Matthew 6:34 - Wik-Mungkan

³⁴ Niiy yimanangan keꞌ ngaantam-ngeey-ngeeyāna, ‘Ngaaꞌthamana, aak way nath ngul wampow ngampar.’ Kuchek way puth keꞌ wunow niiyant amanaman a! An yaꞌa. Aak way nath kinch inman nath wampiy niiyant. Niiy inan ep ngaantam-ngeeyān niiy want-wanttakan kinch inmana aak wayan thaampāna, anman thonakam, an anman kana!

Matthew 6:34 Iomraidhean Croise

Matthew 6:11

Piip-ang, kinch inana nganangan maꞌangam piꞌān ngan yipam may minh thakan uwāna.

Matthew 6:25

“Ngay inan waaꞌāng niiyantan: niiy yaam keꞌ ngaantam-ngeeyān may-a, putha way min anangan thakan, aꞌ yaam keꞌ ngaantam-ngeeyān niiy ngul want-wanttakan minam piꞌ-piꞌān niiyantakaman. Niiy ngul aak ingan wunaniy may mungkanakan thonakam ey? aꞌ putha ngook min-miniy ngoonchanakan ey? Yaꞌa!

Matthew 6:27

Kuchek way nath wunowan niiyant mayam thakan-a, ngul niiy yaam man-yethamanan wun-wunān ey? Yaꞌa.

Luke 10:41

Puth nil Jesus.an thaw nunganta, “Ayyang, Martha-ang, work nanan keꞌ ngaantam-ngeeyāna, kuchek wayan keꞌ wunow nungkar workamaniya.

Luke 11:3

Piip-ang, kinch inana nganangan maꞌangam piꞌān ngan yipam may minh thakan uwāna.

Luke 12:11

“Aꞌ in thamp ngeeyāna: pam wanchangan ngul nath kalayn niiyang courtakan aꞌ umang thanathayn niiyang wuut manth-thayan al-alantang aak church angman, aꞌ puth court thonangan pam piꞌ-piꞌanam Government al-alantangan. Aꞌ thananiya waaꞌayn niiyang aak-yaꞌang thakan niiy puth pam ngatharam. Niiyantaniy kuchek keꞌ wayamowa, puth keꞌ ngaantam-ngeeyān niiyantakaman, ‘Ngay wik ngeen thawāng e? Ngay want-wanttaka wik min thawāng e?’

Luke 12:22

Aꞌ nil Jesus.an thaw thant ngurp nungantam al-alantan, “Ngay inan waaꞌāng niiyantana: niiy yaam keꞌ ngaantam-ngeeyān may-a, puth-a, ngook thakan, aꞌ yaam keꞌ ngaantam-ngeeyān niiy ngul want-wanttakan minam piꞌ-piꞌān niiyantakaman.

John 14:27

“Ngay wantāng niiyangan-a, niiyan ngangk minangam iiy-iiyāna, ngayan putha ngangk min yumpāng niiyangana. Ngangk min ngayan yumpāng niiyang-a, an nil-nila, an keꞌ than pam wanch wiy al-alangan ngangk min yumpwuntan yaꞌa. Niiy ngangk wayan keꞌ wunān a! aꞌ niiy keꞌ winynyangan moꞌān a!

John 16:33

Ngay wik inangan kan waaꞌangan niiyant, niiy yipam ngangk min paththam iiy-iiyān, ngay puth ngangk niiyantang wun-wunang. Than pam wanch wiy al-alangan-a, ngangk kulangam ngulan kal-kalayn niiyang, aꞌ way-wayam ngul iiy-iiyayn niiyant. Puth niiyan-a, ngangk thayanam iiy-iiyān a! Ngay puth kan yaꞌ maalathang thanang a! Than keꞌ pam manyiy ngul iiy-iiyantan a!”

Acts 14:22

Pul aak-aakanakan iiypula pul yipam ngangk thayanathowpul thanangweya than anangan Christians yotamana, thanan yipmam keꞌ-ngoongkam ngangkangam piꞌ-piꞌayn nunang God.an, than yipmam keꞌ weentayn nungantam God.antamana. Pul kucham il-ilangana waaꞌ-waaꞌpul thant pam wanchantan wik inangana, “Than pam wanch weeꞌ-weeꞌanangan keꞌan ngangkangan piꞌ-piꞌantan nunang God.an-a, puth than kaangk way anman yump-yumpayn yotam il-ilantan ngampar puth ngamp ngangkangaman piꞌ-piꞌanamp nunang God.ana. Ngampar way paththam yump-yumpayna ngamp yippak man-yethaman iiy-iiyanamp, puth anpalana, ngamp puth aak umpuyam ngul wunāmp nungantang God.antangana puth nil kan-kanam moom piꞌan paththam ngamparama!”

Philippians 4:6

Ngeen nathwey wampow niiyant-a, min nathwey-a, nath yaꞌa, way natha, an niiyana kuchek way keꞌ wunān, niiyiya meeꞌ-wuthanamān piip God.anta, aꞌ thawān nungant minam piꞌ-piꞌow niiyanga, aꞌ putha niiyaniya thankyou thaw-thawān nungant God.antana, aꞌ amanamaniya, nil God.angan yipam ngangk maal piꞌ-piꞌow niiyang, aꞌ kuchek minam piꞌ-piꞌow niiyang yipam ngangk wayan keꞌ wunow niiyanta, puth niiy maꞌ Jesus Christ.antang iiy-iiyaniy. Puth ngampaniya keꞌ God yimanangan yaꞌa, ngamp min-minam paththaman keꞌ ngaantam-ngeeyimp nunangan nil God.angan want-wanttakan minam paththam piꞌ-piꞌan ngampang.

1 Peter 5:7

Niiywey nath ngangk way iiy-iiyānan-a, nath kuchek way wunow niiyantan-a, yaa, niiy waaꞌ-waaꞌān nungant God.antan, kon uth iiy-iiyān nungantang puth nil minam piꞌ-piꞌan ngampang.