Hogusra 26:3 - Winnebego Bible Portions 1907

³ Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.

Hogusra 26:3 Iomraidhean Croise

Hogusra 12:7

Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.

Hogusra 13:15

Mara jasgexji hashjaga hornik’unkjanena egi su hashinira manegus.

Hogusra 13:17

Nashianage egi mara hiroha howarare egi haruje howarare, she‐e hornik’unkjanena.

Hogusra 15:18

Egi hamb‐eja Jehowa Abram rohira hikisge khina, wena: Su washinira ma de‐e wagarna, Egipt nishanag‐eja hura nishanag xeteja hipa, Euphrat ni‐eja.

Hogusra 17:19

Egi Maura wena: Hijawinaga Sarah hisgexji hojinjinig hisha harnigarnikjanena egi rash sharagi Isaak hiragekjena egi rohira hikisge wakhi harnira hakishuunje hakjanena, manegus rohira hikisge wakhi hisha herena egi e su warnira hag howarehiga.

Hogusra 17:8

Egi hornik’unkjanena egi su washinira hag howarehire ma wakuruxe hosh’urajane Kana‐an mara harnaj manegus harninekjanena, egi Mau ne‐hininekjanena.

Hogusra 20:1

Egi Abraham eja gixanarena sanig wiorojanjera hapahi egi Kadesh egi Shur hojakenainja jhina egi Gerareja ma‐wakuruxena.

Hogusra 25:11

Egi herena Abraham d’arnaga hageja, Maura Abraham hinigra Isaak najojana. Egi Isaak niwagu niambra wajara higairera hijejeja jhina.

Hogusra 26:12

Egi Isaak ma‐eja max‐hoshurna egi ma‐eja hogihisha hawinj rus‐shana, egi Jehowa washophi howehina.

Hogusra 26:14

Egi jhasga hornihe harnina, egi je hornihe harnina, egi warera roha, egi Philistra khiwassainena.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 28:13

Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.

Hogusra 28:15

Egi horuxujre, harnikishu hauanjena, egi higu hajinja horawasheregi hirani‐karakjanena, egi ma‐tegi shige harnini‐hakirikjanena. Inke nintutanikjanena egi jagu manigitajre harnaj hak’ungi epa.

Hogusra 31:3

Egi Jehowa Jakob wagena: Hianj‐waraga ma harnineja hakja howakarare egi washa‐waraija, egi harnikishu haunkjanena.

Hogusra 35:12

Egi mara Abraham egi Isaak wak’ura ne hornik’unkjanena egi su hashinira hag‐raija herera mara wak’unkjanena.

Hogusra 39:2

Egi Jehowa Joseph hakishu unjena, egi Joseph wang hophi howekeisha herena. Egi hirukana harnira Egipt wankshigra hojhieja unjena.

Hogusra 39:21

Eshi Jehowa Joseph hakishu unjena, egi najojana, egi jhi‐wornasse hojhi hirukanara naj‐hojaine hina.

Hogusra 48:21

Egi Israel Joseph wagena: Horuxujre, jhekjanena, eshi Maura harnikishu unkjanena, egi hianj‐waraga ma harnineja harnini‐gikjanena.

Hogusra 50:24

Egi Joseph wakhinubra wawagena: Jhekjanena egi Maura jasgegi homanikini jikjanihawina egi ma‐tegi harni‐hinihinab‐hikjanihawina egi ma‐eja harnini‐gikjanihawina e Abraham wihogigira eja, egi Isaak egi Jakob.