Markga 9:7 - Winnebego Bible Portions 1907

⁷ Egi eja maxiwi nigenagra hoirahasi wagigina, egi maxiwinanka eja hit’et’e howajina, wena: De‐e Hinigha wagixetera herena, harnaxguwine.

Markga 9:7 Iomraidhean Croise

Matthaiga 27:43

Maura hinashina, shegunegi girushjane‐higigiwire, gijire rogunankhi. Wena: Maura Hinigra newinena.

Matthaiga 27:54

Egi jaja manape hungjega egi wakishu‐unjegi Jesus hirakara, mara hixgangi hajairena egi washa jagushana uinegi, naxirera rokana hirena, wairena: Hisgexji de‐e Maura Hinigra heregaja.

Matthaiga 3:17

Egi horuxujre, wangregi hora howajina, wena: De‐e hinigha wagixetera herena, E hakaraipixjina.

Markga 1:11

Egi wangregi hora howajina wena: Neninena Hinignira wornigixetera E haiphixji‐shununa.

Markga 9:6

Jagu arnagre hinke hiperesni wena, naxirera rokana hirege.

Markga 9:8

Egi higuana, jaja woruxuj‐hiregi inke hisha hajairanina Jesus eshana wakishu‐unjena.

Lukga 3:22

Egi Naxirag Wakanjangra harnukanag huna ro‐jun rujge sganisge hihageja hajijena, egi wangregi hit’et’e howajina e wena: Hinignira wornigixetera neninena, ninkaraiphixjishununa.

Johnga 1:34

Egi hajharna, egi hornigitagwina She‐e Maura Hinigra herena.

Johnga 1:49

Nathanael horniharna egi wagena: Rabbi, Maura Hinigra neninegaja, Israel hung harninera neninegaja.

Johnga 12:28

Jaji rash hashinira gloriare. Egi wangeja hora howajina, ena: Gloriahaginina egi shige gloriahakjanena.

Johnga 19:7

Judra hornigihairena: Woehisha harniwira egi woehi harniwira eja hot’e kikuruxurugshana, Maura Hinigra e‐here kik’unjege esge.

Johnga 20:31

De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.

Johnga 5:18

Esge Judra hiraijera d’ehinainena, inke eshana Sabathra higishananinge egi shige Maura hianj hishe era, Maura hikisge khina.

Johnga 5:37

Egi Hianjihiwira E huingigina, exji hunakshana. Inkaga hora nanaxguwinina egi inkaga jasgarnakhi hashjawinina.

Johnga 6:69

Egi harnanixguwina egi wogisog hiaperes‐hajena, Ne Kristus Mau niambra Hinigra Neninera.

Johnga 9:35

Jesus naxguna, jangra hot’unairegi, egi jaja hiegi, wagena: Harnanaxgushe Maura Hinigra?

Hoixgara 1:9

Egi jaja washa de‐e arnakhi, horuxuj‐nank’u, wangregi howakerena, egi maxiwi rus‐hirena inke hinupahara hajairanina.

Hoixgara 7:37

Moses de‐e erena, e Israel ninkjangra wawagena: Prophet hisha Jehowa Mau hashinira warakhinubeja nashi ningikerekjanihawina hiakisgeisha e harnaxguwiaje.

Hoixgara 8:36

Egi hakarahairau ni‐sha hiragirena, egi eunux wena: Horuxujre nira, jaguisha joweregi hingirujegaja, inke nishawaxunishe?