Markga 8:11 - Winnebego Bible Portions 1907

¹¹ Egi Pharisera hajirena, egi wigiwax‐hajiarairena, washa woijanti wangregi howajihi rogigu‐hirena, gishja.

Markga 8:11 Iomraidhean Croise

Matthaiga 12:38

Egi Wowagax‐hiperesra egi Pharisera hota hornihairena, wairena: Hirukanara washa woijantira hisha harnigijhawigi haiphiwinana.

Matthaiga 19:3

Egi Pharisera hishge hirajirena hiunjaire egi wagairena: Woehieja uwashiagshe washara hisha hawau wangra hisha hijawina karat’uranashe?

Matthaiga 21:23

Egi jaja wohokhu‐hojhixeteja hokewegi egi washa wagigus‐jau nabhoruxaj hirukana hungra egi wankshigra xete warninera hirajirena, egi wairena: Homashja jaguisha hiu washa de‐e sh’ushe egi homashja de‐e peshe hornik’ushe?

Matthaiga 22:15

Egi Pharisera harairanaga egi haehirena jasge hounahiranaga hoit’e earnira hirarukos‐hiranangi.

Matthaiga 22:18

Eshi Jesus wawigiperes‐shana howowongra egi wena: Jagu‐u hish’ushjawishe, hipokrit raniwina?

Matthaiga 22:23

Hambeja Sadusera hirahirena, e inke hakiha wankshig‐hoi junishe airena, egi higiwaxhirena.

Markga 12:15

Jasge wak’unkjawishe nigeshge inke wak’unikjawishe? Eshi Jesus hipokrit warninera wawiperessana, wawagena: Jagu‐u hinaishjawishe? Denaria hisha harniguwiwire, hajakjena.

Markga 2:16

Egi jaja wowagax‐hiperesra egi Pharisera hajairegi, publikanra egi washa woishana ura waruj wakishu unankhi, wironag warnira wawagairena: Jasgegaja waruj egi rajga publikanra egi washa woishana ura wakishu unakshe?

Markga 9:16

Egi wowagax‐hiperesnanka wawigiwaxshana, jaguisha hawau warakitagwishe?

Lukga 10:25

Egi horuxujre, waehisha nashina egi hiunjarna, wena: Hirukanara jagu haungi manegus wankshighoina duxuruigkjaneshe?

Lukga 11:16

Egi hijanera hiunjarnakshana wangregi washa woijanti howajihi rogigunankshana.

Johnga 4:48

Egi Jesus wageshguni: Inke washa wijanti egi wowakanjangra hashjawinigi inke harnanaxguwininana.

Johnga 6:30

Egi esge wagairena: Woijanti jaguisha sh’unkjaneshe, harnijawigishi egi harnanixguwinana, woshga jagu sh’unajeshe?

Johnga 7:48

Jasge washinukanara egi Pharisera hisha harnaxgushe?

Johnga 8:6

De‐e wairena hokit’une nangi‐ine, E washa hiraraj hirekjege. Egi Jesus wakhuna egi nabra hik’uanaga mainja wagaxshana inke warnaxgu kik’uni.

Hoixgara 5:9

Egi Peter wagena: Jasgegaja warnaira hakishjeg rawianaga Hirukanara Naxirag harnira raishjawishe? Horuxujre, si‐hireja e hikanaraga xairera jhirob‐regi nagre, egi harni‐hinihinab‐hirekjanena.