Markga 13:27 - Winnebego Bible Portions 1907

²⁷ Egi shejanagi waxopiniwarajire warnira hu‐wagigikjanena, egi sto‐wahirekjanena gijaine warnira, hohuhira hijopihike howe‐warniha‐kirirekjanena, ma‐hoshejainja egi wangregi hoshejainja howe‐warniha‐kirirekjanena.

Markga 13:27 Iomraidhean Croise

Hogusra 49:10

Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.

Matthaiga 12:42

Hiungiwi wiorojanjeregi herera hamb woehieja wankshighoi de‐e hakishu nashinekjanena egi washoshishig howewahikjanena, e ma‐harixji howajianaga Salomon washoiperes harnira naxgujige, egi horuxujre eegi hiraijera xeteisha jena, Salomon worujis.

Matthaiga 13:41

Wankshig‐hinigra waxopiniwarajire warnira huwagigikjanena, egi hung‐ma harnieja horus sto‐wahirekjanena washara jarnaga najgeteg wahinankhi egi jarnaga washa wowonk‐uankhi.

Matthaiga 13:49

Shesgekjanena ma‐hoshejara heregi, waxopiniwarajirera hajiranaga egi wowongra injab‐wahirekjanena phieja horognankhi.

Matthaiga 24:22

Egi hambananka inke shib‐wahiranigi inke wankshigra hisha niambnikjanena. Eshi gijainera hawau hambananka shib‐wagigirekjanena.

Matthaiga 24:24

Egi Kristi woishjankera nashinekjanena egi prophet woishjankera nashinekjanena egi washa woijanti egi wowakanjak rokana jantihirekjanena, ruxurugphingishi gijainera waishjanke hiranana.

Matthaiga 24:31

Egi waxopiniwarajire warnira hu‐wagigikjanena, dutuera mashja wowexu hajirekjanena, egi sto‐wahirekjanena gijaine warnira hohuhira hijopihike howe‐warnihakirirekjanena, maxi hosheja akhi warni‐hakirirekjanena.

Markga 13:20

Egi hambananka inke shib‐wahiranigi inke wankshigra hisha niamb‐nikjanena, eshi gijainera hawau hambananka shib‐wagigina.

Markga 13:22

Krist woishjankera egi prophet woishjankera nashinekjanena, egi woijanti egi washa wowakanjank jantihirekjanena harnaj manuni wahirekjanena, gijainera reshge hirassa ruxurug hiregi.

Markga 13:28

Washa hisgera Fig‐nara hipereswire, jaja akarajgera naroni hoshuiregi egi abra haxeb‐hiranana, hirapereswinana dogra hiwusunsh hotara.

Lukga 16:22

Egi herena jhiokinikanaka d’ena, egi waxopiniwarajire harni harairanaga Abraham ruangigirena. Hitajenaka hishge d’ena egi xairena.

Lukga 18:7

Egi jasgeshe Maura inke hiraijeraxji wagijiraninashe e waijanaga warnira, e hambga egi hahega giwarnagre, egi s’i wawigirus sirij‐janeshe?

Johnga 10:16

Egi jhasga hijane harnira, inke hornihe eegi hereranina, she‐e hishge warnihakirikjanena egi ho‐harnira naixgunekjanena, egi hornihe hishankirakjanena egi jhasga‐hirakarara hishankirakjanena.

Johnga 11:52

Egi inke wankshig she‐eshana, eshi hishge harnaj stoiranaga hishankira Maura E ninkjang warnikjanena, jarnaga hoeragra.