Matthew 5:25 - Wik-Mungkan

²⁵ “Pam thonam nathwey thawiy niiyanta, ‘Ngay nintang kalāng courtaka, puth nint wukal ngatharam keꞌam koyaman theeꞌan ngath.’ Yaa, niiy puth yaamana keꞌ kuupān, niiy koyaman erkamwey theeꞌān nungant, yipam nilana ngangk min wunowantwey. Niiyaniya putha courtakan keꞌ-ngul iiyin yaꞌa. Niiy courtakwey iiyin-a, nil maꞌam theeꞌiy niiyang magistrate alantan, aꞌ nil magistrate alangan maꞌam theeꞌiy niiyang policemen al-alantan, thanan putha jailang thenchiythan niiyangweya.

Matthew 5:25 Iomraidhean Croise

Matthew 26:58

Nil Peter.aniy-a, kecham koy-koyyuw iiy-iiy thanttang, aꞌ nilana aak angman wamp, aak Caiaphas.antam angmana, puth keꞌam ngoonch, yoon angman than-than. Nilan soldiersantang nyiin-nyiin wik ngeeyow thanang than wanttakan wik yumpayn nungant Jesus.antana.

Luke 18:3

Nil wanch wukalongk aak town angan wun-wun aꞌ nilana maꞌ-yotam wamp-wamp pam piꞌan alantan aꞌ puth-puthamim thaw-thaw nungant thaaꞌ-mamananga, ‘Nint ngayang keꞌ weekin ey? pam alantaman nil wayan yump-yumpan ngathara.’

2 Corinthians 6:2

Nil God.an thawa: “Aak keenkanamana, ngay aakan kan miꞌangan ngayan kaaꞌ-piichanathāng niiyangana. Aak anan wamp ngulan-a, ngay niiyang ngeeyangan niiy ngatharakan thaw-thawana. Puth ngayiya kan maꞌ-aathangan niiyang, aꞌ kaaꞌ-piichanathangan niiyang.” Nil God.an yimanangan thaw. Aꞌ niiy puth inan ngeeyān ngayan thawāng ngul niiyanta: aak yimanang ngulan-a, nil God.angan min-min maꞌ-aathow niiyang niiy weeꞌ-weeꞌanangan thawān nungant maꞌ-aathanakan niiyang. Nil God.an inman kuup-kuupan niiyanta kaaꞌ-piichanathanakan niiyanga!

Hebrews 12:17

Niiy meeꞌmiya ngul-ngulana, nil Esau alangan kaangk piip nungantamana wik min thawowant nil God.an min yipam iiy-iiyow nungant. Nil puth piip-kunchan “yaꞌ” thawant. Nil Esau.an peey-peey ngul piip-kunchant puth nilana kaangk koyam puk kaaꞌ-ngeechaman iiyow puth yaꞌa, nil kan waaꞌant pont-kunchant.

Hebrews 3:13

Yaa, ngaaꞌ thon-thonana, niiy ngangk thayanathwun niiy-niiyantakam, niiy yipam wayana keꞌ iiy-iiyāna, keꞌ yipam God.an wantān nunang. Niiy wayan yump-yumpaniy-a, an way al-alanganiy-a, ak-wich-wichan niiyang, niiy yipam wik God.antaman keꞌ-ngul ngeeyāna. Niiy nath ngaantam-ngeeyina woyan wayan keꞌ min niiyanta, puth an min niiyant yaꞌa, an way paththam.

Hebrews 3:7

Ngampaniya wik inangan ngeeyāmpa, nil Ngeen-Wiy Min God.antam alangan keenkanaman waaꞌ pam al-alantana, aꞌ thanana umpin lat ngench thayananga, wik inangana: “Nil God.anwey wik thawiy ngampar kinch inmanwey-a,