اول تیموتائوس 1:3 - کتاب مقدس به زبان مازندرانی - گویش غربی

³ هَمونجور گه وختی مقدونیه ای مَنطقِه دِ شیوِمِه، تیجا خواهِش هاکِردِمِه، یَکَش دییَر اَی تیجا خوایمِه گه اَفِسُسی شهری دِلِه بَمونی تا بعضیارِه دَستور هادی گه هیچ جورواجورِ تعلیمی نَدِن.

گیله ماز

³ هَمونجورکه وختی مقدونیه یه منطقه دَبام بوشوم، تی جی خواهِش هَکُردَم، یِدَفِه دیگه باز تی جی خَنَم که اَفِسُسِ شهرِ دِلهِ بُمانی تا بعضیان رِه دَستور هَدی که هیچ جورواجورِ تعلیمی نَدِن.

کتاب مقدس به زبان مازندرانی - گویش شرقی

³ هَمون طی که وَختی مقدونیهِ مَنطقه دَیی شیمه، تِ جِم خواهش هاکاردِمه، اَت کش دییه اَی تِ جِم خوامبه که اَفِسُسِ شَهرِ دِله بَمونی تا بَعضیا ره دَستور هادی که هیچ جورواجورِ تعلیمی نَدِن

اول تیموتائوس 1:3 Iomraidhean Croise

اعمال رَسولان 18:19

وختی اَفِسُسی شهری سِه بَرِسینِه، پولُس شی هَمسَفَرِنی جا سیوا بَوِه و شِه عبادتگاهی سِه بوردِه و یَهودیِنی هَمرا بَحث هاکِردِه.

اعمال رَسولان 18:21

و وِشونی هَمرا خِدافظی هاکِردِه، بُتِه: «اگه خِدا بَخواد اَی هَم شِمِه وَر اِمِه.» اَزما یَتِه کَشتی سِوار بَوِه و اَفِسُسی جا بوردِه.

رومی ایشون 15:26

چون مقدونیه و اَخائیه ای کلیساها خواینِنِه اورشلیمی مِقدَّسینی فقیرِنی سِه کِمکِ مالی جَم هاکِنِن.

رومی ایشون 16:17

اِی بِرارِن، خوایمِه شِمِه جا خواهِش هاکِنِم اونانیگه سیوایی ای باعِثِنِه ای مواظِب ووئین، شِمِه راهی سَر مانع اِلنِنِه و هون تَعلیمی هَمرا گه شِما بَیتِنی، مخالِفت کِنِنِه؛ وِشونی جا دوری هاکِنین،

دوّمین نامه قرنتیانِ وَسین 11:4

چون اگه ینفر شِمِه وَر بیِه و شِمارِ یَتِه عیسی بِجِز اونگه اَما شِمارِ اعلام هاکِردِمی رِه، اعلام هاکِنِه، یا اگه شِما یَتِه روح بِجز روح القدس گه بَیتِنی رِه بَیرین یا اگه اِنجیلی پیغِم بجز هون اِنجیلِ پیغِم گه قَبول هاکِردنی رِه، قَبول هاکِنین، شِما راحت اونِه تَحمِل کِنِنی.

اِفِسُسیان 4:14

اَزما دِ هِتی کِچیک وَچیلِه ای تَرا نَوومی گه موجیشونی هَمرا هر طرف هِپرتانی بَووئیم و جورواجورِ تَعالیم و آدَمِنی دوز و کَلکی وا هون نَخشِه هایی دِلِه گه گِمراهی ای سِه کَشِنِنِه، اَمارِه هَین طرف و هون طرف بَوِرِه.

فیلیپیان 2:24

و خِداوندی دِلِه مِطمَئنمِه گه مِنَم خِیلی زود اِمِه.

اول تیموتائوس 4:11

هَین چیارِه حِکم هاکِن و تعلیم هادِه.

اول تیموتائوس 4:6

اگه هَین چیارِه بِرارِنِ یاد هادی، مَسیحْ عیسایی نوکَر وونی، گه ایمونی کلامی دِلِه و خِبِ تعلیم گه اونی دِمال دَری تربیت وونی.

اول تیموتائوس 5:7

هَین چیارِه هَم حِکم هاکِن، تا وِشونی زندگی ای دِلِه هیچی دَنیوو گه اونیسِه سرکوفت بَخارِن

اول تیموتائوس 6:10

چون پولدوسی هر جور بدی ای ریشه‌ هَسِّه، و هَمین پولی حِرصِ گه بعضیا ایمونی جا دور بَوِنِه، و شِخدِرِه خِیلی دَردایی گِرفتار هاکردِنِه.

اول تیموتائوس 6:17

هَین دِنیایی پولدارِنِ بُو گه مغرور نَووئَن، و شی اِمیدِ هَین دِنیایی مالی سَر نِلِن گه نَمونِّه. بَلگی وِشونی اِمید خِدایی رِه ووئه گه هَمه چیره فَت و فِراوون اَمسِه فِراهَم کِنِّه تا اونانی جا کیف هاکِنیم.

اول تیموتائوس 6:3

اگه ینفر یَجور دییَر تعلیم هادِه و اَمِه خِداوند عیسی مَسیحی دِرِسِ کلام و هون تعلیمی هَمرا گه دینداری ای راهی دِلِئه جور نَووئه،

دوم تیموتائوس 1:18

خِداوَند وِرِه عطا هاکِنِه گه اون روزی دِلِه، خِداوندی جا رحمت بَیرِه. و تو دِشتِه اون خدمتهایی گه اَفِسُسی شهری دِلِه هاکِردِه رِه، خِب دِنّی.

دوم یوحنا 1:7

چون دِنیایی دِلِه خِیلی حِقِّه بازِ آدَمِن دَرِنِه، گه وِشون اعتراف نَکِنِنِه عیسی مسیح آدَمی جِسمی دِلِه بیمو. هَینجور آدَم، هَمون حِقِّه باز و ضِدِّ مَسیحِ.

یوحنایِ مکاشفه 2:14

«ولی مِن، یَه کَم شکایَت تیجا دارمِه: اوجِه بعضیارِه دارنی گه بَلعامی تعلیمِ بَچِسبِسِنِه؛ هَمونی گه بالاقِ یاد هادا گه اسرائیلی قومی پِش سنگی ووئه گه دیم بَخاردنی باعث وونِه، تا هون غذایی گه بِتیشونی پیشکَش وونِه رِه بَخارِن و بی‌عفتی هاکِنِن.

یوحنایِ مکاشفه 2:20

ولی هَین شکایَتِ تیجا دارمِه، هون زَنا گه وی اِسم ایزابلِ و شِرِه نَبیِه دِنِّه رِه، آسون گیرنی. ویگه می نوکَرِنِ تَعلیم دِنِه و از راه به دَر کِنِّه تا بی عفتی هاکِنِن و هون غذاهایی جا گه بِتیشونی پیشکَش بَوِه بَخارِن.