مِهِمِه نا خَتنِه نَووئَن، بَلگی مِهم ایمونیِه گه مِحبَتی طریقی جا کار کِنِّه.

اول تیموتائوس 1:18

می وَچِه، تیموتائوس، هَین حِکمِ طبقِ هون نَبِوَّتهایی گه پِشتر تی خَوَری بُتِه بَوِه وِه رِه، تِرِه اِسپارمِه، تا اونِنی طریق هون خِبِ جنگِ اَنجام هادی،

اول تیموتائوس 1:19

ایمون و خِبِ وِجدانِ بَچِسب. چون بَعضیا هَینِنی رَد هاکِردنی هَمرا وِشونی ایمونی کَشتی بِشکِسِه.

اول تیموتائوس 3:9

وِشون وِنِه ایمونی رازِ، یَتِه پاکِ وِجدانی هَمرا دارِن.

دوم تیموتائوس 1:3

هَمونجور گه شُو و روز یَکسَرِه شی دعاهایی دِلِه تِرِه یاد اُرمِه، خِدارِه شِکر کِمِّه، هون خِدایی گه مِنَم شی اَجدادی تَرا پاکِ وجدانی هَمرا وِرِه خِدمت کِمِّه.

دوم تیموتائوس 1:5

مِن تی خالِصِ ایمونِه یاد اُرمِه، ایمونی گه اوَّل تی نَنِه لوئیس و اَزما تی مار یونیکی ای دِلِه دَوِه. و اِسا مِطمئنمِه تی دِلِه هَم دَرِه.

دوم تیموتائوس 2:22

پس جَوونی ای هوا و هوسی جا فِرار هاکِن، و وِشونی هَمرا گه پاکِ دِلی هَمرا خِداوَندِ خُونِنِه، صالحی و ایمون و مِحبت و صِلح و سلامتی ای دمال دَواش.

تیتوس 1:15

پاکِ آدمنی سِه هَمه چی پاکِ، ولی اونانیسِه گه نَجِس و بی ایمونِنِه، هیچی پاک نیِه، بلگی هَم وشونی فکر و هَم وشونی وِجدان نَجِسِ.

نامِه مَسیحینی عبرانی نِژادی سِه 10:22

بیئِین یَتِه راسِ دِل و کامِلِ ایمونی هَمرا خِدارِه نَزیک بَووئیم، و شی دِلیشونِه بَدِ وِجدانی جا پاک هاکِنیم و شی تَنیشونِه پاکِ اُوئی هَمرا بَشوریم.

نامِه مَسیحینی عبرانی نِژادی سِه 13:18

اَمِنِه دِعا هاکِنین، چون مطمئنمی گه اَمِه وِجدان پاکِ و خوایمی هر لحاظی جا سَربِلن بَووئیم.

نامِه مَسیحینی عبرانی نِژادی سِه 9:14

چَنّی ویشتَر، مَسیحی خون گه اَبَدی روحی طریق، شِرِه بی‌عیب خِدایی سِه پیشکَش هاکِردِه اَمِه وِجدانِ بیخِدی کارایی جا پاک کِنِّه تا زینِّه خِدارِه خِدمَت هاکِنیم!

یعقوبِ نامه 4:8

خِدارِه نَزیک بَووئین و وی هَم شِمارِ نَزیک وونِه. اِی شِما گِناهکارِن، شی دَسِ پاک هاکِنین، و اِی دِ دِلیشون، شی دِلِ پاک هاکِنین.

اول پِطرُس 1:22

اِسا گه حَیقَتی اِطاعت هاکِردنی هَمرا شی جانِ پاک هاکِردنی تا بی ریا بِرارونِه مِحبت دارین، همدیرِ خالِص و پاکِ دِلی هَمرا دوس دارین.

اول پِطرُس 3:16

شی وِجدانِ پاک دارین تا اونانیگه شِمارِ تِهمت زَنِنِه، اونانیگه شِمِه خِبِ رفتارِ مسیحی دِلِه بَد گِنِنِه شرمنده بَوون.

اول پِطرُس 3:21

و هین اُو غسلِ تعمیدی نِمونِئه گه اَلَن شِمارِ نِجات دِنِه. یَتِه تعمید گه تَنی کثیفی ای سِه نیِه، بَلگی یَتِه پاکِ وجدانی آرزوئه گه خواینِه خِدارِه بَوینِه. هَین تعمید عیسی مَسیحی زینِّه بَووئَنی طریقی جا شِمارِ نِجات دِنِه،

اول پِطرُس 4:8

هَمه ای جا مِهِم تَر، هَمدیَرِ جان و دِلی هَمرا دوس دارین، چون دوس داشتن، خِیلی گِناهِنِ پوشانِّه.

پطرسی دِوّمین نامِه 1:7

و دینداری ای هَمرا، بِرارونِه دوس داشتن و بِرارونِه دوس داشتَنی هَمرا، مِحبت.

اوّل یوحنا 3:10

خِدایی وَچیلِه و اِبلیسی وَچیلِه هَینجور معلوم وونِنِه: هر کَس اونچی گه دِرِسِ رِه اَنجام نَدِنِه، خِدایی جا نیِه، و هَمینجور کسی گه شی بِرارِ دوس نارنِه، خدایی جا نیِه.

اوّل یوحنا 3:23

و وی حِکم هَینِه گه وی ریکا عیسای مَسیحی اِسمِ ایمون بیاریم و هَمدیَرِ مِحبت هاکِنیم، هَمونجور گه اَمارِه دَستور هادا.

اوّل یوحنا 3:3

هر کی وِرِه هَینجور اِمیدی دارنِه، شِرِه پاک کِنِّه، هَمونجور گه وی پاکِ.