Markga 15:21 - Winnebego Bible Portions 1907

²¹ Egi hisha Simon higairegi Kirena eja hereisha ehowegi, hojainainja howajina, e Aleksander egi Rufus hianjhirera herena, e hiniharni‐narnaga naramihera gik’ingigirena.

Markga 15:21 Iomraidhean Croise

Matthaiga 27:32

Egi harahairau wang Kirene‐eja hereisha hakijairena Simon higairera, e hiniharninarnaga naramihera gik’ingigirena.

Matthaiga 5:41

Egi higu peshe hini‐harnini‐anaga wigus hisha harnikishu re‐naingi, wigus nup hakishu raje.

Markga 15:20

Egi jaja igixja rushjainegi, waini shujra girushorojhirena egi waini ewarnira wogiwaxug‐hirena, egi harniarairena naramiheja haisaraj‐hirekjege.

Lukga 14:27

Egi higu peshe inke nanamihera kuruk’inianaga egi hiroinaginigi inke hironag nearninikjanena.

Lukga 23:26

Egi jaja nigeowarniarairegi, hisha harukos‐hirena Simon higairera Kirene eja hereisha, hirarujeja howajina, egi e naramihera k’ingigirena, e Jesus gik’inhironaikjege.

Johnga 19:17

Egi naramihera hakawa‐a, egi wankshig‐nassuhushereg‐hominagra higairegi eowarena, Hebraia hit’era Golgotha higairena.

Hoixgara 11:20

Egi hota Kiprus eja here hirena egi Kirene eja, e jaja Antiox‐eja hajiregi, hishge Hellenitra wawokit’airena, Hirukanara Jesus wawi‐hokhuinena.

Hoixgara 13:1

Egi Antiox‐eja prophet egi wawagaxhajawagigi wohokhu‐hojhieja nangra Barnabas egi Simon Niger higairena egi Lukius Kirene‐eja hereisha, egi Manaen e Herodes tetrarxra hakishu xetena egi Saulus.

Hoixgara 2:10

Phrigia egi Pamphilia, Egipteja egi Libiaeja nige Kirene hiwusunsh, egi Rome hijahi herera, Judra egi Proselitra.

Hoixgara 6:9

Egi eja wawagaxhajojhinankhi nashinena Libertinera wawagaxhajojhira wigairera egi Sirenianra egi Aleksandrianra egi Kilikianra egi Asia‐eja howajira, she‐e Stephanga kitak‐hirena.