اول تیموتائوس 1:4 - کتاب مقدس به زبان مازندرانی - گویش غربی

⁴ و شِرِه آسنی و شجره‌نامه‌هایی گه تُوم نَوونِه ای سِه وقف نَکِنِن، هَین چیا، عوضِ هَینگه خِدایی کارِ گه ایمونی راهی دِلِه دَرِه پِش بَوِرِه، جَر و بحثی باعث وونِنِه گه هیچ ثمری نارنِه.

گیله ماز

⁴ وَ خودِشان رِه اَفسانه و شجره‌ نامه‌هایی که تَمام نَبونه یه هَمرَه مشغول نَکونَن، این چیزان، عوضِ اینکه خُدایِ کارِ که ایمان راه دِلِه دَرِه پِیش بَبِره، جَر و بحثِ باعث بونَن.

کتاب مقدس به زبان مازندرانی - گویش شرقی

⁴ و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

اول تیموتائوس 1:4 Iomraidhean Croise

دوّمین نامه قرنتیانِ وَسین 1:12

چونگه اَمِه افتخار، اَمِه وِجدانِ گه گِواهی دِنِه گه هَین دِنیایی دِلِه راسی و صاف و صادقی ای هَمرا گه خِدایی جائه رفتار هاکِردمی، نا آدَمی ای حِکمتی هَمرا، بَلگی خِدایی فیضی هَمرا رفتار هاکِردِمی، علَل خِصوص شِمِه هَمرا.

اِفِسُسیان 3:2

بی شک شِما هَین جریانی خَوَری بِشنُسنی گه خِدایی فیضی نظارت شِمِه خدمتی سِه مِنِه هادا بَوِه،

اول تیموتائوس 3:16

راساسی گه دینداری ای راز خِیلی گَتِه: ویگه جسمی دِلِه ظاهر بَوِه، خِدایی روحی طریقی جا تأیید بَوِه، فرشتگون وِرِه بَئینِه، قومیشونی میِن اعلام بَوِه، دِنیایی دِلِه وِرِه ایمون بیاردِنِه، جلالی هَمرا، لُو، بَوِرد بَوِه.

اول تیموتائوس 4:7

آسنی ای هَمرا گه کِفرآمیز و پوچِ شِرِه دور دار، بَلگی شِرِه دینداری ای سِه تربیت هاکِن.

اول تیموتائوس 6:11

ولی تو گه مَردِ خِدایی، هَین چیایی جا فِرار هاکِن، و صالحی، دینداری، ایمون، مِحبت، پایداری و مِلایمتی دِمال دَواش.

اول تیموتائوس 6:20

اِی تیموتائوس، هون امانتی گه تِرِه بِسپارِس بَوِه رِه حِفظ هاکِن. مِفتِ گَبایی جا و مخالفِ فِکرایی جا گه اشتباهاً، معرفت بَخونِس وونِه، دوری هاکِن؛

دوم تیموتائوس 2:14

هَین چیارِه وِشونی یاد بیار و خِدایی پِش وِشونِه سِفارِش هاکِن گه کلماتی سَر دعوا مِرافِه نَکِنن، گه فایدِه نارنِه، بلگی فقط باعث وونِه اونانیگه اِشنُنِنِه از راه به بدر بَوون.

دوم تیموتائوس 2:22

پس جَوونی ای هوا و هوسی جا فِرار هاکِن، و وِشونی هَمرا گه پاکِ دِلی هَمرا خِداوَندِ خُونِنِه، صالحی و ایمون و مِحبت و صِلح و سلامتی ای دمال دَواش.

دوم تیموتائوس 2:23

هون بحثایی گه نادونی و نِفهمی ای جا هَسِّه دوری هاکِن، چون دِنّی گه دعوا مرافِه ای باعِث وونِه.

دوم تیموتائوس 4:4

و وِشون شی دیمِ حَیقَتی گوش هادائنی جا دَگِردانینِه و آسنی هایی سمت گِمراه وونِنِه.

تیتوس 1:1

پولُسی طرفی جا، خِدایی نوکر و عیسی مَسیحی رَسول، گه تعیین بَوِمِه تا خِدایی اِنتخاب بَوِه ایشونی ایمونِ تقویت هاکِنِم و هون حَیقَتی گه طبقِ دینداری هَسِّه رِه بُئم.

تیتوس 1:14

و یهودی آسنی ایشون و اونانی احکام، گه حَیقَتی جا دورِ رِه گوش نَدِن.

تیتوس 3:9

ولی جنگ و جِدالی گه نادونی ای جائه، شجره‌نامه‌ها و اختلافات و دعوا مِرافه هایی گه شریعتی خَوَریِه دوری هاکِن، چون هَینِن بی‌فایده و بی اِرزِشِنِه.

نامِه مَسیحینی عبرانی نِژادی سِه 13:9

جورواجور و عجیب غریبِ تعلیم هایی هَمرا گِمراه نَووئین؛ چون هَین خِبِ گه آدَمی ای دِل فیضی هَمرا قِوّت بَیرِه، نا هون خِراکهایی هَمرا گه وِشونی گه اونانی دِمال شونِنِه، وِشونی سِه منفعتی نارنِه.

پطرسی دِوّمین نامِه 1:16

چون هون موقِه گه اَمِه خِداوند عیسی مسیحی قِوّت و وی بیموئنِ شِمارِ اِعلام هاکِردِمی، آسنیایی دِمال گه زرنگی ای هَمرا بَسات بَوِنِه نَشیمی، بَلگی شی چشی هَمرا وی جلالِ بَئیمی.