Markga 13:11 - Winnebego Bible Portions 1907

¹¹ Eshi jaja harnini‐harairawigi egi nirushjare‐hirawigi, jagu hishekjawira inke jorni najge wojiwinianje, egi inke jorni wewi‐winianje, eshi higu jagurisha howagixeja hornikuinawigi she‐e hishekjawina. Inke ne hirat’at’awininana, eshi Naxirag Wakanjangra.

Markga 13:11 Iomraidhean Croise

Matthaiga 10:17

Eshi wankshig hinakewe khinianje woehieja harnini hahirekjanihawina, egi wohokhuhojhi warnineja washa pahi hinigipsinj hirekjanihawina.

Markga 13:12

Egi kikhinubra khinubra himakarag‐anaga d’ehirehikjanena, egi hianj‐hirera hinigra himakarai‐kjanena egi ninkjangnigra shag‐wahirera wakirairekjanena egi d’ehire wahirekjanena.

Markga 13:9

Eshi hirakara‐uwianje, woehieja harnini‐hahirekjanihawina egi wohokhu‐hojhieja horniji‐hirekjanihawina. Egi washinukana jowehireja harnini‐hahirekjanihawina egi hung‐eja, rash harnira hawau, e wihohi hakikira kik’uinekjanena.

Lukga 21:12

Eshi kheni de‐e hereni, harninukos‐hirekjanihawina, egi hinigishanainekjanihawina, wohokhu‐hojhieja harnini‐hahirekjanihawina egi jhiwornasse hojhieja, egi hung jowehireja egi washa hirukanaija harnini‐hahirekjanihawina, rash harnira hawau.

Johnga 3:27

Johnga horniharna egi wena: Wankshigra inke washa hisha kirus‐ruxurugninana, inke wangregi howaji hok’uinanigi.

Hoixgara 2:4

Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.

Hoixgara 3:13

Abraham egi Isaak egi Jakob Mau harninera, hianj‐hiwahiwira Mau harninera, glori‐gigirena Hinigra Jesus, E shurushja‐rerawina egi khibarawina Pilatus jowehieja jaja girushjanehina‐ira.

Hoixgara 4:31

Egi jaja Mau gikarajra rashjainegi, hounanka hixgana hajinja stonagra, egi harnaj Naxirag Wakanjangra hoixjinena, egi Mau hoit’era winuankhuni airena.

Hoixgara 6:10

Inke hakira ruxurug‐hiranina wowanaiksab egi naxirag wirokit’ajege.

Hoixgara 6:15

Egi woehieja minagananka harnaj horuxuj‐hinena egi hishjara hajairegi waxopiniwarajire hishja unguni hirewahina.

Hoixgara 7:55

Egi Stephanga Naxirag Wakanjangra hoixjinjena wangregi horuxuj‐jena egi Maura gloria harnira hajarna egi Jesus Maura nab‐hoishorohieja nashinje hajarna.