Matthew 6:9 - Wik-Mungkan

⁹ “Niiy kaangkwey thawān God.antan-a, niiyiy wik yimanangan thawān nungant: ‘Piip nganttam in kenyana, ngan kaangk pam wanch maꞌmangkaman thawayn nungk nint wuut piꞌan, minam paththam a!

Matthew 6:9 Iomraidhean Croise

Matthew 10:29

Puth niiy kan wik inan ngeeyāna: niiy minh panch kucham sparrows nath piiyina wukal manyanga, keꞌ two centsang yimanangana. Nil puth piip God.angana maꞌangam piꞌ-piꞌan thanang minh panch many pattakam anangana. Nil minh panch many sparrowa thonamweya aakangan keekiya aꞌ mul ngulan wuniy aakang-a, an nil thathan piip God.angana, puth nilan kan aak miꞌant minh panch manyan uthamowana.

Matthew 23:9

Puth niiyiya pam wiy anangana piip keꞌ waaꞌān thananga, niiyantaniya piip thonam anman, in kenyan wun-wunana.

Matthew 26:29

Ngay wik inan waaꞌāng niiyanta: ngay wine inana keꞌ-ngul mungkāng, yaꞌa. Ngul-ngulaniya ngampaniya karpam ngul wunāmp aak piip ngatharamantang God.antang -- aꞌ ngayaniya wine nyiingkanam ngulan mungkāng niiyantangana aak ing kenyana.”

Matthew 26:42

Aꞌ nil Jesus.ana putham ngul iiy meeꞌ-wuthanamanak, piip-kunchant God.antan aꞌ nilan thaw, “Nint kaangk natha kuchān ngayanga, than yipam wayan yumpayn ngathara, yaa, an kana, ngay keꞌ weeking ngatharakamana, ngay wik ngeeyāng nintangana.”

Matthew 5:16

Yaa, in aak yimanangan wunana: niiy min-minam anman iiy-iiyān meeꞌ thanttang pam wanchantangana. Than niiyangan thathaynwey-a, minan iiy-iiyān-a, yaa, niiyaniya keꞌ nganth yimanangan thant aꞌ thanana ngaantam-ngeeyayn nil God.an piꞌan min-minam paththam.

Matthew 5:48

Niiyiya putha, ngangk minangam iiy-iiyān pam wanch yotantan, keꞌ piip God.an min-minam paththam iiy-iiyan aak in kenyan heavenangan.

Matthew 6:14

Aꞌ nil Jesus.an thaw thant ngul, “Niiyang way anangan kon-ngathow niiyang than wiyangan yump-yumpin niiyant-a, yaa, nil puth piip ngamparam God.angan-a, keꞌ-ngul ngaantam-ngeeyow way niiyan yump-yumpana.

Matthew 6:6

Puth niiyiya, niiy piip God.antan thawān-a, niiy puy iiyān pokkapang aak enyanang thawān nungant. Niiy puth keꞌ thathin nunang God.an yaꞌa, niiy meeꞌ-wuthanamān nungantana, an epa. Nil piip God.angan ngul thathow niiyang aak angana, aꞌ nil putha thaaꞌ-kuumpow niiyang aꞌ ngangk min wunow nungant niiyantamana.

Matthew 7:11

Nungkway niiy way iiy-iiyaniy-a, niiy min-minam piꞌ-piꞌaniy thanang puk niiyantam anangan. Puth niiy kan ngaantam-ngeeyān nunang piip God.ana. Nil ep min-minam paththam iiy-iiyan. Niiy weeꞌ-weeꞌanangan thawin nungant God.antan-a, nilana min-minam paththam piꞌ-piꞌow niiyang.

Luke 15:18

Yaa, ngay puth koyam iiyāng piip ngatharamanta, aꞌ thawāng nungant, “Piip-ang, ngay way-wayam paththam yumpangan meeꞌ God.antangan, aꞌ puth nungkar thamana.

Luke 15:21

Nil nhengk-kunchan thawant, ‘Piip-ang, ngay way yumpangan God.ant aꞌ nungkar thamana. Nintan puth ngayang nhengk keꞌ-ngul waaꞌ-waaꞌān. Ngay puth way yump-yumpangana.’

Luke 2:14

“Ngamp thaaꞌ-kuumpāmp nunang God in kenyan, nil puth piꞌan, min paththam. Than weeꞌ-weeꞌanang min-minam iiy-iiyantan meeꞌ nungantamangan-a, yaa, an than ngangk min wunayna.”

John 20:17

Aꞌ nil Jesus.an thawant, “Keꞌ mamān ngayanga! puth ngay keꞌam yippak kenya matangan piip ngatharamantan. Puth nint iiyān ngurp ngatharam al-alantan, than puth keꞌ kuunch ngatharam yimanangan, aꞌ wik yimanangan thawān thant, ‘Ngay keny matāng God.ant, nilan puth piip ngatharama, puth piip niiyantam thampang, God ngatharama, aꞌ puth God niiyantam thampang.’ ”

Romans 1:7

Ngay puth inan lat niiyant umpanga. Nil piip God.angan kaangk niiyang aꞌ nil puth ump niiyang pam wanch nungantam iiy-iiyāna. Ngay kaangk piip God.ang pul Lord Jesus Christ.angan ngangk minangam piꞌ-piꞌowpul niiyang.

Romans 8:15

Kaꞌathaman ngampan winynyang moꞌ-moꞌamp nungantam God.antamana, amanamaniya nil Ngeen-Wiy Min God.antaman ngangkang ngoonch ngamparangan. Nilana keꞌam winyathan ngampang, yaꞌa, nilan thawan ngampar, “Niiy nhengk God.antam ngul iiy-iiyaniya” -- amanaman-a, ngampan puth ngangk minangam thawanamp nungant God.antana, “Piip nganttam-ang!”

Galatians 1:1

Ngay Paul lat inan umpang niiyant maꞌmangkam al-alantan pam wanch piip God.an ngangkangaman piꞌ-piꞌaniy nunang aak Galatia.angana. Than pam wanchangan keꞌaman kuchin ngayang wik waaꞌāng niiyant God.antamana, yaꞌa, puth piip God.angana pul Jesus Christ.angan ep kuchpul ngayang wik waaꞌanakan God.antamana. Nil God.angan kaꞌathamana Jesus.an mulaman ekath nunang. Than Christians maꞌmangkamang ngurp ngamparam aak inman wuntan-a, wik kuchantan niiyantweya than ngaantam-ngeey-ngeeyantan niiyang.

Galatians 4:6

Nil God.angana Ngeen-Wiy nhengk nungantam alantaman kuch ngampar ngangk ngamparangan wunowa anan yipam meenathow ngampar ngamp puk nungantaman. Nil Ngeen-Wiyana pechan God.antana, “Piip-ang, piip ngatharam-ang, piip-ang.”

1 Timothy 6:16

Nil anman thonam keꞌ uthamiy, yaꞌa, murkanam anman man-yetham wun-wunowa; aak nungantaman park-parkan anman, ngaaꞌ keꞌam wun-wunana, yaꞌ anman, murkanam anman nganth piꞌan paththam park-parkana, pam wanch puth keꞌ wampiythan thinthamana, an yaꞌa. Pam wanchang aak keenkanamana keꞌ thathanam nunang; puth in-inman ngamp keꞌ thathimp nunang, yaꞌa. Ngamp thaaꞌ-kuump-kuumpāmp nunang, aꞌ putha min waaꞌ-waaꞌāmpan a! Niliya thay-thayanam anman wun-wunan, an kan-kanam paththam a!

1 Peter 1:17

Ngamp meeꞌan wuth-wuthanamanampan God.antan-a, ngamp piip waaꞌ-waaꞌanamp nunang a! Yaa, ngamp aak ingan yippak wun-wunanamp-a, ngamp God.an ngaantam-ngeey-ngeeyāmp nunang, aꞌ putha ngangk min yump-yumpāmp nunang. Nil puth ngulan thawow pam wanch thon-thonantan than nath min iiy-iiyinweya, nath yaꞌa, way iiy-iiyin. Nil meeꞌmiy yotam anangana ngampan yump-yumpamp, aꞌ nil meeꞌangaman ngul thaw-thawow ngampar maꞌmangkamantana, wiyantan thonakam yaꞌa, nil puth pam wanch koꞌalam keꞌam kaangkiyath thananga, yaꞌa, yotam maꞌmangkamantan thaw-thawow.

Revelation 4:11

“Moom nganttam! God nganttam! Ngan thaaꞌ-kuumpanan nintang! Ngan puth nintang min paththam ngaantam-ngeeyanan aꞌ thayan paththam, aꞌ puth anpalmana ngan thaaꞌ-kuumpanan nintang. Nint puth maꞌmangkam yumpan. Nint thonamang ngaantam-ngeeyan way min maꞌmangkam yumpanakaniy aꞌ putha maꞌmangkam man-yetham piꞌ-piꞌangana.”

Revelation 5:12

Than ngaantiyongk yot al-alangan aak othamayan path-pathin, wik inanganiya: “Nil pam inan keꞌ lamb ananiya, thanan mulathin nunang aak keenkana, nilan pam min paththama! Aꞌ piꞌan paththama, maꞌ-kunch aꞌ kuchek waap min paththama. Aꞌ nil karangk paththama. Ngamp mak thaaꞌ-kuumpāmp nunang aꞌ min-minam paththam waaꞌāmpan.”