Hogusra 39:3 - Winnebego Bible Portions 1907

³ Egi hirukana harnira hajarna, Jehowa Joseph hakishu unjera, egi jagushana unjega Jehowa hophi howehijena.

Hogusra 39:3 Iomraidhean Croise

Hogusra 21:20

Egi Maura hojinjinigra hakishu unjena egi xetena, egi ma‐hojainainja jhina egi mawiguj waruphi‐jijena.

Hogusra 21:22

Egi wauinena shejananegi, Abimelex egi Phixol manape hung xetera manape warnira Abraham hokit’airena, wairena: Maura harnikishu unjegaja higu jagu sh’unga.

Hogusra 21:23

Esge shegunegi wiho hingigire Maura hiu, e inke washa hirohire hinagish’unikjena, egi shige inke hinighara, egi shige inke hinighara hinigra, eshi hophira jasge ningigira nishge shesge hingigire egi shige ma worakuruxe rajane.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 26:28

Egi wairena: Hajawina Jehowa harnikishu unjera, esge wahawina, akhi wiho hihikjawina, hojakena hihiwiregi, egi rohira horeishankira hinkin‐kjawina.

Hogusra 30:27

Egi Laban wagena: Naixjina hijakoro hinakhisheshi, hiaperessana Jehowa washophi howewina ne hawau.

Hogusra 30:30

Jarnagkira hashinina kheni hajini, egi shegunegi rohana hornihe‐xetena, egi Jehowa washophi howenina hajira epa. Egi jajanagi nishge wajhira hakaraki‐koixjaneshe?

Hogusra 39:2

Egi Jehowa Joseph hakishu unjena, egi Joseph wang hophi howekeisha herena. Egi hirukana harnira Egipt wankshigra hojhieja unjena.

Hogusra 39:21

Eshi Jehowa Joseph hakishu unjena, egi najojana, egi jhi‐wornasse hojhi hirukanara naj‐hojaine hina.

Hogusra 39:23

Jhi‐wornasse hojhi hirukanara jarnaga washara hirukanara inke waworujanina, Jehowa Joseph hakishu unjege esge, egi jagu e unga, Jehowa hophi howehijena.

Matthaiga 5:16

Deshesge‐hiwire hohamb washiniwira wankshig jowehireja hatasha wakarakerewire, worephi washiniwira warnigija‐hirekjawina egi Hianjrawiga wangreginagre sharajangikjawina.