Matthew 7:26 - Wik-Mungkan

²⁶ Puth than pam wanch weeꞌ-weeꞌanangan wik ngatharaman ngeeyayn-a, puth kaangk keꞌ ngangkangan piꞌ-piꞌayn-a, an keꞌ than pam anan kuchek wayan yimanangan, nil aawuch aak wayangan kaach, chil michanganwey.

Matthew 7:26 Iomraidhean Croise

Matthew 7:24

“Ngay wik kath inan waaꞌāng aawuch kuchamantama. Than pam wanch weeꞌ-weeꞌanangana wik ngatharaman ngeeyayn-a, aꞌ puth-a, ngangkangan piꞌ-piꞌayn ngul-a, an keꞌ than pam anan kuchek waap min yimanangana, nil aawuch aak minang thayanangan kaach nungantakamana.

Matthew 7:25

Ngul-ngulaniya, ngak kaap wuut piꞌan ngulan wamp-wamp, aꞌ ngak yeeꞌ piꞌan uk-uk, aakan ngakangan yaꞌ maay, aꞌ putha wunt wuut piꞌan wunp-wunp. Puth aawuchana keꞌam keek yaꞌa. Anman thayanam than-than, nil puth pam alangan aawuch nungantaman aak minang thayanang kaach.

Matthew 7:27

Ngul-ngulaniya, ngak kaap wuut piꞌan ngulan wamp-wamp, aꞌ ngak yeeꞌ piꞌan ngulan uk-uk, aakan ngakangan yaꞌ maay, aꞌ putha wunt wuut piꞌan thamp wunp-wunp. An puth aawuch nungantamana yaam keꞌam than, yaꞌa, erkam muutathiy keek, pum!!! -- nhanth thuthanakam keek.”

Luke 6:49

Puth nil weeꞌangan wik min ngatharaman keꞌan ngeey-ngeeyow-a, an niliya keꞌ pam thon alangan aawuch aak wayangan kaacha, chil michang, aak thayanang yaꞌa. Ngul-ngulana, ngak kaap wuut piꞌan ngulan wamp-wamp, aꞌ ngak yeeꞌ piꞌan ngulan uk-uk, aakan ngakang yaꞌ maay, an puth aawuch nungantamana yaam keꞌam than, yaꞌa, erkam keek, muutathiy keek, pum!!! -- nhanth thuthanakam keek.”

James 2:20

Niiy keꞌ way-wayan ngaantam-ngeeyāna! Ngay wik inan thaaꞌ-thayanam waaꞌ-waaꞌang niiyanta: than weeꞌ-weeꞌanangan keꞌaman kaangk wuntan pam wanch wiyantan-a, putha min keꞌaman yumpantan thant-a, an than kan-kanaman keꞌam ngangkang piꞌ-piꞌantan nunang Jesus.an yaꞌa. An yaan muukamantan thonakama, wik aak-yaꞌang thawantan.