Matthew 27:40 - Wik-Mungkan

⁴⁰ “Ayyang, nint keꞌ aawuch ngench thayan God.antaman wayathin ey? Aꞌ kinch maꞌ-koꞌalamang kanan wantowan-a, keꞌ nint koyam ngul kaachin ey? An yaꞌa! Nint nath kan-kanamweya nhengk God.antaman-a, nint kan nungkarakam kaaꞌ-piichanathāna aꞌ yuk wuuyan nanpalan ukāna!”

Matthew 27:40 Iomraidhean Croise

Matthew 16:4

Niiy pam wanch man-yethaman wun-wunaniy puy-puyamana, niiy min yaꞌ paththama, niiy pam wanch way-wayam paththam iiy-iiyaniy, niiy piip God.ana too wantan nunang ey! Niiy ngul ngeenak thaachaniy ngayang ngay work piꞌan yumpāng meeꞌ niiyantamangana? An yaꞌa! Ngay work piꞌan keꞌ yumpāng niiyant, yaꞌa. Niiy inan ep-paththam thathān, ngay keꞌ pam anan Jonaha.” Wik kanan thaw-a, nil Jesus.ana kan-ngul iiy, pam anangana want ngul thanang.

Matthew 26:61

Ngul anpalaniya, pam kucham ngul iiypul aꞌ aak umang angan thanpul Jesus.an waaꞌ-waaꞌpul nunang thant pam piꞌ-piꞌanam al-alantan, wik uuy-uuyampul yaan waaꞌpul nunang Jesus.an, pulan thawpula, “Nil pam inman thaw, ‘Kaangk ngaya aawuch ngench thayan God.antaman wayathing-a, an ngay wayathing, aꞌ kinch maꞌ-koꞌalamang kanan wantowan-a, ngay koyam ngul yumpānga.’ ”

Matthew 27:41

Than pam piꞌan priests al-alangana aꞌ puth than pam piꞌan anangan wik thayanan thaaꞌan-aath-aathina aꞌ puth than wuut manth-thayan anangana, than thampang thaaꞌ-thengkathin nunang Jesus.ana.

Matthew 27:42

Than thawin thanttakaman, “Nil thanang wiy anangan ep kaaꞌ-piichanathan ey? Nil puth nungamang thamp kaaꞌ-piichanathow ee! Nil kan-kanam moom piꞌan king ey? aak Israel aakanakan ey? Nil nath yuk wuuyanam anpalan ukowa, ngampaniya ngul ngaantam-ngeeyāmp nunangana nil kan-kanam God.angan kuchana.

Matthew 27:54

Pam moom soldiers al-alantamana aꞌ puth-a, soldiers nungantam anangana angman than-thanina, min-min thath-thathin nunang Jesus.ana aꞌ than thathina want-wanttakan wampa nungantaniya, than thathina aakan wunyath earthquake.angana aꞌ thananiy-a, winynyang paththam moꞌina, aꞌ thanan thawin thanttakaman, “Nil pam inana kan-kanam paththam nhengk God.antama!”

Matthew 4:3

Amanamaniya, nil oony way piꞌanan wamp nungant Jesus.antan, aꞌ thawant, “Nint nath kan-kanamwey nhengk God.antaman-a, yaa, nint kunttow inangan epankathān thanang may breadakana.”

Matthew 4:6

Aꞌ oony way piꞌanan thaw nungant Jesus.antan, “Nint nathwey kan-kanam puk nhengk God.antaman-a, yaa, nint inpalman chang peyān a! aakanakam pek aakaka! puth wik inangan lat ngench thayanangan thawana: ‘God.angan ngaantiyongk nungantam anangan ngul kuchow thanang yipmam maꞌang mamayn nintang nint keꞌ yipam mulakaman keekān yaꞌa, thaꞌ nungkaraman thaka keꞌ thuthin kunttowangan yaꞌa.’ ”

Luke 16:31

Nil puth Abraham.an wik inangan thawa, ‘Than nathwey wik thayan Moses.antamana putha pam prophets al-alantaman keꞌan ngeey-ngeeyayn-a, yaa, an puth than wik pam mul al-alantaman keꞌ ngeey-ngeeyiythan, yaꞌa.’ ”

Revelation 11:10

Than pam wanch aak imanaman earthama ngangk min paththam wunayn puth pam kucham inangan pula kanam mul wunpula. Puth pul pam prophets il-ilangan aak way maꞌ-yotam wampathpul thant pam wanchakan. Thanana ngangk min paththam ngul wunayn, aꞌ keeꞌayn ngul aꞌ puth aak thakan path-pathayn aꞌ yuk way min thakan aathwayn.