Markga 2:5 - Winnebego Bible Portions 1907

⁵ Jaja Jesus harnaxgu warninera wagijagi, howasha ro‐t’eganka wagena: Hinighaxji washa woishana washinira wanigit’unairena.

Markga 2:5 Iomraidhean Croise

Hogusra 22:12

Egi wena: Inke nab hashinira hojinjinigra hat’umbnine, egi inke shige washanisha giunine. Shegunegi hiaperesgaja Maura nanakewera, hajhagaja hinigraga inke hara‐kurukosnina, hinigraga eshana herera.

Matthaiga 9:2

Egi horuxujre, wang howashaisha ro‐t’egisha hagarni hahirena, homigeja mingank. Egi Jesus harnaxgu warninera wagijarna, howasha ro‐t’egra wagena: Hinighaxji wogishaware, washa woishana washinira wanigit’unairena.

Matthaiga 9:22

Egi Jesus hijopahi‐nashina, egi jaja hinugjega hajagi, wena: Hinughaxji ninukhegshana, harnaxgu hashinira rushjanina. Egi hinugjega rushjahirena howagixeja hipa.

Matthaiga 9:5

Hajinjajega era wowategenigshe, washa woishana washinira wanigitunairena, nigeshge nashianaga egi manine era?

Markga 2:6

Eshi wowagax‐hiperesra hota hijaminag‐anankshana, egi najge warnineja wewinankshana:

Markga 5:34

Egi wagena: Hinughaxji, harnaxgu hashinira rushjanina, wanaishguni karare egi howasha hashinira rushjane.

Lukga 5:20

Egi jaja Jesus harnaxguinera wajagi wagena: Wankshigra, washa woishana washinira warnigit’untena.

Lukga 8:48

Egi hinugjega wagena: Hinughaxji ninukhegshana, harnaxgu hashinira rushjanina, rashguni karare.

Johnga 2:25

Egi inke hisha hogiragninana wankshigra jasgarnagra, wankshigra jasgarnagra wiperesjege esge.

Johnga 5:14

Hagregi Jesus hiena, wohokhu‐hojhixeteja egi wagena: Horuxujre ninushjana, inkinupahana washa woishana unianje, nigete washa shishig hiraijera horawege.

Hoixgara 11:23

E jaja hijahigi egi Maura najwoja harnira hajarna, giphina egi jasgehirekjera harnaj wawogiragshana, najge mashja hiuinarnaga Hirukanara harusherej‐hirekjege.

Hoixgara 14:9

E Paulus hit’et’era naxguna egi Paulus horuxujinjena egi hiperessana wangnaka harnaxgura rushja‐hirekjanera.

Hoixgara 5:31

E Maura hankshikerena nab‐hoishoro harnira hik’uanaga huinkjege egi wankshig‐hoi ruxurug. Egi Israel washa woishanara najgerakarateg wogakjege egi washa woishanara wagit’unekjege.