اول تیموتائوس 1:1 - کتاب مقدس به زبان مازندرانی - گویش غربی

¹ پولُسی طرفی جا گه اَمِه نِجات دَهَنده خِدایی حِکمی هَمرا، و اَمِه اِمید مَسیحْ عیسی، مَسیحْ عیسایی رَسولِ؛

گیله ماز

¹ پولُس طرفِ جی که اَمیِ نِجات دَهَنده خُدایِ حُکمِ هَمرَه، و اَمیِ اُمید مسیحْ عیسی، مسیحْ عیسی یِه رَسولِ؛

کتاب مقدس به زبان مازندرانی - گویش شرقی

¹ پولُسِ طَرِف جِم که اَمه نِجات‌دهنده خِدائه حِکمِ هِمراه و اَمه امید مَسیحْ عیسی، مَسیحْ عیسیِ رَسولِ؛

اول تیموتائوس 1:1 Iomraidhean Croise

لوقا 1:47

می روح می نِجات دَهَندِه خِدایی دِلِه، خِشالی کِنِّه،

لوقا 2:11

اَمرِز داوودی زادگاهی دِلِه، یَتِه نِجات دَهَندِه شِمِنِه دِنیا بیمو. وی خِداوَند، مَسیحِ موعودِ.

اعمال رَسولان 9:15

ولی خِداوَند حَنانیارِه بُتِه: «بور، چون هَین مَردی وسیله ایِه گه مِن اِنتخاب هاکِردِمِه تا می اِسمِ غیر یَهودیِن و پادِشاهِن و یَهودی مَردِنِ بَرِسانِّه.

رومی ایشون 1:1

پولُسی طرفی جا، مَسیحْ عیسایی نوکَر، گه رِسالتی سِه بَخونِس بَوِه و خِدایی اِنجیلی سِه وَقف بَوِه؛

اوّلین نامِه قُرنتیانی سِه 1:1

پولُسی طرفی جا گه خِدایی خواستی هَمرا بَخونِس بَوِه تا مَسیحِ عیسایی رَسول ووئِه، و اَمِه بِرار سوسْتِنِسی جا،

اوّلین نامِه قُرنتیانی سِه 9:17

چون اگه هَین کارِ شی میلی هَمرا اَنجام داوِمِه، پاداش گیتِمِه، ولی اگه می میلی هَمرا نَووئِه، فقط شی وظیفِه رِه اَنجام دِمِه.

دوّمین نامه قرنتیانِ وَسین 1:1

پولُسی طرفی جا گه خِدایی خواستی هَمرا مسیحِ عیسایی رسولِ، و اَمِه بِرار تیموتائوس، خِدایی کِلیسایی سِه قُرِنتُسی شهری دِلِه، و اَخائیه ای مَنطقِه ای سرتاسری دِشتِه مِقَدَّسینی سِه:

غَلاطیان 1:1

پولُسی طرفی جا، رَسولی گه وی رِسالَت نا آدَمِنی جا و نا آدمی طریق، بَلگی عیسی مَسیح و خِدای پیری جائه گه وِرِه مِردِگونی جا زینِّه هاکِردِه.

غَلاطیان 1:11

اِی بِرارِن، خوایمِه دِنّین هَین اِنجیلی گه مِن اونِه اعلام هاکِردِمِه، آدَمی ای اِنجیل نیِه،

کولُسیان 1:27

خِدا هَینجور بَخوایسِه گه وِشونِه بِشناسانِه گه هَین راز، غیریهودیِنی مین چی گَتِه جلالیِه. هَین راز هَینِگه، مَسیح شِمِه میِن، جَلالی اِمیدِ.

دوّم تِسالونیکیان 2:16

اِسا، شِه اَمِه خِداوند عیسی مَسیح، و اَمِه پیر، خِدا گه اَمارِه دوس داشتِه و فیضی طریق، اَمارِه اَبَدی تسلّی و خِبِ اِمید هادا،

اول تیموتائوس 1:12

اَمِه خِداوند مَسیحْ عیسی رِه شِکر کِمِّه گه مِنِه قِوَّت هادا چون مِنِه وفادار دِنِسِه و مِنِه شی خِدمَتی سِه تعیین هاکِردِه.

اول تیموتائوس 2:3

هَین اَمِه نِجات دَهنده خِدایی نَظر خِب و وی بابِ دِلِ

اول تیموتائوس 2:7

چون مِن هَینِسه تعیین بَوِمِه تا غیریَهودیِنی سِه یَتِه تعلیم دَهندِه و یَتِه رسول و یَتِه مَلِّم ایمون و حَیقتی دِلِه ووئِم - حَیقَتِ دِ گِمِه و دِرو نَزِمِه.

اول تیموتائوس 4:10

چون اَما هَینسِه زَحمت کَشِمی و تقلّا کِمی، چون اَما شی اِمیدِ زینِّه خِدایی سَر بِشتِمی گه دِشتِه آدَمِنی نِجات دَهَندِه ئِه، بِخصوص اونانیگه ایمون دارِنِه.

تیتوس 1:3

و خِبِ موقِه هون وعده آشکار بَوِه، هون کلامی دِلِه گه اونی اعلام اَمِه نجات دهنده خِدایی حِکمی هَمرا مِنِه بِسپارِس بَوِه.

تیتوس 2:10

دِزِّی نَکِنِن، بَلگی شی خِبِ ایمونِ کاملاً هَم هادِن تا هر چی ای دِلِه اَمِه نِجات دهنده خِدایی تعلیمی قشنگی رِه، خِبی ای هَمرا هَم هادِن.

تیتوس 2:13

و شی هون مِوارَکِ اِمیدی چِش بِرا ووئیم، یَعنی اَمِه عظیمِ خِدا و اَمِه نِجات دَهَنِده عیسی مَسیحی جلالی آشکار بَووئن،

تیتوس 3:4

ولی هون موقِه گه اَمِه نِجات دَهنده، خِدایی مِهرَوونی و مِحبت مَردنی سِه آشکار بَوِه،

تیتوس 3:6

گه خِدا هون مِقدّسِ روحِ اَمِه نجات دهنده عیسی مسیحی طریقی جا، فَت و فِراوون اَمِه سَر بَشِنیِه،

اول پِطرُس 1:21

شِما گه وی طریق خِدارِه ایمون بیاردنی، هون خِدایی گه وِرِه مِردِگونی جا زینِّه هاکِردِه و جلال هادا، تا شِمِه ایمون و اِمید خِدارِه ووئه.

اول پِطرُس 1:3

مِوارک ووئه خِدا و اَمِه خِداوند عیسی مَسیحی پیر گه شی گَتِه رَحمَتی هَمرا، عیسی مسیحی زینِّه بَووئَنی طریق مِردِگونی جا، اَمارِه زینِّه اِمیدی سِه یَتِه تازه تولِّد هادا،

پطرسی دِوّمین نامِه 1:1

شَمعونِ پِطرُسی طرفی جا، عیسی مَسیحی نوکر و رَسول، اونانیگه خِدایی عدالتی طریق و اَمِه نِجات دَهَنده عیسی مَسیح، ایمونی هِتی اَمِه ایمونی تَرا وِشونی نصیب بَوِه:

اوّل یوحنا 4:14

و اَما بَئیمی و گِواهی دِمی گه پیر، شی ریکارِه بَرِسانیِه تا دِنیایی نِجات دَهندِه ووئِه.

یهودائه نامه 1:25

هون تنها خِدا و اَمِه نجات دَهَنده، اَمِه خِداوند عیسی مَسیحی طریقی جا، جلال و شِکوه و سلطنت و اقتدار ووئه! ویگه از ازل دَوِه، اَلَن دَرِه، و تا اَبَد مونِّه. آمین.